صوّر فطورك وعلمنا وش فطرت؟

[غنى طارق]

المشاركة الأصلية كتبت بواسطة موزه عوض

الله يرفع كل ذنب عن عبده ويجعل لنعمتنا في حمدا وشكر


هالأيام الحر ضارب عندنا
من يومين تقريبا رطوبه وحرارة يا كافي الشر
يارب برد علينا وأجرنا من النار ..

ما صار لي بال اصور لكم فطوري ما شاءالله خير الله والنعمة محمودة

صياما مقبولا يارب

هلا موزة الغالية

والله خسارة ما صورتي لنا .. و كان نفسي تعلميني طريقة(( وصينية التوست بالدجاج المفروم )) بالصفحات السابقة كتبت لك بس يمكن ما أنتبهتي



أنتظر يا غالية

 

[غنى طارق]

المشاركة الأصلية كتبت بواسطة صمــــود

محبــطــــــــــــــــــــــــــــــــــــــــــــ ـــــــــــــــــــــــــــــــــــــــــــة ..

حرااااااااااااااااام عليكم ايش سويتي فيني يابنات ..
أحبطتووووووني زيااااااااادة ..
وأنا اللي كنت فرحانه .. أتعلمت كم طبخه تمشي حااالي مستقبلاً ..
بس أنتوا هنا أثبتولي قديش انا معتليه برررج وهمممي

أهم شي أمي ماتشوف الموضوع هذا .. ولا كااااان صااارت علووووم ..

ههههههههههههههه مافي شيء صعب
حاولي و كل يوم رح تتعلمي و بقوة:d

الرجال أهم شيئ عنده قبل الزواج (( قلبه ))
و بعد الزواج (( بطنه ))

 

[موزه عوض]

المشاركة الأصلية كتبت بواسطة غنى طارق

هلا موزة الغالية

والله خسارة ما صورتي لنا .. و كان نفسي تعلميني طريقة(( وصينية التوست بالدجاج المفروم )) بالصفحات السابقة كتبت لك بس يمكن ما أنتبهتي



أنتظر يا غالية

هلا والله الغالية غنى
اسفة حبيبتي ما انتبهت فعلا والمرة ذكريني برساله ههه

سهلة جدا
لو عندج صدور دجاج او حتى دجاجه كامله تطلعي منها اللحم
طبعا تخلينها اما االصدور ولا الدجاجه كامله على الناس تفور حتى النضج وتفتتيها
ومع البصل والثوم والبهارات اللى تحبيها تحمسينها على النار يعني تقلين المحتويات وبعدين تضيفين الدياي المفتت حتى
يصير عندج مثل الحشو او عصاج دجاج

المهم تجيبين صينية بايركس مربعه او مستطيله وتصفين طبقة من التوست بعده تضيفين الدجاج او الحشو على كامل التوست
بعدين تصفين طبقة ثانيه من التوست وتسوين خلطه مكونه من 2 قشطة و3 ملاعق من جبن سائل طبعا هذه الخلطه تكوني خلطتها في الخلاط
بعدين تصبين هذه الخلطه على الصينيه بالكامل وخليها تتشرب او يتشرب التوست وتقدرين تضيفين بالخلطة عدد 2 بيضه عشان يعطي اللون لون الصفار شوي والطعم احلى
وخلاص تدخلينها الفرن حتى تشوفينها انتفخت تقريبا مثل الكيك وتحمرين شوي الوجه يعني ما تخلينها وايد تقريبا ربع ساعه بالكثير وانتي وشطارتج
وبالعافية قلبي عليكم ..

 

[ميــرال]

هلا حياه
هذي طريقة المقلوبه
دجاج مقطع ومسلوق مع البصل والماجي وفلفل والبهارات مايكون فيها اي صبغه
باذنجان مقشر ومقطع عاد انتي عارفه شلون ومقلي
وزهره مقليه
الكميه كثر ماتحبين انتي حددي
طبعا تكونين منقعه ههههههههههه ولا ناقعه والله مدري ايش
2كاسه رز صنوايت وكاسه من رزنا الشعلان مثلا
وبعد تصفين الدجاج من مرقة الماجي وتتركين بس البصل وحطي الزهره والباذنجان بهارات شووي ملح وحطي الرز وصبي عليه مرقة الدجاج
وبس
صوريه اذا سويتيه
صحه

 

[بندر الصقر]

المشاركة الأصلية كتبت بواسطة موزه عوض

عيل جهز المائدة او السفرة المنزلية وربك كريم
ابراهيم الظاهر انا صقعته بعين من شفت التبوله كأنها من مطعم لبناني هههه

الأهم كل ما قل الأكل وخف على المعدة كل ما كان انفع والله .
ورمضان يبقى كريم على الجميع ..


صباحكم تفائل

باقي ساعة ونص عى الافطار والسفرة تيبست

ومادام قلتي ( كل ماقل الاكل وخف على المعدة كل ماكان انفع والله ) أنا إقتنعت وغسلت ايدي بعد

ومساك رضا ومغفرة .

المشاركة الأصلية كتبت بواسطة مجدولينا

هذا أول رمضان لي في أبعاد ..
ما عليه بننصب خيمة هنا في أبعاد إفطار صائم ..
فكلنا ما راح نقصر بنطبخ لكم بوفيه ..

ههههههههه كفو يا مجد ,, بصراحة الوعود السابقة ماطلعت من ميرال وحياه ومنتهى القريش
يعني لازالت الفرصة مواتية للبقية لتحسين الصورة الابعادية الانثوية < ومستعدين ندفع قيمة الفيديكس

 

[بندر الصقر]

المشاركة الأصلية كتبت بواسطة ميــرال

صوريه اذا سويتيه

ههههههههه ودي أشوف وجه حياه وهي تقرأ هالجزء عزالله وهقتيها ياميرال

 

[ميــرال]

مسيكن باالخير





كبسه

وصحتين

 

[نوف سعود]

المشاركة الأصلية كتبت بواسطة بندر الصقر

ههههههههه كفو يا مجد ,, بصراحة الوعود السابقة ماطلعت من ميرال وحياه ومنتهى القريش
يعني لازالت الفرصة مواتية للبقية لتحسين الصورة الابعادية الانثوية < ومستعدين ندفع قيمة الفيديكس

تهقا يكون البوفيه صالح للأكل مع الأرسال في الفيديكس ؟! ..
لولا بني أسرائيل كان ما يخرب الأكل حسبي الله عليهم دايم هم نكبة علينا ..