[ رَصدُ حلقات برنامج شاعر المليون ] :

[ميــرال]

من اعلان الخمسة مليون والهدف واضح

 

[ريم علي]

حلقة مخيبه للامال صراحه توقعتها اقوى
جولة الرياض العام الماضي كانت اقوى واهم
ومازالت اللجنة تجامل وتجامل للأسف.

 

[المنبر]

[ [blink]مُقتطفات ضوئيِّة[/blink] ]




- أقام الشاعر تركي المريخي عضو لجنة تحكيم برنامج شاعر المليون مأدبة عشاء على شرف عضوي لجنة تحكيم البرنامج :
سلطان العميمي , بدر صفوق وطاقم عمل البرنامج من معدّين ومخرجين ومصوّرين وذلك في إستراحته الواقعة شرق مدينة الرياض
وقد شهدت مأدبة العشا حضور الشاعرين سعد بـراك وبدر السبيعي إضافة إلى الشاعر والإعلامي فريح العقيلي وحسين
العامري وعارف عمر ، وسليمان القبلان وعبدالله المصعبي .



- في اليوم الأول من هذه الجولة شكّل بعض الشعراء حلقة لآداء شيلات إرتجالية جماعية في الوقت الذي تحوّلت فيه الصالة إلى مايشبه الأمسيات المصغرّة ،
وقد كان لحضور ’’عضو أبعاد أدبية ’’الشاعر : عارف سرور إضفاء أجواء جميلة على الحضور الذين بادر البعض منهم بعرض قصائده
عليه قبل دخولهم على اللجنة .


- في اليوم الأول أيضاً عندما جاءت الساعة الثانية ظهراً ، كانت المفاجأة حين أعلن المشرف المنسق لشاعر المليون
عن الإكتفاء بعدد الأسماء التي وصلت إلى مايقارب الـ 500 مشارك وهو مؤشر كبير على أن جولة الرياض لن تخرج بأقل
من ألف شاعر ، على أقل تقدير ..وفي اليوم الثاني تأكد ذلك حيث سجل أكثر من 800 شاعر ، وكثرت الأعداد في كُل مرة حتى اليوم الأخير .




- إستمر مشهد حضور الشعراء في برنامج شاعر المليون ومنهم الشاعر : عيضة السفياني
والذي كان أحد الشعراء المشاركين في النسخة الثانية ووصل إلى مراكز متقدمة ومرموقة حتى انه دخل في دائرة الخمس الأوائل
فقد جاء السفياني ليرحب بأعضاء لجنة التحكيم وفريق العمل الخاص في البرنامح ، وليس مشاركاً هذه المرّه .

والشاعر : راشد البلوي أحد نجوم البرنامج في نسخته الثانية وقد جاء مُرَحباً باللجنة أيضاً .



- كان من أبرز مفاجآت هذه الجولة مشاركة الشاعر : محمد بن منيف والذي كان قد أعلن مساء السبت الماضي وعلى الهواء مباشرة
إنسحابه من مسابقة .. " شاعر العرب "وقد أكدّ بن منيف أن مشاركته في البرنامج الجماهيري شاعر المليون تأتي لكونه البرنامج الأول على مستوى العالم العربي والأقدر
على إبراز الشعراء ومنحهم مايستحقونه من الضوء والشهرة .


- بعد جولة الرياض جاءت مصادر تقول بأن مذيعة البرنامج لهذه السنة
ستكون حليمة بولند .

 

[جُمان]

عبد العزيز سعد الحربي
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]كل ماطيفه على بالي يمر=تعتريني رعشة الجسم الجريح
واحد(ن) حبه غمر قلبي ع مر=كيف أبسلى لا فقدته واستريح
اللقاء عقب البطا فرصة عمر=والبطا قبل اللقاء ليل كليح
واللي حظ تدهور واندمر=كل ماقلت انتهض عود يطيح[/POEM]








حجرف العصيمي[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]زعل مشاريه وملامه وتهديد=وشلون أبتحمل قيودك من أولك
تقسى وتهجرني من العيد للعيد=وأطفي مع غيبتك وتعود وأشعلك
وأقطفك قطف اليانع من العناقيد=وتضمى وترجع لي وأروي بلايلك
المسألة سهلة بدون أي تعقيد=خذني على كيفك وأنا يالحبيب إلك
لا صار مالك في المحبة مواعيد=سلمني إحساسك من آخرك لأولك
من راسك لممشى مواطيك بالبيد=كنك تسير بفلك والناس في فلك
والشعر فيك يزيد واحساسي يزيد=لا تحسبني يوم أغنيك أجاملك
شربت حبك جمع والوصل تفريد=وفي ذمتي لو أقدر آكلك لآكلك
وتبغى تعلقني من العيد للعيد=وأصير أنا ملكك من آخرك لأولك
قبل نتمادى فـ العتب يااتلع الجيد=ومن قبل تدري للخطأ ممكن أسالك ؟
زعل ، مشاريه ، و ملامه وتهديد=هو فيه غيري يالحبيب يتحملك ؟[/POEM]






عبد الرحمن المهلكي
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لا ودع إلا لنفس ودعتها= ودعت نفسي معي لكن خذتها
نفسي اللي ودعت نفسي وراحت= روحت هذي وهذيك لحقتها
ودعت واستودعت سر بعيني= ذايعـ(ن) من سرها مااستودعتها
جادلن حطت على خدي مياسم= من دموع وكل خلق الله قرتها
لو لمحها جاهلـ(ن) مافك خطه= بيتهجاء حرفه اللي كاتبتها
اسمها يصعب على لساني يجيبه= والحروف من العذوبة عذبتها
وكل بنت فاتنة حسن ونعومة= لا مشت معها تحس بمرجلتها
وأعجب الأشياء حياتي في ممتاي =لـ كتبتني في الحياة بممستحها[/POEM]







قرعان اليامي
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أول كلامي ذكر رب المقادير=الله رب الكون عالم بالاسرار
أقولها ماهو كلام وتصاوير=الشعر نقد جنيه فضه ودينار
ماأقول أنا أحسن شاعر غيري كثير=وماأقول أنا الفايز على كل الأوار
لكن قصيدي عارف صفوة البير=والله شاهد والبشر وأهل الأنظار
وماني شاعر مبتدي توه صغير=وماني شاعر مبدع يضرب الطار
أشعر وأطالع للنجوم السوامير=وآخذ من الهاجوس والمخ الأفكار
ناري تشب ودليتيني مناحير=مزعفرات تضبط الراس محتار[/POEM]








فالح بن فويز الشيباني

قالي الشيباني وأبداها .. نصيحها للي يبغاها
ذكر الله فاول مبداها .. رب من طينه كونا

والقصيدة يوم أبديها .. أبغى العالم تسمع فيها
على كيفي ومسويها .. والقصيدة ماتشحنا

وأتطرق فـ القصيدة .. عن سلبيات عديدة
عسى السامع فيها تفيده .. وإن سمع القصيدة غنا

نبغى نذكر شيءٍ سايد .. شيءٍ سلبي وأمره كـايد
وأشوفه في العالم زايد .. والله من شره يآمنا

الزوجة غالـ(ن) مشراها .. ياويلك ياللي تبغاها
والله إن تبطي ماتلقاها .. وتاخذلك دين وتتعنى

والمشكلة من والدها .. لا جو له ناس يطرها
عيا عنهم ثم عقدها .. يحلم له بقصور تبنا

يبغى الفله من مهرها .. ويبغى حاجات يذكرها
والزوجة دوم يشاورها .. إهيه منا وأهوه منا

والمسكينة عقدوها .. عقدوها ثم أعموها
فات القطار ولدوها .. خلوها تشكي وتونا

وصلت لـ سن العنوسة .. بين الجدران المنحوسة
في رجوى التاجر وفلوسه .. هذا الشيء اللي يزعلنا

هي تبغى عش الزوجية .. وأبوها يبغى الماهية
والخاط ماعنده شيءـة .. واللي راحت فيها بنا

واللي يطمع في بناته .. يبغاهن سبة غناته
عسى لا جت له وفاته .. يصدم له في موخر دنا

وأحيان بن العم مصيبة .. عقدها الله يفري جيبه
حسب العادات الرتيبة .. اسلوم آبانا وأهلنا

نحسب إنا تطورنا .. ونعرف الصح وفكرنا
والصحيح إنا ماسرنا .. فـ الوضع الماضي مازلنا

هذي ملحوظة خفيفة .. عن شيء قبت بتوصيفه
عبر الآبيات الطريفة .. وأتفنن في هنه فنا

ذكرت أحوال سلبية .. وهناك أحوال إيجابية
ماهي كل العالم سيئة .. ياكثر الخير بموطنا



.

.

 

[جُمان]

ماجد العتيبي
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الهم نار ماعطت للفرح دور=وأكبر ضررها فـ أوسط الصدر ويسار
كانت ولا باقي لها أية حضور=اليوم في صدري من أحداث الأقدار
كن الضلوع أغصان وهمومي طيور=ولا من هنا اللي ملله وقته وطار
ودام الزمن ماهو معي وافي شبور=ابستميت وكن ماصاير(ن) صار
مانيب من يشكي لناصر ومنصور=باعيش وآمالي بمعبودي كبار
لا بد مايطلع بعد هاالدجى نور=وأشوف فـ أغصاني من أفراحي أثمار
وأقول يا همي مجمل ومشكور=خليتني بأسباب أصوغ الأشعار[/POEM]









خالد عطية الزهراني
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يامستوى علم عزيز كان تحت المستوى =بإن الرسول أمسى ثلاث أيام وبطنه خاوية
وياحامل أعلام الجنود اللي يرتبهم لواء=لا تعامل أحلام الجنود بعينك المتماويه
أبسألك يوم السيوف بـ بدر حفارة ثوى=أبسألك يا صاحي وش كان فعل معاوية
فلو أولي الضعف استحالوا أن يصبحوا أولي قوى=ما كانت بيوت الشعر من شعرها متقاوية
النفس نفس النفس ولكن فرقها بـ المحتوى=ياليت نفسي نفس مانفسي تمنى حاوية[/POEM]








محمد سعد الهجرة
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]بوح الملامح يحرج مكابر الصمت=والصبر عذره مايكفر خطاياه
على السكوت وردع الافصاح صممت=تصميم مذنب تعتبر من مزاياه
قاومت تيار اعترافي وسلمت=إن اعترافي مايحقق نواياه
كابرت لكن في المقابل تندمت=في ساعة فيها الندم من ضحاياه
أحيان ساكت واحسب إني تتمتمت=تعبير مجروح شكى من كواياه[/POEM]









فيصل الطوالة[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]التناكر بين خلق الله بدا=صار هذا تقل مايعرف هذاك
القتن خلت رفاقتنا عدى=والوجيه البيض تطعن في قفاك
استمع صوتي ولا ابيلك صدى=داخرن ياذيب للمرقب عواك
بح صوت العقل من طول الندى=المسا المحسوس واستخدم ذكاك
فرصة التغيير لا تذهب سدى=قبل تبدا خطوتين إرجع وراك
طيبتك مع بعض خلق الله ردى=لا تواضع وأسفل العالم رقاك
الحقيقة زيف والمصلح غدى=والنصيحة أوشكت تصبح هلاك
لا تقول إن مالي ومالك جدى=ياعزيز النفس ماينفع غناك
وش عشاك وأنت ماتلقى غدا=لا تقول إن الغداء تالي عشاك
أدري إن العافية ثوب ورداء=لكن الخوف المرض إليا اعتراك
للطموح إن مات واحدنا فدا=البلاء لا عشت ماحيـ(ن) رجاك
للعطش غيمة وللوردة ندى=والوسيلة قد تبرر مبتغاك
إنحلال المجتمع ماله مدى=ناظر أصحابك قبل تنظر عداك
الفساد بدورنا قام يحدى=أضعف الإيمان تسأل وش بلاك
النبي بدل ضلالتنا هدى=بس مايقدر إذا ما الله هداك[/POEM]









عبد الله الظفيري
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الي بقى لي مع الأيام ..وفٌيته =والضيق لو ينهمر تشربه ودياني
ماهي كبيره علي والحزن غنيته=ولاهي غريبه اذا وقتي تحداني
كم جرح خذته من الاحباب..ضميته=وجروح قلبي زكاه لحب خلاني
مطعون ؟! عادي ,جفا الاقارب؟داويته=تعبان ؟! حدي ,ردي هالحظ؟ خاواني
صدمه ؟! بسيطه ,هوان الحال؟مريته=مقرود ؟! أدري , واذا حرمان؟عداني
مافاح هم لك والله ما تقهويته=و مامر حزن بغيري ما تبلاني
ياما وياما من الخذلان ..عديته=إلا بصاحب ..بعد العشره تناساني
ازريت لأنسى غيابه لين ناديته=والموت لامن تجاهلني وجافاني
وينه يجيني ..وكل عتاب كنيته=ياليت يدري بعد فرقاه وش جاني
من كنت طفل وانا أرجاه في بيته=شيبت..واثره على هالحال خلاني
حتى جناح العتب لرضاه ذليته=ماطرت بعده فرح من ذل جنحاني
ياقلب صبرك..ترى كل شي سويته=ماكان افضل من اللي كان بإمكاني
لو بي قوه على الهجران؟خليته=لوبي ذره من النكران؟يفداني
الجرح أرحم..اذا يرجع من أغليته=مجروح؟فدوه..ولكن صعب وحداني[/POEM]


.

.

 

[جُمان]

سلطان الدوسري
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]مابين تطبيق السلام وبين تحديد المصير =نشعب ركايبنا و ونحداها على رد البرى
يسوقها ضرب العصا ويهجها حص الصفير=وتدبك بنا واللي على الركب يهرول مادرى
تمشي بنا والقيض يشويها مع طول المسير=وتبرك بنا في وسط سوق بين بيع ومشترى
وإليا إلتفتنا للجمل حن ورغا بعد الهدير=وحتى الصميل اللي على جنت المطيات انفرى
وحنا نحسب إنا بلغنا القصد والخير الوفير=ماندري إن الوقت وقفنا على باب الزرى
صحيح نملك مال بس احساسنا حس الفقير=واللي يواسينا صلاح الدين لا منه طرى
وصلاح مات وجاتنا الدنيا عبوس قمطرير=وحد(ن) رقد منا و الآخر مات ماذاق الكرى
نبغى الحضارة لين مركزنا طلع بعد الأخير=ولا عاد به غيره سواة اللي على الذلة ضرى
وإن كاننا مليار مسلم ما بنا صحوة ضمير=بـ أكتب نهاية أمة تعيش تحت الثرى[/POEM]









محمد الشهري
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]فمان الجرح لا والله فمان أحزاني الكبرى=فمان أغلى ثلاث سنين مت إبها عشان أعيش
فمان الحب وأحلام القلوب البيض والخضراء=فمان الآه من كثر الزعل والشوق والتطنيش
فمان عيونك اللي مالها بين العيون أخرى=فمان غروري اللي علم الطاؤوس نفش الريش
فمان عطورك اللي تسكن أنفاسي وبالأحرى=فمان أنفاسك اللي تسكن عطوري وماأدري ليش
فمان الليل وأحضان الدفى ومصافح القمراء=فمان الباب والشباب يوم أواعدك ونطيش
فمان التوت والرمان وأحلى فاكهة حمراء=فمان الضحكة اللي كنها من مبسمك بخشيش
فمان غيابك اللي ماترك لمواصلك بشرى=فمان الشك وضنون الخطأ والكذب والتشويش
فمان الله يا قلبي مع إنك جرح مايبرى =كتب ربي علي أعيش من دونك وأنا ماأعيش[/POEM]









سعود الحافي
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]وأنا وأنا ماني ناظم وقصاد=شاعر ولي تمحيص الأبيات عادة
أنحت صخر وأشحذ همم وأقدح زناد=وأحرق جمل وأدفن بقايا الرمادة
حق النحاس النار والجمر وقاد=والجوهرة للفلترة والاعادة
أخاف من شرهة عوارف ونقاد=لا جت بصيغة عقد وإلا قلادة
هذي ثلاث سنين سرداد مرداد=ومركز حياتي ماعطاني شهادة
صارت مشاويري مشاوير كداد=عود على تكسي وعنده جلادة
حصيل مشوارين فـ الماء وفـ الزاد=ومكسب ثلاث أيام قطة عواده
أصحي وأنام ولي مع الهم ميعاد=والعذر نوم الصايم أحلى عبادة
وإليا جذبني كوب من شاي براد=و صوت للجرسون سكر زيادة
جابه وحرك سكره لين يزداد=وأشرب و(تسـ)ـني شارب شاي سادة
مرارتي بالـ(تسـ)ـبد مفعولها زاد=وأحلام عمري تستحق الإشادة
وإن ماحملها حظها حمل منطاد=شويتها فـ النار شوية جرادة
موت الصبر سنة على راس الأشهاد=لا صار مر وخارج عن الإرادة[/POEM]











سلطان الشمري[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تولم يازبون الطايلة نبي نقمع الداكوك=نبي نرقى لقمتنا وقبتنا أبدفنها
وإذا ودك أعلمك الفخر إذا هم نسوك=من عيوني وأنا القمة لجل عينك أعاينها
أنا عبده ، أنا الأسلم ، أنا سنجاره وياخوك=الدولة ترا تفخر إليا قالوا مواطنها
تنزه يا عشير الطايلة عن عاشقين الروك =وعارضتك الأصيلة والتليدة دوم لحنها
وإذا غثك خبل قدموا ضيفه يوم جاه الكوك= أبي بسفهتك مطحانه هروج الخبل تطحنها
ولا تستغرب دام صوير يفتخر باللوك =عوير لا طلبك أغنية لهيفاء معه غنها
وذا الخايب رفع خشمه ،خشم جده قبل مفروك=ولا تحزن لأن نيتك صفة كنايس مع مآذنها[/POEM]









ضيدان المريخي
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]هي حضرة الشعر بأول غيبة الملهمة=أو إنها شرهة الشاعر على مايصير
ماأدري ولكن هجوس الليلة المظلمة=على رجا شمس مابين الضحى والعصير
إن ضاق صدر الكلام وملت الترجمة=مال السؤال الكبير إلا الجواب الكبير
وين أنت يافكري اللي مايطير سهمه=إلا على صيدة ماحط فيها خشير
حرفك بصدري من البارح وله همهمه=(تسـ)ـنه على جية الهاجس برجوى بشير
تغن دام المشاعر بالغنى مفعمة =وأعرف ترا مايلج السمع غير الصفير
وإن شفت دون المدى دبك يثير كتمه=ميعادك الغيمة اللي تاليتها غدير[/POEM]

.

.

 

[ناديه المطيري]

قريت أن جولة جدة من أجمل الجولات وأكثرها دهشة .

بالنسبة لمرحلة الـ 100 يقبلون الكثير لكن يسوون غربال لمرحلة الـ 48

يعني لايضيق صدرك ياجمان
اتوقع سلطان بن حسين الدورسري بيكون مفاجاة هالسنة وبيتم قبوله ,,ر غم سنه لكن شعره جزل جداً ,, ذكرني بالشاعر الصغير في شاعر المليون 2

ننتظر جولة جدة ..

 

[ناديه المطيري]

مين اللي قال

أذكر اني كنت أشك أن موني مولدي
؟؟

وجهه مألوف