سيمفونِيّة مَطَرْ

[سعيد الموسى]

ورق / ورق !
كل الحكي : له مفترق !
بعض الحكي :طفل ٍ !
بعض الحكي : كذبه !
ورق / ورق !
كل الشعور , الخوف من صوت البحور , والصمت من ناس الصدور !
كذب / كذب !
ورق / ورق !
كل الحكي : كذبه !
لكنّها : عذبه !

 

[سعيد الموسى]

ضمّها , ثِم لمّها !
صافح أيدِي : ثغرها !
ليش : تنشئ ضيقها ؟
ليش : تهوى دمعها !
دمعها : مسك ٍ وعود !
كثر ماهو يحترق !
زادتك من طِيبها !
ضمّها , ثِم لمّها ....
هذي ماهي : بسّ أنثى ؟
لاوربي !
والف .. لا ... لا !
هذي : قلبك / هذي روحك / هذي شمسك !
ماء ... ماءك !
هذي : تسوى كل طِيف !
هذي : الورد العفيف !
هذي : سلمى / نور أسما / أجمل أنثى / هذي أوفى من حكى لك / هذي أجمل من نده لك / هذي سلمى لك ومنّك !
هذي صوتك / هذي رمشك / هذي عينك / هذي منها فزّ صدرك !
ضمّها / ثِم لمّها !
يكفي إنزع كبرياءك / ياغرورك .. ياغرورك !
هالحكي : منّي / ولي !
ليش دايم : تبتسم لي ! تنتهض لي ! تشيل همّي ! مثل أمي .. مثل أمي !
أقابل البسمه : بجرح !
هذي سلمى ... ياأنا !
لمّها ... خلّ تنسى نفسها !
هي تحبك ؟
لا وربي ... يمكن أكثر !
هي تقدّم نفسها !
هي تضّحي بعمرها ... لجل تضحك .. لجل ترضى ... لجل تنسى !
وإنت .... قلي ؟
وش تقدم لجلها ؟
.
.
صدقوني / صدقوني !
لو صرخ فيني سكوتي !
لو أكابر .. مهما أكابر !
هذي سلمى : جزء منّي !
والله الفرد الصمد !
مابقلبي غيرها !
.
.
بـ آضمّها / وآلمّها / وأحكي لها / وأكتب لها / وآطير لآخر جفنها !
سلمى قومي !
قومي / قومي !
والله أحبك ! والله والله !

 

[سعيد الموسى]

[ هيكل ٍ ]
عاري ومومس
ممتلئ
بـ أجمل [ سخافه ]
قالوا التعريف لفظاً :
مجتمع إسمه:
[ ث...ق افه ]
سيداتي
ـــ سادتي !
شكراً
لـ عـار القراءه !

 

[سعيد الموسى]

هالليل عربيد ٍ يثرثر
معه كاس !
هالليل
وجه الناس
... من دون إحساس !
هالليل أسود
... ماتحكّل باأثمد !
هالليل ذكرى
... زحمة أوراق !
وأفكار !
هالليل زحمه
... والقلم عازف الناي !
هالليل :
حفلة ضيق
في فمّ شاعر !
هالليل :
آآآآآآآآآآآآآآه !
و
ياااااااااااااااااااااااه
وأشياء توجع !
هالليل
وسطه , طفلة ٍ تبكي
الناس !
هالليل كنّه :
بار .. ثاير مع الخمر !
هالليل :
خمر: وجمر : وسطور ترقص !
هالليل
صدري / حبري / وصمت ٍ أبيض!
هالليل مابه نجم يضوي
ولا ريح !
هالليل أسود ... ياأخي
حييييييييييييل أسود !

 

[سعيد الموسى]

الليل كنه يحتطب فيني الهم !
ـــ كنه فقير ويحتطب لجل ياكل!
يبيع همي صدر ماينشد بكم !
ـــ حطّاب طيب دون شيمة قبايل !

 

[سعيد الموسى]

ان كان بمدح مدحي لهالغلابا !
ـــ والا الغني ماشال عندي ولا راح !
شبعان طنخه ما احب المحابا !
ـــ يعني بلاش امدح قذر لجل يرتاح !

 

[سعيد الموسى]

كم قلت لك محتاج احبك واحبك !
ـــ ماهو بذنبي يوم ينقص عطاءك !
أن كان ذي انتي فا أنا غير دربك !
ـــ عطشان .. وارفض ارتمي لجل ماءك !

 

[سعيد الموسى]

في داخلي جرح دسيته !
ـــ طفلٍ بكى وانجرح صدري !
شفني وانا غصب داريته !
ـــ ياساتر .. الله ولاقهري !