تعال واكتب حالتك/لحظتك شعراً ..!

[سعيد الموسى]

يا ليل قولي وينها
اللي شعرها عذبته ايدينها
لا مرت النسمه عليه
يرقص طرب ..
ولا رجعت يمه تبيه
ماس بعجب ..

يا ليل قولي وينها
اللي ابعدت والشمس بيني وبينها
كيف اصبح الميعاد صعب النطق
والموعد طريق
يا ليل قولي وينها

اللي ابعدت والشمس بيني وبينها
كيف اوصف اللي بي ودمعي يصد
واهاتي حريق
يا ليل قولي وينها
ودي بنظره عينها
اللي لا منها ازعلت
ثمً رضت
يصير له معنى الغرام
يا ما مع رموش الليالي
ارسلت همسه وقالت لي سلام
ذبح الهوا وي عينها
يا ليل قولي وينها

يا ليل قولي وينها
اللي خذت فكري وخافق مهجتي من حينها
يا ليل
واصبحت انا عشاق عمري
عمري ليل عيا ما يروح
هايم بها مشتاق صبري
صبري ويل والضحكه جروح
.
‘
خالد بن يزيد .

 

[حنان العصيمي]

ياللي جميع الناس بينك وبيني
وكل لحظة أنا نتظر منك ميعاد

عذري لياسي منك .. إنك تبيني
خنت الرجا.. وان صنت لي عهد ووداد

ولمصافحك ربي خلق لي يميني
أمدها لك وصل وأمدها بعاد

البسمتك ترخص غوالي سنيني
جرحي يهون ووجاير الشوق يزداد

أنسى عذاب العمر و ما أنسى حنيني
تبلى ليالي العمر وجروحك جداد

( البدر )

 

[فهد الرويلي]

أقضم الهدوء ...!

 

[أمجاد محمد]

جعل السحاب اللي معه برق ورعود
يمطر على دار وليفي سكنها

يسقي وطن منتوقة العنق ياسعود
مالي وطن بالعارض الا وطنها

قلبي غدا واستيسره لين العود
محد يفك القلب ياسعود منها

ساطي وفي كفه جديحه وبارود
وادخل يده بين الضلوع ودفنها

بيني وبينه وصل واسرار وعهود
مصيونة ماتدري الناس عنها

في كل عام يزود حبه بعد زود
اقفى بروحي والتوى في رسنها

اموت بين الخد وعيونه السود
وحواجب ربي بملحه قرنها

وشعر بدهن الورد والمسك مكدود
جديلة تضمني واحتضنها

ليل جمعني به عسى ليت ويعود
يبعد عن النفس الحزينة حزنها

 

[سعيد الموسى]

من تصافح
بالسلام
يزفر بيدها
حمام !
لا ابتدت
عزف الكلام !
ترسم الأسما
غمام !
.
.


كِل مافيها
عجب !
تنطق الكلمه
عِنب !
ماتقول الــ سين / عادي !
سينها ... شلّال
هادي !
.
.
تخرج الحرف
بدلع !
طفله ... وتنفث
شمع !
.
.
كل مافيها
عجب !
منتهى الصدق
وكَذِبْ!
لاوقفت .... تشعر بها !
واقفه فوق الغمام !
لاأنثنت
.... فزّ الكلام !

آه
ياحلو الكلام !

 

[أمجاد محمد]

أبد والـلَّـه
على خبرك ...
أغض الطرف ،
و أنتظرك ..
أبعثر شَعري المجنون ...
ألملم حلمي المدفون /
أداري ظهري المطعون...
و أنتظرك ..
و أتساءل :
وش اللي باقي بـ إحساسي ...
بـ زمن ناسيني و قاسي ...
وش اللي باقي بـ أشواقي ...
لـ جفا
يخنق لي أنفاسي ..!
تدوزنِّي إنكساراتي ..
مثل عودٍ
عيونك كل أوتاره !
وإسمك أجمل ألحانه !
رحلت
وذبلتْ الريشة !!
وأنا بعدك ..
سفينة هَمْ ،
من الضيقات ..
تتكسَّر !
تجيني كيف ....؟!
وبيني وبينها دروبك !
مسااافات ..!
وعذاب وزيف !
أبد والله ...
على حطَّت يديك .. الجرح ،
وآلامي ...
على خبرك أموت وأحيا
بـ أوهامي
و أنتظرك ..!
وصوتي دايمٍ يسأل :
[ وينها عيونك حبيبي
سافرت مثلك حبيبي ؟! ]
عجزت ألقى لصــوتي حل..
أنادي به ولا رديت !!
ولا فكَّر بيوم يـ مــل ..
أنا دايم..
على خبرك ..
أمــوت أمــوت ،
و أحتـضرك

 

[عبدالله صلال العساف]

استطعم الذكرى واحث المشاريه؟ وآبوح لليل ابشجون المدينه
غريب والذكري تفوح ابأمانيه؟بإوجوه ناسٍ راااحو وساكنينه؟
كم شارعٍ يمشيني اليوم ممشيه؟وكم من جدارٍ فاح بالتاركينه
عبدالله صلال العساف

 

[فهد الرويلي]

إعادة قراءة للنفس الملعونة دواخلي بصورة أنانية وفاحصة ...!