تعال واكتب حالتك/لحظتك شعراً ..!

[سعيد الموسى]

ديور !
ماهو مجرد عطر !
يكفيه يلمس
طرف خدّك !
يابخت شالك
ويابختك !
ويابخت من ترسم الحِنّا !
أستغفر الله
مو أنثى !
جوري على هيكلة أنثى !
أحس حتى الخُطى
دهششه!
وشلون وردة وحوريّه ؟
من شفت رمشك
عرفت إني !
مابين ضيّ الحكي وأبعد !
ماقبل هذا
ومابعده !
ماذاب عطرك من الدفتر !
إلا وأنا أنفض الربكه !

 

[تناهيد الخالدي]

و آ صوتي اللي عزّم بالرحيل
. . . . جــاك من حـرّ شوقه مسيّر
وصيته عليـك لـكنّه مستحيل
. . . . يردّك معه مجـبور أو مخَيّر

* تناهيد الخالدي ..

 

[فهد الماجدي]

فهد الماجدي
,

يا صاحبي درة الاعيان
...............والله مريت ا با سلم .
. لكنها هاضت الوجدان
...............والحال الله بها اعلم .
. ياشاعر ٍ من بني زهران
...............من لابة ٍ تنوّر المظلم .
. شاعر ليا ضاقت الاوطان
...............للشعر مرجع وهو معجم .
. ازعج قوافيك شانك شان
...............يامعرب ٍ من خوال وعم .
. هيجنت يافارس القيفان
...............تلميذك وجاك يتعلم .
. ياخالق الجن والانسان
...............يافارج الكرب بعد الهم .
. اترضي الخاطر الزعلان
...............علي وقلبه بعد يسلم .
. (اعوذ بالله من الشيطان)
...............انكاني اخطيت ماعلم .
. وختامها بالله الرحمن
...............الدايم الله سبحانه .



. علي الحسني .


. يافهد بن ماجد الأخوان
...............فالله مثلك لهم نكرم .
. لك مني الشكر والعرفان
...............ياللي كلامك كما البلسم .
. حييت يافارس الميدان
...............أقل مايقال لك ونعم .
. من لابة مابهم نقصان
...............لاشبت الحرب ما تحجم .
. تقدم فراريس من فرسان
...............تقدم نعم تقدم وتقدم .
. لاشافهم يهرب الشيطان
...............وقاسي القلب يستسلم .
. من غيركم يكرم الضيفان
...............ناره بليل الدجى يضرم .
. يسري على ضوها الجيعان
...............ويصبح وكفه مدسّم .
. والمعذره يافهد من شان
...............حقك علي أكبر وأعظم .
. ياهل الوفا يجبر القيفان
...............عن نقصها ذكركم وتتم .
. واختامها نحمد الرحمن
...............ونصلي على النبي الأكرم .

,

 

[تناهيد الخالدي]

.
.

حيّ الطواري اللي تجيبك
........ويسعد لي معك طلّة مساهم
تشرقك معي في مغيبك !
....... وتأخذني معك في مداهــم

* تناهيد الخالدي

 

[خالد بن منشار]

[poem=font=",6,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
صحّيتني من نومي الله يسامحْك = ذكّرتني في واحد ٍ ما ذكرني
الصوت صوتك والملامح ملامحْك = ما كنّك الاّ صاحب ٍ لي هجرني[/poem]

 

[هـيـفـااللاّفـي]

.
.
أوله عليك وارسم الشوق فـ ابيات
ـــــــــ والشوق طير مغردٍ فوق غصني
لازلت أطوح من عنا الشوق اصوات
ـــــــــ بس المصيبه للأسف مافهمني ..

هيفااللاّفي

 

[خالد بن منشار]

[poem=font=",6,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يوم شفت الصوره اللي بالملف = قلت وش هالزين ياريم الفلا
ورحت عند فلان في ذاك الملف = واقف ٍ بالشاص وحده فالخلا
قال وشبك قلت انا حالي انتلف = شفت شيّ ٍ زايد ٍ فيه الحلا
قال يامخلوق وشبك مختلف = كنّك المجنون وبعقلك بلا
قال والله مابها زين وحلف = ذا قناع ٍ ما تحْتْه الاّ طِلا[/poem]

 

[عبده خلاف]

صباح (الجرح) للي ما برى جرحه
وصـباح (النـور) للـي دنيتـه زينـه

أجمع شتاتي وغيري ناوي بطرحه
وأقـول درب السعـاده يابشـر وينـه

عبده خلاف