إيـقــاع الـمـطـــر

[علي الحسني]

/


أكتبيني على دفتـر غرامـك حـروف
رتبيها علـى مبنـى بيـوت القصيـد
/
وارسميها مع الحناء بنقـش الكفـوف
واجعليها مراسم عـرس وايـام عيـد
/

واعزفيها على لحن الوتـر والدفـوف
ردديها معانـي شـوق باحلـى نشيـد
/

واعلنيها على كـل المـلا دون خـوف
وانظميها بجيـدك مثـل عقـدٍ فريـد
/

حسنها يبهر اللـي بالعمـى مايشـوف
كيف عاد الذي عنده بصر مـن حديـد
/

ودنا نلتقي رغـم الخطـر والظـروف
ودنا نكسر الحاجز ولـو هـو شديـد
/

لاتقوليـن بافكـر واحـاول واشـوف
واجهي الجد بالجد والمخـاوف تبيـد
/

ياعسى قلبك القاسـي يليـن ويـروف
أمنحيني ولـو ساعـة زمـن ماتزيـد
/

وابحري في فلك فكري خيال وطيوف
طوفيي آفاق وادنـي للقريـب البعيـد
/

وإن وصلتي مرافي الشط خلي الوقوف
أتركي الشط واقف وابحري من جديـد
/
\

 

[علي الحسني]

يالشينه اهواك واتمناك واتأملك

في كل شيٍ حلو شينك يعود حلى

/

عنيده ادري تراني يالغلى ما اجهلك

لكن للحب سطواته وهذا البلا

/

يسوقني لك رغم قسوتك واتحملك

يامهرة الشوق يحديني عليك الغلى
　
/

طرقت لك كل باب ولاقدرت ادخلك

حتى من الهمس ممنوع اسمع احلى هلا

 

[علي الحسني]

آموت في ذيك الرياض اللي دنى منها الجنى
............. ياليتني في ظلها الوارف تمتعت بشذاك
وشهي الرياض انتي الرياض انتي ينابيع السنا
............ لا اظلم علي الليل الاقيني على شرفة سناك

 

[علي الحسني]

كم لي وانا اشكلك صوره واسولف لك
............. واكذب عليه واقول انك بتوحيني
يرضيك اعيشك خيال ولا حصل وصلك
............. عندي شعور ان قلبك مايخليني

.............

 

[علي الحسني]

كل يوم انتظر قلبك عليه يحن
........ والبلا ما طلع لليوم هذا صباح
بس قلبي السبب .. أشكيه .. قولي لمن
........ يمطرك شوق جامح تمطرينه جراح

 

[علي الحسني]

ودي أصور لك حبوري ياغلاي
.......... بشوفتك واعبر شلون الشعور
لكن عجزت القى لهالحاله معاي
......... أقصد معاك حروف وانتي حرف نور

 

[علي الحسني]

إلى متى ما اشوفك الا في المنام
........ وافرح بشوفتك البخيله واحتفل
يعني عجزتي لاتقولي لي سلام
........ متى بربك ينتهي عذر الخجل

 

[علي الحسني]

إذا غبتي أغيب اتعب أدورني ولا القاني
............ ولا من عدتي اخضرت حروفي تفرش دروبك
دخيلك لا تخليني كذا في بعدك آعاني
............. لمن هذا المطر لو ما ربيعي عاد من صوبك