[ فهرس لـ أبعاد ذائقتكم الشعرية ] .. ؟!

[صالح العرجان]

يا مل عينٍ تهامل تقل مطروفه
نوبات أرد الدموع ونوب تعصاني .. ؟!

سمعت للناي تال الليل معزوفه
والناي صوته حزين ويبعث أحزاني .. ؟!

كن المحاني بحد السيف منصوفه
حسبي على اللي فتح جرحي وخلاّني .. ؟!

والحال مما تشوف العين منحوفه
بري القلم قامت الشدات تبراني .. ؟!

أشوف الأدرع يدوج ومعجبه صوفه
والجوع يطوي ضلوع الذيب سرحاني .. ؟!

وأشوف ناسٍ لجمع المال ملهوفه
على الردى كل واحد يطرد الثاني .. ؟!

يا خوف قلبي من المجهول يا خوفه
زيف الحقايق يعزّز حجة الجاني .. ؟!

القصد معروف والنيات مكشوفه
غلطان يالمنتظر خسران يالعاني .. ؟!

يا نفس ما انتي ورى المقفين مكلوفه
ما عاد ينفعك لا قاصي ولا داني .. ؟!

من صدّ عنّي ضعينه قلت ذالوفه
لا منه زودي ولا بيديه نقصاني .. ؟!

عواطفي تقل بالبارود منسوفه
مشاعري سمّدت واهتزت أركاني .. ؟!

اللي يمينه عن الطولات مكفوفه
وش فايدة رجعته لو هو حدا إخواني .. ؟!

كانه نسي واجبي ما همّني شوفه
والله لورّيه نسيانه ونسياني .. ؟!

اللي يبيني يدلّ البيت ويشوفه
قلبه دليله ولا يحتاج عنواني .. ؟!

لو دوني الناس منتشره ومرصوفه
ينشد ويرجع وينشد لين يلقاني .. ؟!

لو العراقيل في ممشاه مصفوفه
يصبر لها ويتخطّاها على شاني .. ؟!

وليا تعذّر عن المسيار بظروفه
وقّفت ركض الحياة ورحت له عاني .. ؟!

كانه تجاوز خطايه شفت معروفه
ما يرصد أخطاي غير قلوب عدواني .. ؟!

ومن لا بغاني لو الطوفه على الطوفه
تروح الأيام لا جيته ولا جاني .. ؟!

يا صار باللون الأسود صابغٍ جوفه
ما تصنع الود بيبانه وبيباني .. ؟!


لـ / فرحان بن قيران العنزي

 

[صالح العرجان]

أضرب على قوقل وعطني علومه
مالك ومال مجمعين الكلامي

واليا غدى لأسما الرجاجيل حومه
فالمعمعه مثل الجراد التهامي

أحدن يبيع رخيص وأحدن يسومه
تحصل أسمي مع كبار الأسامي

بشعر اليا مر الخشوم معرومه
يطيح من عوج الخشوم العرامي

وقل للمغفل لا يواصل هجومه
ترى نضامه يختلف عن نضامي

ما بيني وبينه نقاش وخصومه
مخاصم الجهال عيب وحرامي

لعل جسمه يسترنه هدومه
ويجوز عن طرد الهوى والغرامي

شعره يغذيه الترف والنعومه
أرهف من النسمه وريش النعامي

وشعري بحر ما كل رجل يعومه
أنشد خلف وأنشد رشيد الزلامي

قل من هو الي ما تثنى عزومه
اليا أحتمى الميقاف والشعر حامي

مثل السحاب الي ترادم غيومه
من يحتمي دوره عداه الملامي

في موقف محدن يخلي لزومه
كلن تلفت للفشق والحزامي

أحدن تفاخر به ربوعه وقومه
وأحدن مع الزحمه عليه السلامي

هذي رساله مبهمه ومختومه
مع جزيل الشكر والاحترامي .. ؟!

 

[هيفاء الزامل]

لآتغيب . . مآبقت فيني سنآبل
تنحني عند آلمغيْب
لآتغيـب .. مزقتني هآلمنآجل / وصوت زآجل
والسوآلي . . وحزن طفل فيني بآقي
من تنَفسـه آلصبآح , ليْن طآح في حضِن عمره ونـآإم
تسَعه وعشريْن عآإم
مو حرآإم تطَعن الصبـح وتلوح للحمآم
مو حرآإم كل ليْله بيّ تغيب
لآتغيـب مآبقت فيني سنآإبل
تنحني عند آلمغيب !

لآتغيْب آلبحر مآعآد ( يقوىآ إختلآجي )
وإحتجآجي وضيق صدري
لآنه يدري من هو فينـآإ كآن
يغرق . . يآحزن هو وين بأغرق
من هو فينـآإ كآن يغرق
وكل ماأغرق
أغرق . . أغرق
يخفَت آلفآنوس نوره في فتيـل
وكنت أميل كل مآمآل الفتيـل
كنت أركز به حضوره . . / . . وآلمشآهد ذآيبه
من أمآمه وخلف بلوره تسيل , تمتزج ألوآنهـآإ
وماأشوف إلآ فتيـل
حسبي آلله ونعم الوكيل
حسبي آلله ونعم الوكيل

وينبثق بي هآلبكآء , كآنو هنـآإ
كآنوآ أنـآإ
كآنو يغنون آلعنآء / ثم غآدروآ يآموطني ~
ماأحدن بكآهم كثرهم إلا أنـآ
وآلمدرسه / وحفنة ترآب / مرهآ 20 أب
وهي تغني حلمهم [ يآصغآر ]
يآصغآر التربه غربه
يآصغآر
يآصغار التربه غربه
يآحزن وآلغربه تربه

تهدي ضلوعي شتآء , وتختزل بي لـ متىآ !!؟
وتنبت عيوني نوآرس , يآحزن هالبرد قآرس
يحتسي بي وحدتي يرتشفهآ يلتحفهآ
رغم ذلك مآيعرفهآ !!

يآلحزني ,
البحر مآعآد يقوىآ أختلآجي , وأحتجآجي وضيق صدري
لآنه يدري . . من هو فينـآإ كآن يغرق ,
يآحزن هو وين بأغرق !!؟
أنت ماكأنك حزن , أو مجرد تسميه
الحزن مآهو حزن لآ وربي أو مجرد تسميه !
الحزن لمآ تشوف دمعتينك دآخل عيونك تطوف
ومآتبلل وجنتيك !
الحزن مآهو بأيدي يآقصيدي أو بأيديك ,
آلحزن آله وتعزف
دآخل ضلوعك شتآء , وتخطب عيونك متىآ
وينتشر بك شي قآرس / يشبه الهجره من آلشآطئ
لـ مجموعة نوآرس
الحزن مآهو حزن لآ وربي أو مجرد تسميه !
الحزن لمآ تكون تقرب عيون أصدقآئك وتدري بآللي يكتمون
وقبل لآهم ينطقون [ تنطقه ] لو بإحتضآرك !
ولمآ ترمي حزنك في مرآة دآرك
أنت مآتدري وش تبي !؟
آلحزن مآهو حزن , الحزن ذا لولبي !
لعنبوه إليآ ألتوىآ . . كأنه أخر جرة عزوم آلكمآن
بأخر أوتآر التوحد , مآتوجد بالبكآء فنآن
يزفر بأوصار روحك وبجروحك [ كل شيء فآن ]
[ كل شيء فآن ]
الحزن مآهو حزن , الحزن سجآن
يشهق ألوآن الصبآح , وكل نورٍ لك مبآح
ويزفر العتمه بعيونك | ولمآ تشكي
أو تحآول مره تبكي
آلحزن ذا يخذلك وربي أنه يخذلك
جوآ صوتك [ جوآ نظرآت يبعثرهآ سكوت]
مثل موتك
لمآ تسمع هآلسؤال
ليه / ليه حزنك دآيم مستمكنك !؟
حينهآ ودك تسولف , تصرخ فـ كل إتجآهآت المكآن
وتنبت لسآنك مآذن , وترفع أحزآنك أذآن
ومآتسولف له عشآن , دآخلك من يمنعك
يمسك لسآنك عليك , وكل إيحآء بأيديك
مآترك لحظتهآ فيك إلا رعشه ودمعتين
تعكس بدآخل عيونك كل مصآبيح آلمكآإن
أيه وربي , أيه وربي
آلحزن هذآ جبـآإن
يملآ شبآكك غرق , ولمآ ترخي جفن شبآكك عليك
سيلك هـ ( آلكلب ) منه !
لآتكنه , لآتكنه !
آسحب أهدآبك عليك [ من ذبح لك هالسؤال ]
ينتظر هذي آلآجآبه
تكفىآ يآجفني دخيلك , لآيطق الدمع بآبك
أرمني
أرمني في كل آلزوآيـآإ
أرمني ل اللآمكآإن
بس في هذا المكـآإن
تكفىآ دمعي مآإهو
جآف



* بَدر فرحآن *







.

 

[صالح العرجان]

سليمان المانع ,, ذلك الشــاعر الذي تستطيع أن تصنع من خيالاته أرجوحه لاتكل ولاتمل من الحراك ,,
في قصيدته .. سلمــى فجّر كل خيالاته الإبداعية ,,,
\

/
\
/

تسعين ليلة فسرت حفنة اعوام
................ جربت سلمى والف شكرا لسلمى

رجعت وساقت خيل الايام قدام
................ مرماي كانت كيف انا صرت مرمى

تناوخن جزع بلا درع وحزام
................ لين ادمته برماحها السود وادمى

الحال نجد ولو تظاهرتها شام
................ تبوح ويسرق سرها الصمت واكمى

انا اتخايل من خيالاتي اهرام
................ وانمى وبه شي معي كان ينمى

اطرد بدرب الذاكره وقع الاقدام
................ واسمع سراب وكل ما اجيه يزمى

ايامي ارض عشتها وارضي ايام
................ وبين الوجوه اغديت عمري والاسمى

بالما كتبت اغلى المبادي والاحلام
................ لا وا حسافه يالكتابه على الما

اليوم بس انثى الورق جابت غلام
................ وتوي قريت النور بضلوع ظلما

تسعين ليله بعثرت خزنة اعوام
................ شكرا لسلمى والف شكرا لسلمى



...قبل النهــاية ,,
بالما كتبت اغلى المبادي والاحلام
................ لا وا حسافه يالكتابه على الما
...
بيت ,, يستحق أن يسمى قصيدة ,, ولأنه فقط بيت يستحق ذلك ,,

 

[سعيد الموسى]

الخوف ظلما .. والقلوب أطفال
والشك سيفٍ .. يقطع الآمال
والهوى ملح الليالي .. وأجمل الأقدار
عنه لا تسأل حبيبي .. وفيه لا تحتار
العمر واحد .. والليالي قصار ..
[ البدر ]

 

[بندر الصقر]

[poem=font="mudir mt,5,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
قلبي اللي كن فيه الجمر جايٍ له وقايد = والله ان الجمر حرّه مايجي لو ربع حرّه
من جروحٍ بالضماير ماتضمدها الضمايد = لو يخيط الجرح مرة ينجرح مليون مرّة
طول ليلي ساهرٍ ما جيت زينات الوسايد = اتفكر وأتدبّر وأحسب نجوم المجرّة
كلها باسباب شعبٍ ذايقٍ غبن الضهايد = المجازر بالشوارع كل يومٍ مستمرّة
جيت بقرأ واتصفح في عناوين الجرايد = خاطري يوم اتصفح كل مقطع مايسرّه
والتقت عيني على اللي خلّت الدنيا الزهايد = عافت الدنيا واهلها والزمن حلوه ومرّه
جت تسوم أجر الشهادة عند من يعطي الشهايد = مؤمنة بالموت حق وبالقدر خيره وشرّه
علّقت حمر القنابل ماتبي حمر القلايد = علّقتها في حشاها روحةٍ من غير كرّه
وسّطت راس الفتيلة بين غضات النهايد = ثم لوَت راس الحجاب وثوبها قامت تزرّه
وحولت في وسط ناسٍ لا عهود ولا عقايد = فجّرتهم وارعبتهم والحقت فيهم مضرّه
عمرها عشرين عام وقلبها وقت الشدايد = صاملٍ صملة شهيدٍ عارفٍ وشهو مقرّه
رزّوا البيرق عليهم يا وسيعين البنايد = مالنا عذرٍ من الله لو نبي مثقال ذرّة
والله انا مانجنّب واليهود إلهم شرايد = يا نذوق الموت والا ترجع أرض القدس حرّة
يا محمد شارك اوجاع الضماير بالقصايد = قصةٍ مرت علي وقلت ملزومٍ تمرّه
[/poem]



فواز فيحان الصقر ..

 

[بندر الصقر]

[poem=font="mudir mt,5,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يقولون البقا براسك ! وانا جسمٍ بليا راس=يقولون البقا براسك! وانا فاقدك يا راسي
يقولون إحتسب وإصبر تحزّم في قوي الباس=ترى ببكاك تحرق ميّتك وتذكّر الناسي
وانا اونس غصّةٍ بالحلق منها ضاقت الأنفاس=تزود مع العذل وأحس كنّي بألفظ أنفاسي
أجمّع قوتي وأنا رقبتي في يدين الياس=وأقاوم ضعفي الواضح ورجاي مكتّفه ياسي
صرخت من الألم وشلون الملم وضعي المحتاس=ورجع يمي صدى صوتي يسوقه وقتي القاسي
أشوفك في وجوه اللي معي ياوالدي جلاّس= وأشمّك في حروفي وأحضنك في صادق إحساسي
وأهيم بغربتي وأشحذ جلادة من عيون الناس=ولا احدٍ حس بي وانا احترق في داخل لباسي
هدمك الوقت يا ضلعٍ لقيت بفيّته مجلاس=عقب ماني بظلك صار تحت الشمس مجلاسي
انا برثيك مير الشعر مايعرف ذهب ونحاس=قصر حرفي عن التعبير يا عزي ونوماسي
لعنت الحرف ليش انه قصر في الموقف الحساس=وصرخ بي دفتري : شقّت حروفك صدر قرطاسي
ابدعيلك نهار وليل يا نبع العز والنوماس=يحط بصفحتك ربي عملنا الزين انا وناسي
الا يارب وكّلتك غريبٍ مامعاه أوناس=طلبتك ترحمه وانت العظيم الراحم الكاسي
[/poem]



ناصر محمد الضويحي ..

 

[هيفاء الزامل]

صباح الرزق


صباح اشحذ فقر قوتي صباح الرزق مـن بـدري
نفض جسم الفجر شرشف نعاس وحلـم مترامـي

نهضت اغسل ارق نومي قلق خاوانـي بصغـري
وقمت اكنس من الشارع (بقايـا) احبـاط بايامـي

عشان امسح (وسخ) عثّر خطاوي كل ما تطـري
على دروبي تثاقلهـا الطريـق وحـارت اقدامـي

اخاف ان هدني وقتي وروّح مـن يـدي عمـري
يجي بعدي بشر كانـت امانيهـم علـى اوهامـي

لجل هذا اروح (اكرف) وازاوج فجري بعصـري
الين اصرخ من الضيقة يا انا يا انتي يا احلامـي

واذا حسيت بانفاسي ابـد ماهـي علـى خبـري
ابوس الكف واتحمد وانا ابنـي طوبـة اعوامـي

ولا استطعم من اللقمة الـى منهـا بـدت تسـري
سوى لا خالطت منـي عـرق ينـزاح بابهامـي

كفاحي يا بلـل ثوبـي /تجاعيدي/تعـب ظهـري
يا أسود برد لحّفنـي وطـاول ابيـض عظامـي

يا آه اللي مشى لكـن دروبـه عنـه مـا تـدري
يا آه الغيم لحظة ما يداعـب لـه جسـد ضامـي

هنا والارض بوابـة جـراح ومعبـري حبـري
ولقمة جوعي حروفي... وركض الرزق الهامـي

يصبرني على الممشا ويهيج احساس في صـدري
وكل ما جيت لي ارض ٍ كتبـت آثـار لحطامـي

يا نفسي وش ورى الدنيا اذا كان المـدى قبـري
وانا فـي كـل تنهيـدة اشـوف المـوت قدامـي

واذا كان البشر تفهم .. وش اقصد من ورى شعري
تطير ارواحها من قبـل تاصـل لحظـة ختامـي

مسا..أشحذ فقر قوتي .. متى موتي يجـي بـدري
واصير بجانب احلامـي جسـد للنـاس مترامـي


* حيدر الجنيد *








.