][.. عبدالرحمن بن مساعد .. ][..][ .. شاعر الإنسانية ..][

[سالم العمري]

اا عبد الرحمن والوطن اا

سأكمل حديثي هُنا عن شاعرنا ..







أما عن الوطن .. فكتب عنه شاعرنا بطريقة مختلفة .. قلما تجد شاعراً .. أو قل من المستحيل أن تجد شاعراً يجاريه في هذا الميدان .. فكان مما قاله :

وفي ليلة من ذيك الليالي .. من ليالي الاولين..كان الامام ابن الامام
والخلايق هاجعين .. يتفقد أحوال الرعية .. من غير أصحاب ومعية..
ساهر وغيره ينام .. متخفي بالظلام
بان له ضوٍ يقيد ... صوت يبكي من بعيد
راح يمه .. لين هاذيك العجوز .. وطفل تضمه
سمعها تشتكي لله الهم اللي طال .. الفقر والجوع ودموع العيال
وأكرم الله به ضناها .. وزال عنها ماعناها
وارفعت يديها فوق .. ودمعها ماهي تعوق
وقالت الدعوة العظيمة .. دعوة الأم الكليمة
أدعي الله الكريم..وشكر النعم له فرض ..
يفتحلك المعطي الرحيم .. خزاينة في الأرض



كتب كذلك:

وذكر به بعض حبٍ ما جمعنا ....... بـحثنا عنه .. لكن ما وجدنا
نبي كل المحبة تكون لاجلك ....... عـسانا نـكون وفينا وعدنا
سـلمتي يا بلادي دام عزك ....... عـرفتي .. كم نحبك يا بلدنا !


وانشدت قريحته كلمات عذبه مميزه ،، وصادقه :

أكثر من صبر النساء .. وشماتة الأعداء
وهم الأغنياء .. ومن حقد الحاقدين في الأنحاء
والأرجاء
أكثر من استعمالنا لكلمة يقولون .. ومن تكيّف القانون
وممن جعلوا الدين كالثياب
أكثر ممن يبيعون المنابر .. ويشترون ذمم الكتاب
أكثر من كذب الشعراء .. وعظام المقابر
أكثر من تنهد السجناء .. وغموض المشاعر
أكثر من أنبائنا المحلية
وافتراءات منظمة العفن الدولية
أكثر من كل المظلومين صبراً
أكثر من كل المحرومين قهراً
أكثر من كل اللئام .. وسذاجة الإعلام
أحبك يا بلادي .. طوعا كان ذلك أم قصراً


كتب أيضاً:

هـذا الـوطن يـاما رمينا همنا بحضنه ....... يـستاهل انـه يـفتدى بالروح والأبدان
هذا الوطن هو روح فهد وما حوى جفنه ....... هو قلب عبدالله ونبضه .. هو وله سلطان
عـيال أخـو نوره ذراه ودرعه وحصنه ....... هم سدرة الملك .. وأهل المملكه أغصان
هـذا الـوطن شعبه من ملوكه وهم منه ....... مـتماسكين بـصف واحـد مثلما البنيان
هـذا الـوطن أكـرم بلاد الأرض لكنه ....... يـبقى هـلاك للمعتدي والباغي الخوان






ومن منا لم يقرأ ( السفينة ) ؟:

ماقد سمعتوا من بنى هذي السفينة .. وكيف ؟؟
كانت غبار .. كانت جروح متناثره في كل صوب
ورغم الجروح جمّع شظاياها بيده
بامر العزيز
وافنى العمر ليل ونهار .. وارخص لها قلبٍ وروح
عبدالعزيز
عبدالعزيز اللي بنى هذي السفينة
اتعبت منه الدروب .. واشتكت منه الحروب
بالسيف ارسى شراعها
وبالحب قوى حبالها
ومن يومها .. رغم السنين .. تمضي السفينة في دربها
ماقد سمعتوا عن سفينة
قويةٍ دايم عظيمة
بحرها هو الحياة والسفينة هي بلدنا
والفهد ربانها



أميرالشوق

نبض صادق

 

[سالم العمري]

اا عبد الرحمن والسياسة اا




ولشاعرنا العديد من القصائد السياسية .. كتبها وعزفها بطريقة لا يجيدها إلا هو ! وقد قال في ذلك :
(( إنني كشاعر أصف ما يحدث من المحيط إلى الخليج و أتطرق إلى الظواهر السلبية محاولا معالجتها حتى لو كنت أنا طرفا فيها ولا يمكن أن تعالج أي مرض ما لم تحدد ما هو وما لم تشخصه بشكل صحيح)) .

فكان مما قال في قصيدة ( الخليج ) :

الخليج خليجنا
بانوا اللي يحسدونه
يبون ثروات الخليج
ويوم الخيلج مرافق الظما والجوع
مادروا به كنهم ما يعرفونه
ويوم أنعم المولى علينا
من غير مَنّ ياما عطينا
خيرنا ما يلحقونه
لو ينكرونه
هيلنا ودخوننا في سماهم ينشقونه
واليوم يوم الله أمر
وحقدهم بان وظهر
كنّي بالخليج يقول: ..
مافات فات .. لا تذكرونه
طيبنا لا ما تغير
وودنا لاهل الوفا اكثر واكثر
ولغير من يوفي لنا
أن صفحنا وان عطينا من طيبنا
يحمدون اللي عطانا ويشكرونه
وان مسكنا ما عطينا
هو خيرنا.. حنا به أولى
جايز لهم وإلا البحر ..
ما اكثر من الما في البحر... يشربونه !

وكتب عن جرحنا الغائر .. العراق :

هُنَا العراقْ ..
في كل ركنٍ..
حُرةٌّ تُسْبَى ..
وطفلٌ مُقعَدٌ ..
ودمٌ يُراق ْ..

هُنَا العراقْ ..
في كل بيتٍ ..
والدٌ يبكي ..
وأمٌّ تشتكي ..
ضَيْمَ الفراقْ ..

وفي ( موشح عربي ) .. يرثي حال العرب:

مـا سئمتم من بيانات الأسى ؟ ....... مـا سـئمتم لهجة المنتحبِ ؟
ما سئمتم وضعكم بين الورى ؟ ....... مـا سـئمتم حـبكم لـلعبِ ؟
حـثت الدنيا الخطى نحو العلا ....... ووقـفـتم دون أدنـى سـببِ
أفـصح الأقوام أنتم في الوغى ....... أشـجع الأقـوام عند الطربِ
يا زمـان الوهـن عند العـربِ

وكتب عن معاناتنا مع العدو الصهيوني في قصيدة ( مردخاي ) :

سمعتوا قصة مردخاي .. ؟!
من زمان قالوا لخوكم مردخاي
" مردخاي هذا زمانك جاي "
شفت هالخوان قاتلهم .. خذ أرضهم .. اهدم منازل بعضهم .. وشردهم
غيّر معالم ارضهم . .واطمس ملامحهم...فرّقهم وتصير سيّدهم !!
وامسك بتلمودك ودينك .. وبعّثر مبادئهم
وبعد ماتزرع بذور الحقد فيما بينهم .. وتحصد مشاعرهم
قد ماتقدر حيّد اكبرهم .. رد له كامل حقوقه
واعزف على اوتار فرقتهم
واضرب أغناهم بـ افقرهم
حاربهم بهم .. واشعل معاركهم
وبعد مايستنزفوا قوة بعض ..
خذ مابقى منهم .. وفاوضهم
فاوضهم على الفتات ..
واذا عطوك حق الفتات .. رجّع لهم ربعه
وسالمهم
هذي قصة مردخاي سيد الزمان الجاي
عاجبكم ؟!

أما عن ما تتعرض له المملكة من سلوكيات الفئة الضالة .. فكتب :

يـلي تـكفّّر كـثير الخلق .. بك جنة ؟ ....... كل هالخلايق مضلة ؟ وش معك برهان ؟
كـل هـالأمم في جهنم .. كافرة عفنة ؟ ....... وانت الذي مسك دمك ضامن الرضوان ؟!
جـنّه بـعرض السما والأرض منضمنه ....... هـي حكر لك مع رفاقك شلة الأعوان ؟!
يالله اقـطـع ذيــول الـشر والـفتنة ....... ورد كـيد الأعـادي فـنحرهم خـسران
واكـف الـبلاد الـتقية شـرذمه حـفنه ....... سـاروا بـدرب الضلال ولبوا الشيطان
فـجر ودمـر بـلادك .. تدخل الجنة !! ....... أفـتى بـهذا مـشايخ آخـر الأزمان !!!

وكتب عن وضع المسلمين بعد أحداث سبتمبر .. :

لمّا تاريخ الحقائق يطمسوه.. بالأدلّة والشواهد
لمّا أولى القبلتين يدنسّوه..
والدنيا تشاهد..
لمّا طفل يموت.. بين أحضان أبوه..
والدنيا تشاهد..
لمّا تنهدّ البيوت.. فوق روس أصحابها..
والدنيا تشاهد..
لمّا يُقْتَل شخص في مسجد.. وهو ساجد..
والدنيا تشاهد..
لمّا تندكّ الكنائس بالرصاص..
والدنيا تشاهد..
لمّا تُفقَد كل آمال الخلاص..
وتضرب الحسرات.. في كل الصدور أطنابها..
لمّا تفقد أم.. نصف أطفالها..
ويصبح زوجها معوّق..
ولا مناص..
تصير الكل في الكل..
وما في في المنزل أكل..
وجيش مدجّج بأعتى السلاح..
يحاصر بابها..
لمّا تصبح كل فكرة للقصاص.. تُهْمَه..
والله أكبر تصبح إرهاب..
لمّا الفلسطيني تُهَان أخته وأمّه..
ويلاقوا لهذا أسباب..
لمّا يومياً تكون المعركة..
ما بين أطفال بحجارة..
ودبّابة..
لمّا يومياً يمارس..هتلر العهد الجديد..
حصاره.. وإرهابه..
لمّا كل هذا البغي.. بكل صفاقه يؤيدوه..
لمّا تاريخ المذابح يطمسوه..
لمّا أولى القبلتين يدنسّوه..
لمّا تُصبح.. سيّدة هذا الزمان..
أمنّا الغولة.. كذّابة..
لمّا تصبح.. أمّة العُرْب الأشاوس..
أُمّة ندّابة..
لمّا كل هذا يصير..
ويَحُدث الحدث الكبير..
يحدث الأمر المحال..
وتصبح إسرائيل..
هي بس وحدها..
المستفيد الأكبر..
ينطرح في كل هالدنيا سؤال..
هي حكاية خطبة أو منبر..؟
أو حكاية مجتمع.. عَنْه التَّرَف أدبر..؟
أوحكاية مناهج.. لابد تتغيّر..؟
ما ندري ليه..؟
جاوب يا سبتمبر..!


و كذلك في آخر قصيدة له (طابور ) :

لا تقروا ما بين السطور ..
هذي القصة خيال ..
وما لها أبدا علاقة ..
بالذي دار ويدور..
تبدأ القصة بناقم
كُلَفّ يأدي مهمة ..
وكان بايع مايهمه ..
يموت هو أو يبقى عايش..
سهم مُتَعمد وطايش..
من بعيد يسدده..
ويدمي هذاك الثور..
ثور هائج مندفع مجروح..
هائل القوة..
عدائي غاضب ومغرور..
وطابور..
كلهم ناطر ويرجي..
مايجيه الدور..

وفأول الطابور ..
يوقف ثاني واحد..
حيث الأول .. مالقى أحدٍ يساعد..
انتظر فترة طويلة..
وبعد طول الانتظار..
وعلى الملا فوضوح النهار..
أجهز عليه الثور..
ثاني الطابور أول..
فسّر وحلل وأوّل..
قال أنا مالي هروب..
ودوم تايه في الدروب..
وياما قالوا الناس إني..
في جنوني مافي منّي..
وضعي متدهور ويائس..
ببدأ بخلع الملابس..
قال أنا يا ثور عاري..
وباقتناعي واختياري..
بصبح البقرة الحلوب..
ويترك الطابور.. ويتجه للثور..
ويختفوا خلف التلال..
وماحصل صعبه يقال..
الرقابة لا تجيزه..
يرجع الثور العدائي..
يواجه الطابور..
طابور .. كلهم ناطر ويرجي ..
مايجيه الدور..

أول الطابور .. يحمل في يدة باقة زهور..
بادره لحسن النوايا..
يدري هو ماله مزايا..
شاءت الأقدارُ أمرا..
كانت الأزهار حمرا..
وزادت هياج الثور..
طابور.. كلهم ناطر ويرجي..
مايجيه الدور..

باقي الطابور يرجف..
كلهم يدري ويعرف..
وضعهم حالك وهالك..
ضعفهم ينبي بذلك..
كلهم غارق في أصناف البلاوي..
فقر مدقع .. جهل مفزع .. عقل خاوي..
طابور .. خلفه هلاكه والثبور..
وأمامه الثور الجسور..
طابور .. صمته مثل صمت القبور..
ينطر المنقذ يجي..
ويكف بطش الثور عنهم..
أو ينطر الدنيا تدور..
ويصبح الطابور فجأة..
قوة عظمى !!
ويطحن عظام الثور..
بالدور..
أو ربما .. على الأقل .. يصبح الطابور ثور..
والثور طابور..
لا تقروا ما بين السطور ..
هذي القصة خيال ..
وما لها أبدا علاقة ..
بالذي دار ويدور..
آخر القصة .. كهل مجنون..
يوقف على تلة قريبة..
يصيح بالطابور..
يا طابور:
أنت أول وربما آخر أعاديك..
يا طابور:
كل مابك منك وحدك من صنع أياديك
يا طابور:
أسمع كلام الأقدمين
لربما يهديك..
يا طابور:
أمشي عدل.. يحتار ثورك فيك !!




و كذلك ماكتبه عن الإرهاب في قصيدة ( تعاريف ) :

[ الإرهاب ]

تدبير إجرامي ..

قتل مدنيين ..ترويع أبريا ..

تطبيق شرع الغاب

هدم البيوت العامرة ..

سفك الدماء الطاهرة ..

قتل الكهل والشاب ..

وان قلنا اسرائيل تفعل كذا دوماً !!

تقول أمريكا :مايعتبر إرهاب !

كي يعتبر إرهاب .. فيه شرط إلزامي ..

يكون إسلامي .. ومدعوم من أعراب ..



حقاً شاعرنا ... في كل شعره .. غير !


أميرالشوق
نبض صادق

 

[سالم العمري]

اا عبد الرحمن والعاطفة اا






حينما يكتب شاعرنا عن محبوبته .. تدرك يقيناً .. بأنها أجمل مخلوقٍ بهذا الكون !

يقول في قصيدة ( ما هو عادي ) :

كان هالليلة بهاكي ماهو عادي
كنتي انتي
وانتي لمّا تكوني انتي
ماهو عادي
كنتي إعجاز وسحر
كنتي دنيا من طهر
كان نورك في جبين الكون بادي
كان في صمتك طرب
كان في عيونك شغب
كان حسنك للحسن يرسي مبادي
كنتي في أجمل حضورك
كنتي في أعدل غرورك
ولمّا طافت بي عيونك
واستقرت في فؤادي
كنت أنا اتخيلك
وكنت أنا أتأملك
كنت أنا أتأملك وأتخيلك
وأنتي معي
والكون هادي
كان إحساسي مهيب
كنت أحس اني مهاجر أو غريب
وانتي ياعمري بلادي

وقال في رائعة ( دخون ) :

هو فيه مثلك .. ياللي الحسن ظلك
ليه العطر ؟!
وانتي انفاسك دخون
وليه الكحل
وانتي ماغيرك عيون
وليه تفكيرك يكون
انك تكوني دايم اجمل
انتي اجمل
من جمالك
من دلالك
من خيالك
ياللي كل افراح قلبي والحزن
في المسافة بين فرقاك ووصالك
وليه يالقلب الحنون
تاخذك فيني الظنون
ضيعتي عدلك .. هو فيه مثلك .. ؟!
انتي ماغيرك عيون
وانا احبك .. وانتي انفاسك دخون

وقال في رائعة ( عيونك ) :

عيونك آخر آمالي وليلي أطول من اليم
كيف ألقى كلام عذب يوصف دافي إحساسي
عشقتك قبل ما أشوفك وشفتك صرت كلي حلم
أبي رمشك يغطيني وأبيك أقرب من أنفاسي
يهمك تعرفي إنك قتلتي في سنيني الهم
قتلني ضحكك .. وجدك .. قتلني لينك القاسي
رميت أقداري في دربك وصرتي في عروقي الدم
أحبك كثر ماسالت دموع وما نسى ناسي
يجول الحزن في ضلوعي بردت وذاب فيني العظم
ويا كثر الحطب حولي وعندك أنكسر فاسي
سألتك بالذي زانك تحبي فيني حتى الظلم
تحبي عيوبي وغدري تحبي المر في كاسي
أنا من كثر ما أحبك أبيك كثر رمل اليم
وأبيك فوق الناس وأبي ماينحني راسي

ووصف محبوبته في قصيدة ( أجهلك ) .. فكتب بكل رومانسيه:

أجهلك .. ولي سنين اتخيلك
وجهك اللي قد حبسته داخلي في غمضة عيوني
واللي ياما قد رسمته .. من عبث طيشي وجنوني
وجهك اللي دوم يظهر لما ألقى نشوة الفكرة الجديدة داهمتني
لما القى انكساراتي قصيدة واكتبتني
وجهك اللي دوم يظهر في اعاصيري وسكوني
في الجبال الشاهقة في أجمل خيالي
في السفوح الخافقة بين نبضي وانفعالي
وجهك اللي قد نحته في عظامي والجوارح
وجهك اللي قد حفظته وبتفاصيل الملاح
بالنهار في بسمته .. بالضيا اللي في ورودة
بالعبوس في غضبته .. بالتضاريس وحدوده
من جنوحه في البها .. لين اقصى نقطة في كاسر جماله
للعذوبة .. من شروق النور في ضيه
للشعر في غروبه
من شطوط الكحل في عيونك لنحرك
من بياض الثلج في خدك لجمر ٍ قاد في ثغرك
وجهك اللي ما ابد يوم لمحته .. أو عرفته
لي سنين اتخيله .. واتخيلك
ياللي كلي بك معرفة .. واجهلك
ما اصعبك .. كيف الاقيك
ما اسهلك .. لو الاقيك
ياللي دوم اتخيلك
مملكة حسن الزمن
وأنا الملك

و في .. ( أبسألك ) تجد كل الروعه :

ابسألك لو قلت لك أن الحنان اللي في قلبك
ينبت من الصخر الزهر ..
وان النهار اللي في خدودك يخلي النسمة عطر ..
وان العذاب اللي في عيونك يعلـّم الناس الشعر ..
ولو قلتلك اني احبك اكثر من هموم البشر
وكثر الجفا وكثر السهر ... لو قلت لك
وانك اقرب من عيوني للنظر
كل الذي اقدر اقوله
واللي ما اقدر اقوله
استاهلك .. حبيبتي ؟!
وباجاوبك .. للأسف ما به احد يستاهلك



وكتب في قصيدته المذهلة .. ( مذهلة ) :

مُذهلة ..
تملأك بالأسئلة ..
ليه كل معجز مر هذا الكون .. فيها له صلة ؟؟
ليه كل شي فيها تظن انك تعرفه .. تجهله !؟
ليه كل لا معقول فيها ورغم هذا تعقله !؟
طيبها .. قسوة جفاها ..
ضحكها .. هيبة بكاها ..
روحها .. حدة ذكاها ..
تملأك بالأسئلة ..
مُذهلة ..

يا بدايات المحبة ..
يا نهايات الوله ..
كيف قلبي ما احبه ؟
وانتي قلبك صار له !
يا أعذب من الأمنيات ..
يا عالم من الأغنيات ..
يا أجمل الشعر البديع ..
من آخره لين أوله ..
ما راودتك الاسئلة ؟!
ليه عمري ما لقى لبرده دفى ..
إلا دفاك ِ !
ليه قلبي ما بدقاته عزف لحد ٍ ..
سواك ِ !
ليه أنا عيني تشوف وماتشوف ..
إلا بهاك ِ !

أما عندما يكتب عن الغدر .. أما عندما يكتب عن الفراق .. فلا تملك إلا الصمت والذهول ..!

أليس هو من قال يوماً :

حبيبتي لجل انسى جرحك واستريح .. ببكي
وبعد البكى .. ببكي
وأكيد فيه لحظة بتجي .. وبيجف دمعي
وعندها صورتك اللي في عيوني
بتموت من ظلم العطش ..
بروازها بيصبح نعش
وبتمرني الدمعة الأخيرة ... تاخذ معاها صورتك وتطيح
وكني بالمسافة تطول مابين عيني .. ودمعتي .. وخدي
وكني بقلبي الحاير المسكين
نبضه يقول لا تودع الفرقى .. الدمع مايرقى
وعندها لانزلت الدمعة لمثواها الأخير
وفارقت وجهي
بغمض عيوني .. واكسر البرواز
وانسى

أليس هو من قال يوماً :

شبية الريح
وش باقي من الآلام
والتجريح
وش باقي من الأحلام
وش باقي من الأوهام
غير اني .. الاقي في هجيرك فيّ
الاقي في ظلامك ضيّ
واوقد شمعتي في الريح
شبية الريح
اذا تسمح بغيب شوي
ابجمع همي الباقي
وادفن صبري الذابل في أوراقي
و برجع لك اذا باقي بنفسك شي
شبية الريح
أنا مقدر أكدر صفوك العاصف
شبية الريح
أنا من لي سوى إحساسك الجارف
بقايا زيف أشواقي
سما أمطار أحداقي
شبية الريح وش باقي
ابي أعرف
متى تسكن رياحك
وابي أعرف
غرورك هو متى يطلق سراحك
وابي أعرف
متى تعصف
متى تعطف
متى تنزف جراحك
وابي أعرف
إذا باقي في بحرك موج اكسر فيه مجدافي
وابي أعرف
إذا باقي في همك هم ماشالته أكتافي
وابي أعرف
إذا باقي في هالدنيا حزن مامرني واستوطن أطرافي

أليس هو من قال يوماً :

تعالي .. مالقيت أصحاب
يحلف لك .. أنين الباب
انه مابقى حولي .. سوى ظلي وبعدك

تعالي ... تعالي
ضاعت الأحلام ..
وماظني بلاقيها لحالي ..
تعالي .. نبعد الألام من حولك .. وحولي
تعالي ..

لجل حربي مع الغربة .. مع الوحدة ..
أبيلي سلاح حبك ..
لجل حربي مع اللي جاي
بلاقي قوتي في ضعفك
لجل حربي مع نفسي ..
أبيلي سلاح منك
أبيك انتي .. تعالي
أبيك انتي .. تعالي

باكر أجمل .. من خيالك
أو خيالي

تعالي .. وان لقيت أصحاب ..
مايسكت أنيين الباب ..
إلا لو لقى حولي دفى حبي وحبك
تعالي

أليس هو من قال يوماً :

يا اكثر جروحي الاخيرة ..
لو عرفتي اليوم قلبي ودعك
يا آخر جروحي الكثيرة ..
ماعرفتي اليوم ما عاد اذكرك
وما اذكر من اللي مضى .. إلا غرامك والفراق
و بعض اللقا والإشتياق ..
وكل الاحاسيس الصغيرة ..
يابرد عمري و يا هجيره .. تخطين لو يخطر في بالك
انك في بالي كل دقيقة ..
وانك خيالي والحقيقة
واني احبك مهما كنتي ..
يابرد عمري وزمهريرة
أن كان قلتي اني فقدتك .. ماصدقتي
وان كان قلتي مانسيتك .. ماصدقتي
لو عرفتي مااذكر من اللي مضالي إلا انتي
وما اذكر من اللي مضى إلا انتي
وما اذكر إلا اني بكيت
وفي ليلة مافيها وفاء .. قلتيلي مليت
يا انتي آخر أولي ..
لاتصدقي اني نسيت !!

أليس هو من قال يوماً :

يسعد صباحك .. يا حبيبي
حالي طيب
كل شي مثل اللي كان
المدامع .. والمواجع ..
والأمان اللي اختفى لحظة غيابك
والليالي اللي مضت .. مثل الليالي اللي مضت
الهم عازف .. والدمع نازف ..
والعمر في غيبتك حاير وخايف
حتى جراحك وسط قلبي مثل ماهي
وفي شفاهي باقيٍ نفس الكلام اللي بقى .. آخر لقا
مثل منتَ يا حبيب الروح شايف
كل شي مثل اللي كان
وحالي طيب
يسعد صباحك .. يا حبيبي

هذا انت
كل ما ضاقتبي الدنيا تغيب ...
وكل ما ضاقتبك الدنيا تجيني
هذا انت
أن كساك الهم صرت أوفى حبيب
وان نساك الهم تتباهى بـ أنيني
مثل منت .. دايم تجي فـ وقتك حبيبي
بعد ما وقتك يروح
يا آخر دموعي وشجوني ..
وأول إحساسي جروح
ما بقالي من عذابي يا حبيبي .. إلا انت
وهذا انت يا حبيب الروح شايف ..
كل شي مثل اللي كان
وحالي طيب
يسعد صباحك .. يا حبيبي



وعن الشعر العاطفي .. قال سموه :


(( أرى أن الشعر أكبر من أن يكون مجرد رسالة عشق من رجل إلى امرأة وان كان هذا غرضا شعريا مطلوبا، وأنا عندما أرى أن الشعر اكبر من أن يكون مجرد عاطفة بين رجل وامرأة هذا لكي نخرج من فئة الشعراء الذين تنطبق عليهم الآيات الكريمة (والشعراء يتَّبعهم الغاوون ألم تر أنهم في كل وادٍ يهيمون وأنهم يقولون ما لا يفعلون إلا الذين آمنوا وعملوا الصالحات وذكروا الله كثيراً وانتصروا من بعد ما ظلموا) هناك استثناء والانتصار في الآية هو الانتصار للحق. ))


أميرالشوق
نبض صادق

 

[سالم العمري]

اا عبدالرحمن والرثاء اا


أما في الرثاء .. فلشاعرنا دموعٌ لا تفارق مآقينا ..

هنا أبيات في رثاء خادم الحرمين الشريفين الملك فهد بن عبد العزيز رحمه الله :



يالله يامنـزل تـبـارك والأحــزاب
والكهف والاسراء والزخرف وهـود
يالغافـر الرحمـن يـارب الأربـاب
ما غيـرك بهالكـون خالـق ومعبـود
ياللي جعلت لكل أجل عنـدك كتـاب
ياجامـع الثقليـن فـي يـوم موعـود
أجبر عزانا فـي ابونـا الـذي غـاب
فهد مليك قلوبنـا فـي ثـرى العـود
أستغفـرك يـارب لا زلـت مرتـاب
وأقـول علّـه غايـب أيـام ويعـود
قدّرت ياربـي ومـن اّمـن انصـاب
وهول المصيبة كل مالـه بنـا يـزود
أقفل علينـا الحـزن بـابٍ ورا بـاب
وللصبـر والسلـوان درب ومسـدود
راح الحبيب وقطّـع قلـوب أحبـاب
راح الذي به حالنـا سهـود ومهـود
راح الذّي قـد ضـم داره بالأهـداب
وقطف لها من كـل خيـرات عنقـود
راح الذّي ياما عتق واخضـع رقـاب
راح الذّي ظلّه علـى النـاس ممـدود
راح العظيم العبقـري تـاج الألبـاب
راح الشجاع الصادق الشامخ الطـود
راح الذي مجده بقى وذكـره انسـاب
عطر زكـي سرمـدي دوم موجـود
راح الذي يشهد له اعـداء وأصحـاب
بالعـزم والاقـدام والعقـل والجـود
راح الذي لامن غضب ..الكفر تـاب
ولا من رضى حتى الجدب ينبت ورود
راح الـذي غيثـه عميـم وصـبّـاب
لا من عطى أغنى وخـلاك محسـود
كلٍ بحبّـه قـد لقـى غيـر أسبـاب
مـا للسجايـا فيـه آفـاق وحــدود
يارب إجزه عـد مـا أنفـق وجـاب
من خير للإسلام عـن كـل مجهـود
وعداد ما وزّع من المصحـف كتـاب
وعداد ما بيتك حـوى ركّـع سجـود
يارب إجـزه جنتـك دونمـا حسـاب
وانجه من الأهوال في يـوم مشهـود

هنا أبيات في رثاء الأمير فيصل بن فهد :



مات فيصل .. يا قلوب الله يعينك ....... الـفجيعه مـذهله يـا مـسلمين
آه يـا فـيصل .. يقول مفارقينك ....... لـو يـردك دمـع أو حتى أنين
كـان هز الأرض رجع مودعينك ....... وكـان سالت نجد بالدمع الحزين
التعازي تنتخي .. يا صبر وينك ؟ ....... والـذهول ف وجه أحبابك سجين
مـا هو بس أهلك وربعك ناعيينك ....... الـدول والـناس عرب وأعجمين
الـيـتامى يـا أبـوهم فـاقدينك ....... يـسألون الـطيب المحبوب وين

و في رثاء الأمير فهد بن سلمان :



كـل حـي يحين وقته يمتثل أن حان حينه ..... مـا يـقدم مـايأخر قـالها ربـي في كتابه
وكـلنا للموت ساير طالت أو قصرت سنينه ..... الـتراب يـعود لأصـله ثم يبعث من ترابه
كـلنا إيـمان بالله مـا حـكم بـه قـابلينه ..... مهما كان الخطب داهي حكم ربي يرتضى به
مـير مـا كل المصايب تجعل بلادي حزينه ..... مـير مـا كـل الـمواجع تملي هالدنيا كآبه
قيل شفتوا الطيب ؟ قلنا فهد بن سلمان وينه ..... قـيل نجمٍ طاح .. قلنا الفضا فادح مصابه
قـالوا أن الـحزن واحد شي يجثم خابرينه ..... قـلت انـا احـزان فقده ما بها شي يتشابه

وكتب في رثاء مشعل بن عبدالله السديس :


مـات مـشعل قرب زمزم والحطيم ....... فـي مِنى .. في سابع الشهرالعظيم
مـات يـخدم مـن لفوا لله ضيوف ....... طـالـبين الـمغفره .. والله كـريم
مـات وآخـر مـا بقى في مسمعه ....... تـلبيه لـله .. دعـاء .. ذكرٍ حكيم
يـا إلـه الـناس ومـجيب الـدعا ....... يـلـي بـالنيات والـخافي عـليم
يـا شـديد الـطول في صبح ومسا ....... لا إلـه إلا انـت رحـمن ورحـيم
إلـهـم الـسـلوان أهـله والـعزا ....... فـي المصاب القاسي الصعب الأليم
مـات مـشعل فـي بواكير الصبا ....... لا سـبـقه انـذار أو حـتى فـهيم
هـو درى الإنسان عن وقته متى ؟ ....... مع بزوغ الصبح .. والا في العتيم ؟
الأجـل مـحتوم لـو يـومه اتـى ....... مـا يـفرق بـيت مـتعافي وسقيم




أميرالشوق
نبض صادق

 

[سالم العمري]

اا عبد الرحمن والدول الشقيقة اا

ولشاعرنا أبيات لا تنسى .. عندما زار بعضاً من الدول التي أقام فيها أمسياته ..

فكان مما قال في البحرين :

جمعت العشق في صدري جمعت شعورنا الصادق
مـن ديـاري لـدار الشيخ عيسى طيب الأفعال

مـن ديـار الـزعيم الـلي خـذانا للعلى واثق
فـهد عـالي الـمقام اللي بعزمه تضرب الأمثال

أشـوف الجسر ما هو جسر أشوفه وصل للعاشق
جـمع رمـل الـنفوذ وموج بحر اللولو واليامال

ألا يــا درة الـتـاريخ غـلاكِ عـندنا فـارق
وحـبك فـي ضـمايرنا تعدى الوصف والأقوال

عـظيمة حـيل يـالبحرين وشيخك للعلى سابق
مـشى بـبلاده وشعبه وعدى الصعب والأهوال

و عن قطر :

يـا قـطر لـك حبنا والإحترام ....... الـمـشاعر دافـيه والله عـليم
عـند ابو فيصل لابو مشعل مقام ....... وحب ابو مشعل لابو فيصل مقيم
يـا بـلادٍ دوم تـمشي لـلأمام ....... تـسبق الـخطوات بالفكر السليم
عل نورك ما يجي صوبه ظلام ....... ويحفظ الله لك حمـد من كل ضيم
مـن عـشقها بلادكم لا ما يلام ....... دام هـذا طـيبها .. حـقه يهيم
طـبتم وطابت وطاب بنا المقام ....... والله أن فـراقـكم بـاكر ألـيم
يـا هـل الدوحه لكم مني سلام ....... كـثر قـدر بلادنا العالي العظيم

وكتب في الكويت :

حـييتي يـا أرض الوفا والوئامي ....... ديره عظيمة .. زادك الشيخ تعظيم
جـابر وله في المجد مجد مترامي ....... هو صاحب الطولات غيث المظاليم
وسـعد الكريم الشهم عالي المقامي ....... اخوان مريم .. مجدهم يوصل الغيم
يا كويت ما ننسى الوفا في الكرامي ....... يـوم الـبلاد اشتات وارضي أقاليم
مـنك انـطلق عبدالعزيز الإمامي ....... رد الـرياض وعـمم الخير تعميم

وهنــــا عن مصر :

قـلت مصر .. وقالت الدنيا نعم ....... قـلت خـير وفاض بالنيل الكرم
قلت أرضي من مثل ارضي ثرى ....... مـسجد احـمد والمناسك والحرم
يـا مصر لك جيت أنقل لك وفا ....... خـادمين البيت واصحاب الشيم
مـن بـلاد الـنور .. لبلاد الدفا ....... من رياض المجد .. لشموخ الهرم



أميرالشوق
نبض صادق

 

[سالم العمري]

اا عبد الرحمن والقصائد الخاصة اا



ولشاعرنا قصائد خاصة .. قالها في نفسه والمقربين له ..

فقال في نفسه قطعة شعرية نادرة .. عنوانها ( فقير ) :

فقير وعندي المال الكثير
فقير وملبسي غالي حرير
ويا صاحبي الحافي الفقير
ابنشدك ابسألك وشهو الحصير !!
وابسألك وشلون انا امر وانهي
واذا حكيت قبل انتهي من كلمتي
يقاللي سم ويصير
ولاشكيت من غفلتي طوّل زمنها
يقاللي لاتشتكي .. ماخلقت الشكوى لأمير
وابسألك وشلون انا مع كل ذا .. اقول عن نفسي فقير ؟؟؟
ياصاحبي لاصار للضحكه ثمن
وصاروا اصحابي كثير بس بثمن
والوفاء مابه وفاء إلا بثمن
ابسألك ماني فقير ؟؟؟
ولاصارت اقوالي حكم
ولاقالها غيري غدت حكيٍ قديم
ابسألك ماني فقير؟؟
ولاصرت انا مانيب انا
ولاغلطت قالوا صحيح .. وكل شي اعمله يصبح عظيم
ابسألك ياصاحبي ماني فقير؟

وهناك قصيدة كتبها شاعرنا في حرمه الأميرة البندري بنت هذلول بن عبدالعزيز ال سعود :

إلا يا قلب نبضي ..
يا سما دمي ووجداني
فمان اللي عطاكي كل طهر الأرض ..
أنا ماشي ..
هذا كان آخر مانطق قلبي ..
وأول نبض في لساني
وتلاشى النطق ..
وعصر حزن الوداع اللي حضر قلبك دموع ..
بكت ادفى دموع الخلق ..
وسرى في داخلي برد الخشوع
وغير العطر ودموعك وجرحي من وداعك ..
مابقالي ..
استعفر اللي صورك مما طرالي
طرالي يادفى عمري..
وياترحالي وحلي
ارشف دمعك الطاهر .. واغسلبه واصلي
واحمد ربي اللي بك حباني
إلا يا ام اجمل من سكن قلبي
ويا داري وعنواني
فمان اللي عطاكي كل طهر الأرض ..
أنا ماشي ..

وكتب عن والده .. الأمير مساعد بن عبدالعزيز :

فـوق كـل الـمدح قدره معتلي ....... فوق كل الوصف من شعر وكلام
واثــق بالله ثـابـت مـهتدي ....... فـعله الـقرآن آمـن واسـتقام
مهما جل الخطب أو شان الخبر ....... مـا يـلقي لـلمصايب اهـتمام
صـامدٍ مـثل الصحابه في بدر ....... مـبتسم رغـم الـمقادير العظام
مـبصرٍ يـابوي لو كف البصر ....... بك بصيرة يرتجف منها الظلام
قـدوتـك عـبدالعزيز الـمتقي ....... يـالإمام ابـن الإمام ابن الإمام
خـادمك يـابوي رهن إشارتك ....... آمـر ومـا يـلحقه فيك الملام
أفـتدي تـرابٍ تدوسه خطوتك ....... دامـني حـيٍ وتحملني العظام
بـك يـا بوخالد أفاخر وارتجي ....... مـن إلـه الـكون رزاق الأنام
يـجعل الـفردوس أجر لطيبتك ....... كـثر مـا عـلمتنا نـحيا كرام

وكتب لأغلى إنسان في حياته :

اسألوا دمي .. وسعادتي وهمي
اسألوا التوفيق ..
والكدر والضيق
اسألوا الطيب في صفاتي ..
والدعاء اللي في صلاتي
واسألوا شهودي ..
الدموع اللي في سجودي
اسألوهم .. واسألوا دمي ..
عن غلا أمي

\
/
\

أميرالشوق
نبض صادق

 

[سالم العمري]

قصيدة التمثال :

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


يا مَن مَلَكتَ ثرى العراقِ بِلا شريكْ=أنا لا أُحبـُّـكَ قَدْر كُرهي قاتليكْ


قد ألصَقُوا بِك وَصفَ سفّـاك الدِّما=واليومَ سفكُ دماءِ قومِك يرتجيك


من بدّل الأحوالَ يا حامي الحمى=هل أَسْقَطَ التمثالَ صفوةُ تابعيك


هي هكذا الدنيا تبدِّلُ جلدَها=كعدوِّك الغازي وكلِّ منافقيك


يا صاحب السلطانِ كيف أضعتَهُ؟=وعلامَ أَصْبَحْتَ الـمُطَارَدَ والدَّريك


من ذا نصِّدقُ عقلَنا أم قلبَنا=من ذا نصدّق كرهَنا أم كارهيك


هل أوقعوكَ و أوثقوكَ بحفرةٍ ؟=هل لم تجد أحداً هناك ليفتديك ؟


قد أظهروكَ مهَلْهَلاً و مشتـَّتاً=كي لا يدورَ بِخُلدنا أن نقتفيك


قد أعدموك بيومِ نحرٍ عنوةً=كي يَخنُقَ التفكِيرُ بَعْضَ مُماثليك


ويحَ العراقِ مُلازماً حجَّاجَهُ=مُذْ بدءِ نَشْأتهِ إلى أن يلتقيك


هُوَ للطغاةِ على مدى تاريخِهِ=شرطُ الغزاةِ طُغاتُهُ : سَلْ سَابِقِيك


لَهَفَي عَليه تَقطّعَت أَوصَاُلهُ=والحقدُ مَزّقهُ بِرغبَةِ خَالعيك


جاءَ الغُزاةُ مُعَنْوِنِينَ قُدومَهم=بإزالةِ الخطرِ المؤكَّدِ و الوَشِيك


فدمارُ هذا الكونِ حُزتَ سِلاحهُ= وجَميعُ شَرِّ الأرضِ قد وَجَدُوهُ فِيك


أخفيت أسْلحةَ الدمارِ لِتَعْتَدي=ولتبتديِ بالأقربين مُجاوريك


لَهَفَي على هذا الدَّمارِ و وهمِهِ= الآن بِتنَا نَرتَضِيه و نَرتَضِيك


لَهَفَي على الشَّرِ الذي بِكَ كُلُّهُ= الخيرُ شرُّك إذْ يُقاسُ بِشَانِقِيك


جاءَ الغُزَاةُ ليَصْنَعُوا أُنموذجاً= للعدلِ و الأخلاق ِ: كُلْ مِمَّا يَلِيك !


يا مَن جَلَبت لأمّةِ العُرْب الأسى= يا مَن أَتيتَ بِمُسقِطِيكَ و مُهْلِكِيك


هُم قَد رأَو فينا رؤوساً أينعَتْ=حَان القِطَافُ لَها : تـَرقّب لاحِقِيك ![/poem]


أميرالشوق

 

[العطر]

ياالله ياسَالم .. وأنْت مازلت الأوفى له .. والأصدق معه ..


بن مساعد إنسان قبل أن يكون شَاعر .. وشَاعر له نكهته وميزته عند محبيه


شُكراً كَثِيرا يا سالم ..