بدر عبدالمحسن

[فالح مشهور]

أنا معك .. هذا المهم .. أنا معك
لا صرت أشوفك وأسمعك ..
باكر متى صار الألم .. ليل وبعاد
اتذكرك فوق الدموع .. كثر السهاد
وجهٍ أحبه .. وابتسم ..
هذا المهم .. !!

أنا أحب .. هذا الأكيد ..
وانتي معي .. وهمي بعيد
ما افكر بلحظة تجي .. وما افكر بلحظة تروح
بيت القصيد ..
وش هو الهوى ..
لوماعشقناها لجروح
ذبنا هوى ..
ابي أحبك للعظم ..
وجهٍ أحبه .. وابتسم ..
هذا المهم .. !!

انثر مواعيدك على باقي العمر ..
واسقي بمواعيدك .. ظما رمل العمر ..
خلك مطر دايم على صدر الجفاف ..
ساعدني لا اشكي ولا أيأس واخاف
انا الصبر .. دامك وفا ..
وانتِ احب .. وصل وجفا
لجلك انا وجه واسم ..
وجهٍ أحبه وأبتسم ..
هذا المهم !!

 

[ميــرال]

وين تبدا هالمدينه

وين تبدا هاالمدينه .. كل يوم ..
من رصيفٍ عاريٍٍ تحت النجوم ..
من عناوين الجريده ..
في المواني .. وحمرة عيون المسافر ..
ضحكة الصبح الجديده ..
أخر اوراق التذاكر ..
اوبعد حبر الختوم ..
وين تبدا هاالمدينه .. كل يوم ..
ودي اعرف هاالعواصم ..
وأبي ابدا من يديها ..
ودي انزع من اصابعها الخواتم ..
قبل لاسلم عليها ..
ودي تجمعني بها لحظه حميمه ..
وين تجلس هاالمدينه ..
في العماير .. في الدواير ..
في الدكاكين القديمه ..
اوتحت اهدابك انتي ..
في صدري احساسٍٍ شهي ..
لو يدوم ..
وابي اعرف وين تبدا هاالعيون .. وتنتهي ..
كل يوم ..؟
مدري وش سر العوصم .. والمداين .. والعيون ..
ومدري وش سر الجنون ..
اني اعرف ..
انتظرتك في محطات القدوم ..
وفي مواعيد السفر ..
صك شباك التذاكر ..
وانمحى حبر الختوم ..
وما عرفتك ...


ــــــ




..
ودي انزع من اصابعها الخواتم ..
قبل لاسلم عليها ..
ودي تجمعني بها لحظه حميمه ..
وين تجلس هاالمدينه ..
في العماير .. في الدواير ..
في الدكاكين القديمه ..
اوتحت اهدابك انتي ..
في صدري احساسٍٍ شهي ..
لو يدوم ..
وابي اعرف وين تبدا هاالعيون .. وتنتهي ..
كل يوم ..؟
مدري وش سر العوصم .. والمداين .. والعيون ..

 

[ميــرال]

دروب الأرض

دروب الارض ..
توصلنا الاماكن وترجع !!
ويكفي هالسفر عذروب
بأن الارض ما تقوى الهروب ..
دروب وغير الارض
وين بتروح تسافر..
كان الصوت يرجع للحناجر ..
كان الجرح يرجع للخناجر
مثل كل الطيور اللي تهاجر
وترجع كل مرة
تعب هالبحر لا يجتاز
جدران السواحل
انا لي سنين راحل
حملت الطين
كله .. لكل الطين
قلي يا انا
الى متى وانت
على هذا الأنا مصلوب
دروب الأرض .. لكن

 

[ميــرال]

يا زمان صدفه

ولا قلبي يحب الموعد اللي
تركته للزمان صدفه
ولا عيني تحب الدمعة اللي
يمنيها الهوى بعطفه
وانا مابي..
حصاد الموسم المرجي
ولا أظن الأمل ينجي
حطام المركب الغرقان
كفايه توعد الولهان فاكر يا زمان
يا زمان صدفه
حبيبي عمرنا لحظات نعديها ولا ندري
ويكفينا الذي قد فات كفاية يا بعد عمري
وانا مابي ..
حصاد الموسم المرجي
ولا أظن الأمل ينجي
حطام المركب الغرقان
كفايه توعد الولهان فاكر يا زمان
يا زمان صدفه

 

[ميــرال]

نبض الحب

[poem="font="simplified arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
كل حبٍ تغير وانمحى = مـن حـنـايـاك يالـقــلـب الـقــديـم
كود نبض على وضحى صحى = أول العمر يوم اني فطيم
لامني الشيب .. وابعدني السحى = لا ارتمى فوق هالصدر الرحيم
أعشق الوضح لاجلك والضحى = وضوح برق الوسامى في العتيم
اقبل الصبح والليل انتحى = ابشري بالفرج والله كريم

[/poem]

 

[ميــرال]

أحبابك سروا

مابه احد غيري يابنت.. احبابك سروا..
لاتسأليني تغيروا.. يمكن نسوا او مادروا..
ياحلوتي ضاع الوعد.. وباكر بعد..
مري على دروب الجراح.. وتلقين احد غيري..

بالله لاتبكين عندي.. والى رحتي سوى اللي تبين
مالك عزى.. فـ قلبي الحزين
محتار انا اسكت.. ومدري ايش اقول
لاني سبب جرحك.. ولاعندي الحلول
لكن ابوصيك بصبر.. لابد للغايب عذر
وياحلوتي ضاع الوعد.. وباكر بعد...
مري على دروب الجراح.. وتلقين احد غيري


غطي سنا خدك بشال الليل..
وغيبي ياشمس اللي ضيها لغيري..
اه .. لو تعرفي وش كثر انا احبك.. لو كنتي تدري بي
ياعيونها السود.. مابه احد موجود.. غيري انا الموعود
جرحي.. وتعذيبي..
ياحلوتي ضاع الوعد.. وباكر بعد...
مري على دروب الجراح.. وتلقين احد غيري...

 

[ميــرال]

طريقنا واحد

طريقنا واحد ..
امشيه .. معي ..
أحباب .. كانك تبين ..
أصحاب .. اللي تبين ..
يكفي متى .. ما توصلين
تتذكرين ..
إنك حزينه .. وانا حزين

كافي كلام ..
مابي .. وعد ..
أو التزام ..
طريقنا يمحي الظلام
نمشي مسافات الرجوع
ودرب الهوى كله خضوع

ارمي الجرايد والهموم
لا تجبري عيونك تنوم
لا واسمعي همس النجوم
وهم الوداع .. وكثر الحنين
وكافي كلام .. مابي وعد
أو .. التزام

 

[ميــرال]

بسمة الضي

[poem="font="simplified arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

أنا حبيبي بسمته تخجل الضي = يكسف سنا بدر الدجى من جبينه
راعي العيون الناعسه رمشها فّي= وإن سلهمت ذاب الحشا من حنينه
له نظرةِِ لا هي سَرابٍ ولا مَيّ = راعي الهوى تفنى وراها سنينه
نور الصبايا .. بسمة الدّار والحيّ = نوره ولا شمس الضحى تستبينه
دامه معي أغلى الحبايب فأنا حّي = بالقلب أضمّه يوم قلبي ضنينه
له في ضميري من لهيب الوله كي = روحي معه عذب المناجى رهينه
ياصاحبي لا تنشد الروح عن شيّ = أنا حبيبي .. نور كل المدينه


[/poem]