تعال واكتب حالتك/لحظتك شعراً ..!

[وردة نجد]

يطيح جفن الليل واهز كتفه
يفز نجم وباقي الليل مطفي

واحاكي الجدران عن مثل غرفه
ماتشبه الجدران ويطول وصفي



وتملني الجدران واظهر لشرفه
تحت السما واسكر الباب خلفي



ريح تهب وتسكن العظم رجفه
وتموت ريح وتسكن اوراق نزفي

على الروابي تهطل دموع وطفه
وتصب لمع بروقها وسط طرفي

ياطاري الغدران والعمر رشفه
مع قلها ياليتها يوم تصفى

ياليت الشوارع تجمع اثنين صدفه
لا صار شباك المواعيد مجفي

الحب واجد مير الاقدار صلفه
والأرض واجد لكن الحلم منفى

واللي اعرفه راح ماعاد اعرفه
ولاظن يذكرني الى أقبلت مقفى

ماهو حبيبي مورد القلب حتفه
ولا هو حبيبي يفرح بوقت ضعفي

مر ثمر هالليل وأمر قطفه
يالحنظل اللي قمت اذوقه بكفي

هذا وتو الليل ماراح نصفه
وياليل بعض اللي مضى منك يكفي

 

[سعود القحطاني]

الماء ركد والجريد الغض ماهزه
نايم والزمن لا جاء ولا راحي


جمحت يامهر حظي وأثر بك فزه
ماطولت كلها غارة ومشواحي


ياسيد الناس شمسك مالها حزة !
تعبت أماري بشمعي وضي مصباحي


مالوم حظي تعب من كثر ما أدزه
لو هو لغيري نساه الهم وارتاحي

 

[سعيد الموسى]

يكفي عليك من الدلع
تختال بك
كل الورود !

 

[أمجاد محمد]

وأحـتجـت أن [ ألـقـاك ] ..

حـين تـربـع الشوق المسافـر واستراح

وطفـقـت أبحـث عـنك ..

في مدن المنافي السافـرات

بلا جـناح !!

 

[خالد بن منشار]

[poem=font=",6,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ماني على طرد المواليف مجبور = من راح راح ومن يجيني هلا به[/poem]

 

[عبده خلاف]

لا تحسب إني إذا طال الجفا باشره
تروح الأيام وأشواقي هي أشواقي ..

ماني من اللي يحب ويرجع ويكره
من يدخل القلب مايطلع من أعماقي ..

يا ماخذ العمر كله خل لي (بكره)
خذ ماتبي من سنين ورجّع الباقي

 

[ماجد عبدربه]

:


هاتك هنا / لجل انغمس فيك .. واشهق
تعبت أقول : اشتقت / سكّرك ( ريقك )

حضنك : وطن / عن كل الأوطان يفرق
وآنا غــريــب / ولا أعرف إلّا : طريقك



.

 

[نادية المرزوقي]

شكرا للمتصفح جزيلا للسماء شأوه و منزاله
جلاله التقدير و الاحتفاء و الاحترام
،،،

ثم بعد:


يا مهاجر تريا لو تخبرت مابي
قلت: فجرن تباهى من دموعه تحلى

وواصلت بي الهموم وانتشت في مصابي
و باركت طيف حلم الورد و ليته تجلـــى


واذرفت شوق مرمر أكلتي من شرابي
بعد ما الصبر خيم في جروحي يتسلى


ما دريته رثا فرحي و الا شبـــــــابي
الوكاد اختنق عزم ن مع العمر ولـى


و الهنا صاحب ٍمبعد و لاهو درى بي
يتمصلح على نفسه و عني تخلـــى


رسمه الناقش المزيون أنكر خضابي
وكم تهيا على الي مااستحقه و تملى


(الفرح أجبن من انه يتــساوى بجنابي)
قاله الواقع ينادي : فشعوري تعلــــى

انجبر منه حاكم شدني من ثيــــابي
حكم طاغي و لا الي بالمشورة تولى


يعتصرني زماني لين أفقد صوابـــى
و من بقى للمعنا من نبض دمه أغلى