ليش زعلانة جذي شلي حصل
مركبك طبعان والا ما وصل
....
لا تحاكيني ترى دمك ثقل
هذا مو شهر العسل شهر البصل
....
ذيك الساعة يا امون
لما احفادنا يكبرون
....
واحنا وقتها شنكون
.....
نأكل البصل مطحون
قومي يا امون
شوفي التليفون
ولما ترد على الهاتف تفرح بوالدها وهو يسأل عنها ويهاجم الزوج والد زوجته فيقول:
لا تلوميني ترى مومني
هالتصرف صار غصبن عني
وابوك يوم اني اخطبك جنني
......
لوما تفكيري وعقلي...
......
كان ولد الكبش خيّب ظني
ويروي لها قصة خطبتها وحواره مع والدها الجشع على حد قوله فيقول:
ابوك يا عمري عسى عمره مطول
يوم رحت اخطبك منه قام يحوس
قلتله وانا على خبرك خجول
الزواج الحب مو زود الفلوس
قام يحقرني ويقول انت مهبول
يا يني يا الهيس تعطيني دروس
لو تنقص فلس واحد ما قبول
ما يفيد بها الزمن غير الفلوس
قاصره يحطك ويصيح كم اقول
كم اقول بكم هالبنت العروس
وتتدخل الزوجة لتلطيف الجو مع زوجها فتقول له:
المهم انى عطيتك خطة من راس عاشق عند ابوي ارهن بويتك وامي تقنعه ويوافق وافق المسكين ليتك تعذره
ما كان واثق
ياب الفلوس وعطاني اياهم
كانك تبيهم تراهم كاهم
قوم ودهم
فيرد بقوة
والفوائد ما هم
لازم فلوس الربا وياهم
ويبدو ان مشكلة بناء البيت تؤرق المواطن فيشكو لزوجته:
بيت ناقصه بنيانه هدني
رحت للبنك ابي سلفة وما وهبني
قال لي وين ورقة البيت يا ابني
ولما راح يتحدث عن والدها لاحظ انها عادت غاضبة فيحاول ارضاءها:
ليش وجهك صار مرعب
ليش يعني محاربتني
فترد عليه:
صار لك ساعة تعيب
ناسي أمك يوم يتني
ويم يات البيت لامي واخطبتني
وتكمل قائلة:
الله يا امك واي يوم انها اشبكتني
يعني بتسلم علي وخرعتني
وامردتني ومرستني وقرصتني
قمت اصرخ يما فكيني اذبحتني
ما كفاها كل هذا وغافلتني
حطت ايديها بشعري وامشعتني
كان ادزها
لولا امي يوّدتني
كان امشعها مثل ما مشعتني
ويؤكد لها ان امه لم تخبره بما فعلت فتؤكد له انها قامت باختبارها فيغني لها:
وافحصت روحك اذا روحك هوتني
ولا قلبك
فتقول له ولا حتى سألتني
فيغني لها
والله ما قصرتي يا يما
فحصتي لي امينه
البدي كله تفحصينه
وتخلين المكينة
وكي ترد له ما قاله عن والدها عادت لتذكر ما فعلته امه فتقول:
امك اللي تقول عنها ما تعيل
قاعدة وحق التنقز طارقة
ناشبتني
ليش شعرك مو طويل
ليش يا ابنتي خدودك ناشفة
وهي ليش انها بو تمبه وكنها فيل
عاد تسألني علامك ضاعفه
امك اللي انشاف منها مو جليل
عن الكلام الزين امك حالفه
مستحيل انسى فعلها مستحيل
عندها يحاول ان يخفف من وطأة الامر
فيقول لها:
ذول ناس كبار مثلك عارفه
وانا وياك
اجمعتني العاطفة
ما تفرقنا سوالف هايفه
وكان زعلانه وراسك ناشفه
انا اسف
فترد عليه
وانا ايضا آسفه
صوره مع التحيه لـ العالم