مطر مطر

[سليمان عباس]

انتعش فيني
انفصال الروح
واتمادى الجسد

وعن رجوعي..
حال ـ جسر الحرف ـ بين الاتصال

وابتداني
الــ لاّ... ارادي..
يكتب الامي وجد

باح مني اللي خفيته..
دون ما ادرك

وقال:

كيف اسكت
والصبر...
كوّن من الامك مدينه

في شوارعها زحام
وفي موانيها زحام

يا جريح الجهل
يكفي...
ابتسامك.. للضغينه

ما يهمك لو تحوّل
كل ما حولك حطام

دست.. احلام التراب
اللي يغذي زارعينه

وجفت انهار الحكايه
لجل احلام الرخام

 

[سليمان عباس]

تريث يا جنون اعقل
وخصص للمعاني لون
وانصت قبل ما ترحل
لروحك وانسي لحن الكون
اذا جنونك لقي لي حل
فحلك اعقله مجنون

 

[سليمان عباس]

يا جرم عبله وهي تناظر
عنتر وحبه تغلغل فيه

 

[سليمان عباس]

بهونك




صب لي فنونك

بعد ما حرفها يغلي

على تلقيمة من لونك


وبلا سكر اذا تسمح


يكفي زايد جنونك

 

[سليمان عباس]

غزاني الحرف واعياني
وقيدني بدون شراك
وغطى عيني واعماني
واخذني للذي وداك
ولا ادري وين وداني
سجينٍ في سما الإدراك

ولا تسأل.
سبب هالدمع
اذا شفته
بعين الشمع
يكفي
تسعفه بالصمت
وتكرم
هالتعب بالسمع

 

[سليمان عباس]

الإدراك
من اكبر نعم الله علينا
اذا تتبعنا مواضع الألم
وبادرنا بعلاجه

 

[سليمان عباس]

في اخر زعل دورت عن قطرة صبر فيني
لقيت الصدر متصحر ولابه للرضى قطرة

 

[سليمان عباس]

كل الأمل بالله
لا ترتجي غيره
الكل في دنياه
عايش على خيره
لا ذا. ولا هذاك
ينفعك في دنياك
والله ما تنساك
رحمة مقاديره