مُتنفس .. شِعري !

[عبدالله عليان]

تفاعيل
لا غشاك الاكتئاب
(وكم غشاك)!
وصارت ايامك .. مملة

تلمس احلامك : سراب
ومن ضماك
تحس روحك مضمحلة

حينها ما لك سواه: الشعر
عراب اللغة .. رب الندى
طيشٍ يدوّي
وحده القادر يبَلّغْك لمدى
ما تبلغه
مهما تسوي !



لاغشاك الاكتئاب ارحل بكامل
روحك لدنيا سماها شعر واحذر :
لا تعلم عن سفرك ولا تطري.
انتبذ عن ذكرياتك
كوكبٍ دري، خذ النسيان فنجالٍ مهيّل
بالتجري.
ارحل ..
ارحل ..
لين توصل عمق دهشة
تِرجِع الدمع المسيَّل للعيون،
تزيل قبح الكون، رايحة السكون
وصوت ضحكات المجون بمعتقل سرّي.
تخيّل !!





فاعلاتن فاعلاتن ...:
القصيدة نبتٍ ارويه بظنوني
بالهجوس المشرقة صبح وعشيا
بالندم .. بالكره للي غربوني
بانتقامٍ موشكٍ يصبح جنيا
بالوصال اروي قصيدي وبجنوني
بالغرام الي تمنيته وعيا
بالأمل بآلام ناسٍ صادفوني
بانكسارات الغريب وبالحميا
بالزهر .. ينضح دموعه في ردوني
بالحصى يقدح بمركاض العبيا

وين ما يمطر شعور .. انخى ظعوني
في نظيم العز .. أو عز العليا
لا زمان يردني لو حاصروني
لوم ياللوام واِكثِر .. ماعليا
عندي الحرية اغلى من عيوني
أرفض القيد بخيالي وبيديا


عاد تدري غربتي ذروة طعوني
لا تمنيت القصيد .. وما تهيّا
وان تجرأت اغصبه .. عيّت شجوني
لو رضت .. جا يشبه لهذا وذيا
لو بكيفي .. كل ما لاحت غبوني
قلت : هيا يا ذهاب الغبن .. هيا

القصيد اليا كتبته .. صدقوني
ما خلقته .. إنما يُبعث إليا
معتم اللاوعي هو منبت لحوني
قبل اشذبها بوعيٍ كالثريا
وحي شعر اروي عروقه من مزوني
لين يظهر للورق خلقاً سويا
أتبع الشعر .. وأبد ما تتبعوني
انتم اصل الشعر .. روحه والمحيا





شفت كيف الشعر يمنحنا حياةٍ مستساغة،
كيف يمنحنا عن الضيقة مشارف:
وانت تسأل ،
ما انت عارف :
كيف اضمّ الورد والبارود واتقنهم صياغة ؟
في يدي اليمنى سنا نهج البلاغة
في يدي اليسرى مسا شمس المعارف !

تركي حمدان

 

[عبدالله عليان]

( دَرَاوِيْش الحُزْن )

وتتْعَثَّر سمَاوَاتِي ../ وَ أنَادِي خَطْوتِي : زِمّي
و ينْفِينِي السَّهَر لآخر مسَافَات العَنَا وأرْتاَب

عَلى شبَّاكِي المَهْجُور أدثَّرنِي بصُوت [ أمّي ]
أَرتّل آيَة أَوجَاعِي ويخْشَع من حدَاي البَاب

دَرَاوِيش الحزِنْ مَدَّوا يدِيْهُم قَصْدُهُم غَمِّي
و أنَا تغْرَق مَنَادِيْلي جفَا ../و مْرَايتِي غِيَّاب

جمَعْت اللي تفَرَّق مِن حَكَايَاهُم عَلَى كُمِّي
يُوَاسِي دَمعتِينٍ فِي المَحَاجِر جَرحَهَا مَاطَاب

تسِيْل بطِيشَهَا وتزْرَع سَنَابِلهَا عَلَى فَمِّي
تَعرِّي بالحَكِي هَمِّي ../ ويلْبَسْهَا الحَنِيْن ثيَاب

جمان

 

[نورة القحطاني]

قافية !
صماء أنهكها البكاء
لم يزل صوت الشتات يقض مضجعها
ويرتكب العناء !

 

[سعيد الموسى]

___

أنتي حزنك
ماهو حزن !
أنتي دمعك
وحده " فن "
كل تنهيده : موسيقى !
كل " آ آ آ ه "
تصير : ياااه
أنتي حزنك -
ماهو عادي
أبتهال وله .. أيادي !
أنكسارك / به علوّ
يوصل لحد الغلوّ
كيف تحزن
بنت مثلك ؟
وأنتي الريحان
ظِلك ؟
أنتي لو تبكين .. مرّه !
سال عطر ..
وطاح ورد !
دمعنا المالح ..
دموعك
مو مثْلنا .. سكريّه!

 

[سعيد الموسى]

الهاء .. مافوقها نقطه !
__ والباء تحته [ نقاط ] كثار
بس أنت ساحل من الحِنطه !
__ ماقلت لاتزرع وتحتار !
لو كنت أقيس الحكي شَرْطه!
__ حطيت لك نجمتين كِبار !
بعض الأسامي تجي ورطه !
__ والا انت أتفه بطل مغوار !
عزالله إن اللحى غِبطه !
__ لوجيه تكرم عن الأوكار !
معذور أبو كرش منفرطه !
__ أكبر طموحه هو المسيار !

 

[سعيد الموسى]

يقول هذا المجنون ، عبدالله الكايد :

قلت والناس؟ ورضاهم؟ عن سخطهم فيه , غاية
__ قال من فيهم , يوقفّني , ولا يجلس مكاني؟!
يكفي انّك شفت منهم ما عمى عين المراية
__ كان ودّك تبقى (الاول) لا تكون (الاولاني)!
ما على بالك يموت بــ صمت في نصف الرواية
__ زلة لسان و تكون انسان ,, بس انسان ثاني, !
لا تقول الناس.. لو (فيهم),! خطاك انت وخطايه
__ عشتهم عمرك و ابيك تعيش لو (ليلة) عشاني
ودي انزع من جناحي (ريش ليل آآآخِر غواية)
__ وآخذ من الصبح,, (ريش آخَر ) بدال اللي كساني
وآتنهّد من حطام اسلافي الرحّل .. حداية
__ تقطف احساس الثريّا ورد , لـ سهيل اليماني
وآتهيّا للبحر مقهور واضربه بعصايه
__ (ضربة الخايف) ولو قلبي من القسوة يعاني,!
ينفلق (قافين) بـ اذن اللي جبر خاطر , رضاية
__ وآتشظى في (شفاه) اطفال خلق الله آغاني
وان تعبت وشفت في وجهي من الغيمة , ضمايه
__ بـ اجمع احساسي واغنّي لك "سقا الله من سقاني"
لانّك اطهر وجه اشوفه (غاااب) في وجه المراية
__ واعظم اعظم من يوقفني,,, ولا يجلس مكاني !
•
•

________

هذا الشعر وأي شعر آخر قد يكون [ قابل للشك ]
غاب عبدالله منذ فترة ونحن الآن نتحدث عنه ، الأبداع يجعلك حاضراً في كل وقت !

 

[سعيد الموسى]

____

أنا مااحضر كذا عادي
___ أنا في كفّي الغيمه
إذا شعر البشر غادي
___ أنا اصنع للشعر قيمه !

 

[قايـد الحربي]

:
:

قلت اكتب الفكره وفكرت في شي :
ــــ لو ما كتبنا افكارنا كيف نقرى ؟
يعني عشان نشبّه الفكره بـ "زي"
ــــ لازم نشيل "الزاي" ونحطّها : را