[ فهرس لـ أبعاد ذائقتكم الشعرية ] .. ؟!

[هـيـفـااللاّفـي]

.
.

لا تـمــد يـديــن وصـلــك للـحـسـافـه
ـــــــــــــــــــــــــــــــــــــــ ما بقى فيني علـى الأشـواق حيـل
كان فينـي قلـب قبـل أعلـن جفافـه
ـــــــــــــــــــــــــــــــــــــــــ كــان فيـنـي روح وأشـجـار ونخـيـل
كـنــت أرواد كـــل حــلــم ولا أخــافــه
ـــــــــــــــــــــــــــــــــــــــــــ كنت أسولف عن بلوغ المستحيل
عـاد تـدري كـل هـذا الشـوق تـافـه
ــــــــــــــــــــــــــــــــــــــــــــــــ عقـب راح العـمـر وعيـونـي تخـيـل

.
.
نواف التركي

 

[صالح العرجان]

للعارف [ عارف سرور ]


ودى أعرف لضحكة القلب وشصار؟
.......................وشلون لمّا للسوالف تحنين ؟

للحين ضحكاتك نواوير وأزهار؟
...................للحين بسماتك بها برد تشرين؟

للحينها عيونك بها برق وأمطار؟
........................بعدك الا منه طرا البعد تبكين ؟

للحينها تجرى تحت كفّك أنهار؟
.................وللحين وسط المحفظه صورة الشين؟

بعد الوساده تكتنز كل الأسرار؟
.......................بعدك تصلى الشفع؟ وإلا تنامين؟

هى بعدها يدينك بها نور وسوار؟
.......................... بعده الدولاب حزن الفساتين؟

أحمر شفاتك ظل فى لونه النار؟
..........................إذا بهت مثل الزمن .. لاتقولين!

بعد الشدو يعمل على عينك حصار؟
..........................باقي حزينه " بكلتك" والتلاوين؟

باقى الحمام اللى على ليل وجدار؟
..............................للحين يبكى لك وإنتى تغنين؟

باقى عصافيرك على نفس الأشجار؟
...................هي نفسها" الركوه" ونفس الفناجين؟

للحين باقى لى معك اى تذكار؟
......................عطرى.. بقايا ساعتى.. والدواوين؟

شفتى افترقنا وين ودتنا الاعمار !
.........................شفتى كبرت وصار عندى بزارين

ماعدت أدور لجل أراضيك أعذار
...........................مانى مصدق صار عادى تغيبين

الله يسهّل لك مشاوير وأسفار
.......................وتفتح بوجهك وين ماأنتى تروحين

وقولى عشقنى بس خانته الاقدار
.............................وإلا اتركيها واسكتى لاتقولين

لحظة ذكرتك طاح عن وجهى ستار
........................... وقمت اتذكر ضحكتك من تمرين

فراق عادى ماأبى غير الاخبار
.........................نفسى أعرف بغيبتى وش تسوين؟

 

[سعيد الموسى]

الحنين
الذاكرة
صمت الطريق
.. كلها تسأل عليك
وترتويني ..
قلت أحبك
قبل
ما عيني تضيق
.. وقلت أحبك
بعد
ماضيّعت عيني ..!
.
.
عبدالله زنان [ أعجوبة الشِعر ]

 

[شذرة السيف]

المشاركة الأصلية كتبت بواسطة صالح العرجان

للعارف [ عارف سرور ]


ودى أعرف لضحكة القلب وشصار؟
.......................وشلون لمّا للسوالف تحنين ؟

للحين ضحكاتك نواوير وأزهار؟
...................للحين بسماتك بها برد تشرين؟

للحينها عيونك بها برق وأمطار؟
........................بعدك الا منه طرا البعد تبكين ؟

للحينها تجرى تحت كفّك أنهار؟
.................وللحين وسط المحفظه صورة الشين؟

بعد الوساده تكتنز كل الأسرار؟
.......................بعدك تصلى الشفع؟ وإلا تنامين؟

هى بعدها يدينك بها نور وسوار؟
.......................... بعده الدولاب حزن الفساتين؟

أحمر شفاتك ظل فى لونه النار؟
..........................إذا بهت مثل الزمن .. لاتقولين!

بعد الشدو يعمل على عينك حصار؟
..........................باقي حزينه " بكلتك" والتلاوين؟

باقى الحمام اللى على ليل وجدار؟
..............................للحين يبكى لك وإنتى تغنين؟

باقى عصافيرك على نفس الأشجار؟
...................هي نفسها" الركوه" ونفس الفناجين؟

للحين باقى لى معك اى تذكار؟
......................عطرى.. بقايا ساعتى.. والدواوين؟

شفتى افترقنا وين ودتنا الاعمار !
.........................شفتى كبرت وصار عندى بزارين

ماعدت أدور لجل أراضيك أعذار
...........................مانى مصدق صار عادى تغيبين

الله يسهّل لك مشاوير وأسفار
.......................وتفتح بوجهك وين ماأنتى تروحين

وقولى عشقنى بس خانته الاقدار
.............................وإلا اتركيها واسكتى لاتقولين

لحظة ذكرتك طاح عن وجهى ستار
........................... وقمت اتذكر ضحكتك من تمرين

فراق عادى ماأبى غير الاخبار
.........................نفسى أعرف بغيبتى وش تسوين؟

 

[صالح العرجان]

تسلمين يا شذره على الورده

/
\


لـ مساعد الرشيدي


كريم يابارق يبرق على الحره
عيني تخيله وانا طرقي ووحداني

خلته وعيني تلم الشوف وتثره
مرات ظلما ومرات احمر قاني

برق رفيفه يقد الليل ويقره
من السما للثرى لين السماء ثاني

برق خذَ قلبي الساهي على غره
جعله على دار حياني وجداني

وأنا لربعي ليا باح لمدى سره
لاقلت ربعي يجيك العلم من داني

ربع لهم في مداهيل السماجره
ياطيبهم للخوي والجار والعاني

والمدح يظفي قميص العز ويزره
ماهو قصور بخلق الله ونقصاني

واللاش ظنه عويذالله من شره
أن كان وده على ماود يحداني

اشوم عن مجلس الحقران والهذره
أبوي مبطي عن الهذرات وصاني

والوقت مايامن الرجال من غدره
والراس ماينحني كان الله أحياني


واظنها ردية بينه وبين أمه لانها شاعرة حسب ما وصلني من علم

 

[نوف سعود]

الـــــحـــــظ مـــفــــتــــاح الـــــــــــدروب الــمــغــالــيـــق
او قــــــفـــــــل بــــيــــبـــــان الــــلــــيـــــال وخــــطـــــاهـــــا
مــــــــن لــيـــلـــة الــحـــمـــى لــقـــتـــك الـمــعــالــيــق
فـــــي ثـلـجـهــا فــــــي بـــردهـــا فــــــي لــضــاهــا
واســـكـــرك يـــاهـــم ورى الـــحــــدب وتــفــيـــق
كــــــــــل الـــطـــعــــون الــمــرمـــســـات وعـــنـــاهــــا
ومــــنــــيـــــن ابــــــبـــــــدا يــــــاجـــــــداد الــــطــــواريـــــق
وانــــــتــــــي مــــــواريــــــف الــــــجــــــروح وذرهـــــــــــــا
مـــــن ضـيــعــة الـســجــة ومــــــر الــمــذاويــق
والا مـــــــــــن عـــيــــونــــي ســــهــــرهــــا ومــــــاهــــــا
بعـض العـلـوم يـجـف مــن دونـهـا الـريـق
وبــعـــض الــعــلــوم يـــجـــف ريـــقـــي وراهــــــا
كـحــلــت عـيــنــي مــــــن وجـــيـــه الـمـخـالـيــق
لـلــســاعــه الـــلــــي يـنــثــنــي مـــــــن عــصـــاهـــا
ويومي زبنت العين في ساعة الضيق
ادركـــــــت مـــــــن كــــحــــل طــرفـــهـــا عــمـــاهـــا
بــعــض الـلــحــى عـــــز بــوجـــه الـمـطـالـيـق
وبــعــض الـوجـيــه اكــبــر خــزاهـــا لـحــاهــا
تــــــــغــــــــرك ازوال الــــــــــــــــرزال الـــمـــطـــافـــيــــق
لـــــوانـــــهـــــا مـــاتـــخـــتـــلــــف عــــــــــــــــن نـــــســـــاهــــــا
هـــزايــــل تــلـــهـــث ورى الــــهــــرج وتــضـــيـــق
مـــــــن قـــبــــل تــخـــلـــق والــــزمــــان ايــهــجــاهــا
الــــــــلـــــــــي لــــــــيـــــــــا حـــمـــلـــتــــهــــا بـــالـــمــــواثــــيــــق
تــضــعــضــعــت يـــســـبــــق مــيّــلـــهـــا رغـــــاهــــــا
يــــالــــيـــــل وان مــــــريـــــــت راع الـــعـــشـــاريــــق
غــــــــــب الـــهـــمــــوم الـــــلـــــي تـــــزايـــــد بـــــلاهـــــا
قـــلـــه طــــــروش الــقــلــب جـــمـــع وتــفــاريــق
ذود وطـــــــــــا قـــــفــــــر الـــضــــلــــوع ورعـــــاهــــــا
ومــابـــيـــن مــــزمــــوم الـــــــــورق والــشــواهــيـــق
ضــــــيّــــــع عــــلــــومــــه وان نــــزلــــهــــا رقــــــاهـــــــا


/

لـــ خالد العتيبي ..!

 

[صالح العرجان]

أتت رسالة جوّال فيها البيتين:

أنشدك وأبغى منك فتـوى وتفسيـر
فتوى الشيوخ أهل اللحى والعمايـم

لا صرت أكلّم شخص مزيون وصغير
هو يجرح صيامي ليا صرت صايم ؟؟





فكان هذا الردّ من مساعدالرشيدي

إن كـان هرجتكـم مـوده وتقـديـر
ياللـي علـى لامـا عشيـرك مهايـم

والود صافـي مـن جميـع المحاذيـر
ولا يلحقك في بعـض الأحـوال لايـم !

وفي صوتها حلم وخرافـه وأساطيـر
وسحـر وبخـور وتمتمـات وعزايـم !

وقـام يتدفـق عـن شفايـا مفاتيـر
رشِِ خفـيـف ومقتفيـتـه نسـايـم !

ياخذك مـن نشـوة لصحـوة لتخديـر
ثـم يتمرجـح بـك هديـل الحمـايـم

وحسيت لو أنـك عـن الأرض بتطيـر
وقامـت تحلـق بـك غمايـم غمايـم !

وقامت تحضر بـك جميـع الطوابيـر
وأنـت متشتـت ومتقـسـم قسـايـم

وتبـي تكلـم وأخذلـتْـك التعابـيـر ؟
وأصبح يصير الوضـع ماهـو ملايـم

وصارت صباح الخير عندك مساء الخير !
وتقطّـعـت فيـك السٌـبـل والعـلايـم

ذي ماتبي فتـوى ومـن غيـر تفكيـر
كـــلّــم لعـلـك ماتجـيـب الغنـايـم !

 

[نوف سعود]

ادفن يدي .. تحت الثرى ..
واسقيها من جفني ارق ..
يذبل مابين اصابعي ..
عشب و ورق ..
ادفن يدي .. فوق الثرى ..
يلفها برد وسموم ..
واحس بعروقي يبست ..
ما توصل عروقي الثرى ..
ولا تشرب عروقي النجوم
وينبت على جفني سهاد ..
يذبل ورا صدري الشجن ..
اشقق اوراق الزمن ..
وانام ..
في حلقي الليله جفاف ..
شربت أيامي .. ومضت ..
واللي بقى جرحي الوفي ..
في خاطري باب يرد ..
وسراج دوبه ينطفي ..
اغطي الظلمه بظلام ..
كل ما اشد اصابعي ..
على العيون المتعبه ..
جرحٍ ينام .. وجرحٍ شعر بي وانتبه ..
قام وتبعني لشرفة ظلمه بعيد ..
جاني يقاسمني السهاد .. جاني قصيد ..
ادفن يدي تحت الثرى .. فوق الثرى ..
واعيش انا بباقي يدي ..
نصفٍ يموت .. ونصفٍ درى انه يموت ..
يا سيدي .. ربي انا نقطه فـ بحر ..
علمني كيف اهوى الحياه ..
علمني كيف اهوى القدر ..
علمني بإماني اكون ..
يارب .. اكثر من بشر ..



لـــ / بدر بن عبدالمحسن ..!