( فاهم غلط )

[علي المحمد]

باكر ان شاء الله بقدر الضغط ... تصبحون على خير

 

[علي المحمد]

ياعاااالم راحت حياتي اوراق صغيره .. جيوبي مليانه
.. كل ظهريه وبعد صلاة العشاء ، ورقة مقاضي الظهر
مع ورقة مقاضي الليل والقلق اليومي ..
عارفين المشكله وين ؟ ... المشكله اني اقرأ طلبات مالها داعي بس مجبور اجيبها
... دراق / طماط/ بقسماط/ برغل / ؟؟؟
واخرتها ما نلقا على السفره الا كبسه وان سوينا انفسنا كنديين حطينا فجل هههههههههه
طيب هالبقسماط وام عثمان وبقية الاسامي الصعبه لمين طبعاً لخواتك اذا جو عندك يوم الربوع
وانا ياغافل لك الله يطقني الجوع
مع ابوشايع وابوعبدالله وان سوينا فيها فجور وكااااااش ارسلنا حنيف
يجيب بروستد وتهاوشنا على الثوم ههههههههه والمدام مع خواتها
يتنعمون من خيري ومن تعبي ومطامري في البقاله مع ورقة المقاضي

مره سويت نفسي ذكي وبعد ماخلصت مقاضي لزوجتي يوم الاربعاء
قلت بروح للشباب .. واجي البيت بدري واحصل خواتها عندها وتوهم حاطين العشا ... كااااارثه .. اخيرا شفت ورقة المقاضي صدق ..
لقيتهم حاطين سفره طويييلة بدايتها في المقلط
ونهايتها عند ساكو اللي على طريق القصيم
الى درجة انهم حاطين سيكل جنب السفره علشان اذا وحده بغت صحن
من طرف السفره يمديها تجيبه .. والقا لوحه مكتوب عليها
( السلطه 60 كلم ) ههههههههه مافيه شي ماهوب على السفره
ماناقص إلا بطل بلاك ..
المشكله ان زوجتى تعاملني على اني معلمة تدبير وعندي خبره وانا والله
ما افرق بين الملوخيه والكزبره تقوم تكتب لي مره في الورقه

كيلو كنافه كذابه هههههههههههه تروعت واخترعت وش هذا الكنافه الكذابه , ؟؟ هو انا اعرف الصادقه اصلا عشان اعرف الكذابه .؟؟
المهم رحت البقاله مالقيتها اتصلت بصديق قال رح لمحل حلويات
.. واروح ونسيت اسمها واقول لراعي المحل عطني كنافه نصابه هههههههههه هه ناظرني بأحتقار وعطاني اشكل بدل مايعطيني كنافه .. في الاخير رحت عنده وقلت ياااخي معليش

انا نسيت اسمها بس انها كنافه
ماهي مضبوطه يعني كنافه كافره وبتروح النار<< ضحك قال قصدك كنافه كذابه قلت ايييييييييه هذي هي ابي منها كيلو .. زحمه وكنافه كذابه واخرتها قطعة خبز لاعبين علينا وحاطين عليها شيره هههههههههه ..

وكله كوم ويوم خذت اختي في المدرسه طريقة عمل المكرونه بالبشاميل سرى يومنا ماغير ناكلها الى درجة ان ابوي اضافها في دفتر العايله لانها صارت جزء من العايله ووحده مننا .
الله يحفظ الوالده .. ورقة المقاضي حقتها ماتتغير علشان كذا مانرميها
انا حاطها في المفضله لانها هي نفس الطلبات كل يوم بصل/ طماط/ رز/دجاج/خبز/ واذا بغت تسوي نفسها كيوت استبدلت البصل بثوم واذا ملينا
وبغت تجدد فيها حطت الرز قبل البصل والخبز قبل الطماط والله اني عشت عمري كله وانا نفسي اكل شي جديد وخاصةً هذا اللي يقولون له اومليت
ما اعرف الاومليت الى درجة اني سكنت في فندق علشان في القائمة اومليت مادريت انه بيض الله يقلع ابليسهم على تسمياتهم ه

المشكله ماعندهم رحمه ... درجة الحراره في عز الصيف الف وانت تطامر من محل الى محل وبمعية سموك ورقة المقاضي لو تجيب المركز كله وتنسى شي بسيط قامت القيامه ولازم ترجع وانت اصلاً شرير ولاعمرنا شفنا منك شي يابخيييييييل و و و و .. وياعيني على استخدام التقنيه ..

ورقة المقاضي صارت من العصر الحجري
الحين تجيك المقاضي مسج على الجوال والله اني ابغا اصيح اذا قريت رسايل
جوالي ورسايل جوال اخوياي العزوبيه ..
كل رسايلهم ( عندما تشرق شمس يوم جديد اذكرك .. )
( كفاني ان جنح الليل يغشاني ويغشاك .. )
( الله على الجمس لولا وارد الستين ) << رسالة داخله بالغلط خويته ابوها شريطي ههههههههههه
وانا تعال شف رسايلي ( حليب سريلاك .. )
( ارجع بدري نبي مويه ) ( وانت جاي جب اعواد اسنان )
اعواد اسنان في نص الليل شلون الاعذار بس !!!!

وانا من اول كنت احسب البندوره هي البطاطس ههههههههه

كتبت هالموضوع ومعي كالعاده رفيقة دربي ورقة المقاضي
طولها حوالي 7.12 متر ويوم دخلت المركزوالقاه زحمه وانا اللي تصعب
علي نفسي واتمرد واشق ورقة المقاضي وارسل للمدام رساله
اقولها اني تمردت وقطعت الورقه ...
جزاها الله خير تفهمت الموضوع بشكل حضاري
هههههههههه ههههههههه

 

[علي المحمد]

لا اريد ان أتعلق بذكرياتي الجميله هناك

كل ما أريده أن لا يتسبب ما أراه من فروقات بفقدان عقلي .

الجو كفيل بمضاعفة الصدمه ... حر و غبار و رطوبه ومع هذا نشرب الشاي في رابعة النهار

حتى الشاعر عندما يبدأ قصيدته بـ ( يا طير وصل سلامي )

يرد الطير بكل عفويه : وصل السلام إنت لو تموت ما طلعت بهالحر

تصبحون على خير و نسمة هواء بارده ورحمه من رب رحيم

 

[علي المحمد]

 

[علي المحمد]

المعنى الحقيقي لكلمة ( الدنيا دواره )

 

[علي المحمد]

أحياناً الوالده الله يحفظها تفكر مثل القذافي

تقول : تعال بسرعه بس لا تسرع

 

[علي المحمد]

الآن بإمكانك التطعيس في الهواء

مع صيف الرياض مش حتقدر تغمض عينيك

 

[علي المحمد]

باختصار مافيهم حيله