ارتداد

[ماجد العيد]

و باقيْ ايجار هالشقّة ..
و باقي جار هالشقّة ..
و قسط البنك ..
و فاتورة .. و جمعيّة ..
و سيارة لها أسبوعين بالورشة ..
- زيادة ضنك -
و ثلاجة ..
تئن الجوع .. من أسبوع ..
تبي تشبع ..
تعدّد باقي الباقي ..
تحس إن لك مِيَة إصبع !
و تِتْجَدّد ..
و تبدا تعدّ من باقي ؟
بـ إبهامك لمن يطلب ..
و حالك حال سبّابة ..
و على ترتيبها في العدّ ..
تذكّر راتبك مخصوم ..
.
.
و تِتْشَهّد !

 

[ماجد العيد]

وِ كْتاب ..
و عيون تقرا اعجاب ..
و لسان يلهج ذِكْر..
لـ انسان ينهج فِكْر ..
مستفرد الإجماع ..
مستجمع الأحزاب ..
وِ كْتاب ..
نطويه لو نقرا ..
من خوف لا نعرى ..
و نَعْبِـرْه حبر و حبر..
عن صادق و كذاب ..
.
يا من بحث له حرف ..
له عن نواظر طرف ..
وقت الشعور الحال ..
و وقت القراءة / الظرف ..
إحساسكم أسمى ..
.
.
عن كونكم أحباب !!

 

[ماجد العيد]

صوتي اللي ما دعاك ..
ليه جاوبه السكوت ؟!
و وجهي اللي ما لقاك ..
ليه لاقاه الظلام ؟!
بين حلم و بين علم ..
بين أنام و ما أنام ..
رحلةٍ في وسط ليل ..
و ضيّ يملاه الخفوت ..
ايه أكره هـ الحياة ..
بس ما أقوى أموت !

أو ..

جاهلٍ هذي الحياة ..
جاهلٍ حتى / أموت !

أو ..

لو جهلتك يا حياة ..
من يعلّمني أموت ؟!

ما أبي أطوّل السالفة

 

[ماجد العيد]

مِلَـلْ !

 

[ماجد العيد]

يــِدّ وْ عُوُن !

 

[ماجد العيد]

الصمت فَضَّةْ .. وقت الكلام اللي ذَهَبْ !

 

[ماجد العيد]

لا تطوي الوقت باقي للهوى صفحة ..
ــ يجوز من فرحةٍ .. ربي و يكتبها ..
جاوز دقايق زعلك و للهوى صفحه !
ــ أو قل لي شلون بغيابك أرتّبها ؟!

 

[ماجد العيد]

يا مَـ أجمل الحلم لولا يقظتي باكر !