سيمفونِيّة مَطَرْ

[سعيد الموسى]

سولفي لي !
ماوحشتك ؟ !
سولف لي !
كيف خدّك ؟
كيف عينك ؟
كيف ثغرك !
كيف كلّك ؟
مافقدتي ضيّ ثغري ؟
إبتسامة عين خدّي !
ماوحشك إنك تقولي !
ياخي إسكت !
يالله إسكت !
والله وجهي صار أحمر !
ماتمّل إنك تشاغب !
ماشبعت تبوس عيني !
وآنا أضحك , وأقترب لك !
وأهمس بإذنك ... وأوشوش !
يااااااااااه منّك !
ماعرفتي ؟
إني احبك ـ حيل أحبّك !
يعني لو بستك
لبكره !
ودي اللحظه تكرر !
.
.
.
ماوحشتك ؟
سولفي لي !
يلا غنّي !
غنّي , غنّي !

 

[سعيد الموسى]

تخيّل !
هذي الدنيا
مليئه حب !
تتخيل ؟
تخيّل هالبشر
أنقى !
بلا أحقاد !
تتخيّل ؟
تخيّل إن هالسارق
يصير إنسان ـ إنساني !
ولايسرق
براءتنا !
تخيّل , ياااااه
تتخيّل ؟
تخيّل إننا أنظف ..
وإن قلوبنا ارأف !
ولافينا بشر أفقر !
ولا أغنى !
وهاللقمات نقسمها ...
مابين أفواهنا .... والما
تخيل ... إنت متخيّل ؟
تخيّل !
كل هالدنيا ... تصير إلنا
وطن واحد !
نسافر , وين مارحنا !
وكل الناس ... أهالينا !
نضّم الحب داخلنا !
نصافح كل من يعبر
ونهديه إبتسامتنا !
براءتنا !
وطيبتنا ... وطفل ٍ
غيرررررر داخلنا !
تخيّل بس
تتخيّل ؟
تخيّل إن كل هذا
يصير إن مات !
بسّ واحد !
يموت إبليس
داخلنا !
ونصبح كون إيجابي !
تخيّل !
ياااااااااااه !
تتخيّل ؟

 

[سعيد الموسى]

مالي أبد أسياد !
ــــ ولاني مع الضجّه !
كثر الحكي وإن زاد
ــــ صحرا بها عجّه !
ربي
هو الرحمن !
هو
خالق الإنسان
هو منشئ
التُربه !
وشفيك : يافاضل !
يامرّتبك : إهدا !
مالي أبد
أعدا !
وإن شفت لك
ظلما !
إيدي لك الشمعه !
.
.
مالي أبد سيّد !
ــ إلا من أنطقني !
بعض البشر
[ خثعه ]
لو ذمنّي ... رِفعه !
لو شفت لك
نمله !
تمشي طرف كمّي !
قم بلور الفكره !
قِل : حجمها أصغر !
في كمّه الأكبر !
.
.

 

[سعيد الموسى]

كان الحكي
طفل ٍ
مايعرف الكذبه !
لينه كبر !
وأنتج !
إبريل , بالصدفه !

 

[سعيد الموسى]

إن كانها بالظن ياحسن ظنّي
ـــ وإن كانها فرقا ..عسى الله يحميه !
ثوبي وهو ثوبي إذا ملّ مني !
ـــ ماعاد يلزمني .. ولاني براعيِه !

 

[سعيد الموسى]

جيتي
ويحملك الحنين !
جيتي
من آخر همّ راح !
جيتي
من أطراف الجراح !
جيتي
وبـ إيدينك خجل !
قلتي لي:
... إقطف وردته !

 

[سعيد الموسى]

تسِرق من الصمت
صوت و
صوت !
من مخبئ العين غصن
وحوت !
في عينها : طفلة ٍ لصّه !
تقتاد صوتك
وترنيمك !
تسرق حديثك ونبراتك !
لاشاغب الرمش
إيدينك !
في صوتها :
صدر تفعيله !
متموسق اللفظ
متوازن !
في خدّها :
غيمه وديمه !
وأجمل من الريف
ضحكتها !
في ثغرها : وردتين
وثلج !
أسطورة تلال
رعديّه !
.
.
لاشفتها
ـ مالت إيدينك !
ياسيّد الشعر
لاتكتب !
قِم راقص الحرف
واعزفها !

 

[سعيد الموسى]

إنسان ياكون
بسّ إنسان !
من تُربه ومرجعك
تٌربه !
تقتل وتسرق
ولاتشبع !
تكذب وتخدع
تبيع أوطان !
لو صرت ماصرت ،
عمرك : كان !
من تُربه
ومرجعك تُربه !