إشتقت/لي

[بدرالموسى]

كِنا رجال
مشروع مستقبل يجي
وعيا يجي
صِرنا فراغ من الفراغ
بس نعيش ونرتجي
والحين
لا حال
لا مال
أحذيه
والظلال
[ اطفال ]

 

[بدرالموسى]

يا الطفوله
في عيونك سالت دموع الطهاره
واخذلتنا ما نعرفنا اللي نقوله
ما عرفنا ليه نبكي وبسهوله
تندلع نار الفقر
وإتمكن فينا ناره
يا الطفوله
يا البراءة
يا الطهاره
كيف ضاقت فينا داره
وما عرفنا اللي نقوله
آه يا هم الطفوله

 

[بدرالموسى]

وتلطمني كفوف الجوع
أجي محتاج للخبزة
وتسيل دموع
على خد البُكا
وتسيل
وتسيل
وتهزه
وانا قدامكم طفلٍ
تجرد من حقوق الخبز
والعزه
وأشوف الجمر يشعلني
ويلبسني ردا أوضاعي
وأعيش بحضن أوجاعي
أعيش الطل
في زمان الذل
ينادي هالطفولة
وأنا باقي وحيد
هناك
مدري وحدي هنا
إلا أنا
يقول هناك وحدك ظَل
حقارة يا زمان الخذ وخل
قالوا عشت
وانا موطني
هـ الطشت

 

[بدرالموسى]

ليه يا دنيا قسيتي
كنتي في حكمك ظلومه
توني طفله ولكن
شايله هموم
الامومه

 

[بدرالموسى]

لو سألتك من هو أثمن بيننا ؟
ولا تدري
لا تجاوبني عليه
خلني أسأل
يا ترى وش هو الشبه
بيني وبين الشعار اللي عليه ؟
الجواب الحين تقدر تبتديه
كوب فاضي
وطفل فاضي
ما حمل إلا التشرد
والتجرد يمتليه
خلنا نرجع لنفس اللي بدينا
طفل حافي
كوب حافي
إلا من هذا الشعار
[ ستار بكس ] يحمل شعاره
وانت ناظر في عيوني
تلقى أنواع المراره
تلقى أنواع المراره
تلقى أنواع المراره

 

[بدرالموسى]

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]هنا غزه .. هنـا عـزه .. هنـا متشربـك الموضـوع = هنا الخذلان .. [ يتراقص ] على اصوات المدافع [ مال ]

هنا حطين .. تتمرجح بـأغصان / الأسـى / المفجـوع = بكى / الزيتون / لا منه سمع .. في [ موتـة ] الابطـال [/POEM]

 

[بدرالموسى]

صرخت بيوم يا أمه
هناك أطفال ملتمه
هنا حلم الطفولة ضاع
يجيه الموت ويلمه

في وسط الدار وحطامه
يضيع الجيل وأحلامه
ولا يلقى سوى اوجاعه
تموت بـ عينه أيامه

دموع مبلله حرفي
بكت سبورته صفي
اذا عِجزت مناديلك
تعال وخذ لهم كفي
تعال وخذ لهم كفي
تعال وخذ لهم كفي

 

[بدرالموسى]

ياخي قوم
قوم سولف عن سمانا
عن هوانا
عن شعور اللي نعيشه
عن وفانا
عن تغاريد الصباح
وعن جناحين بـ جناح
عن تفاصيل الأمل
لما إنتسابق
وإنتضايق
من بعضنا
لا افتقرنا
ياخي قوم
خلنا نتسابق نحوم
ومن جديد
ننفي الهموم
ولا تخليني وحيد
ياخي قوم
تكفى قوم