أحاسيس منثورة ,,

[نور]

ليت الوجع بعروق قلبي ولا فيك
وليت المرض غلطان ساهي ولا جاك

لو الدواء بضلوع صدري لأداويك
وأطحن جميع ضلوع صدري فداياك

 

[نور]

باودع الـمـاضي معك ..في كل ليل ,,, بامـوت واعلـن في مـماتي ... مولدي!!!!

 

[نور]

البتول

كـل أرضٍ تشيـلـك يــا ثقـيـل الحـمـول

وكـل وقـتٍ كـريـمٍ بالـرضـا والـزعـل

وين مارحت تلقى لـك حبيـب وعـذول

ويـن مـا كنـت تلقـى مثـل ياسـك..أمـل

ياطـريـق التـرجـي والـولـه والنـحـول

والله إنـي مشيتـك... لـيـن حــد الثـمـل

مالقيت فوصولي لغيـر قبـري وصـول

ولا عرفت فحياتي مثل عرفـي الجهـل

لا تظـن المسافـر مـن يسـوق الرحـول

من وقف دون حلمـه عاجـزٍ مـا رحـل

وما لمخلوق منجا في الحذر والجفـول

مـا تصيـب السهـام ولا يطيـش الاجـل

الليالـي خـوات.. مـيـر منـهـي البـتـول

والحـوادث عشايـر ميـر ويــن الفـحـل

ليلـةٍ لـك .. وليلـه بالفـرح مــا تـطـول

وليـلـةٍ مــن شهـدهـا ذب راس الجـبـل

أتذكّر فـي عيـن الشمـس طفـلٍ خجـول

شالتـه فـي هدبهـا وقــت لـيـن إشتـعـل

أعجب الناس وهجه بالجدل والفضـول

ما دروا عن (جمال الجرح) لين إندمل

والله انـي كتبتـه فـي العطـش والذبـول

ليـن غصنـه تـعـدل بـالـورق وإعـتـدل

والله إنــي كتبـتـه لـيـن قــال الجـهـول

والله إنــي كتـبـتـه وانـتـشـى واحـتـفـل

ما أتفه الشعر كانه هالحكي اللي نقـول

لا تـعـدى المـديـح ولا تـعـدى الـغــزل

إن لثمت الزهـور وصاحبتنـي الحقـول

ماهقيت ان صافي الشهـد عيـب النحـل

مابقى في ضلوعي كـود ريـح معمـول

وثـوب شـاشٍ عليـه مـن الندامـه وحـل

ألتفـت للطريـق ومـا عـبـر مـنـه زول

فـي جفونـي تزاحـم عبـرتـي والـوجـل

طـلـت يالعـمـر والا قلعـتـك لا تـطـول

طاولـتـنـا اللـيـالـي بالـسـهـر والـمـلــل

إن تعـبـنـا نــحــب ولا لـقـيـنـا قــبــول

مـا تسـر الامـانـي .. ولا يفـيـد الـعـذل

لـكـن .. الله كـريـم وكــل هــمٍ يـــزول

ما علـى الله بعيـد .. ولا جفـاك المحـل

كـل أرضٍ تشيلـك .. يـا ثقيـل الحمـول

وكـل وقـتٍ كـريـمٍ بالـرضـا والـزعـل

" البدر "

 

[نور]

اتعذر

مو غدرك اللي خلاني أتكدر
ولا هجرك
اللي فتح جرحي
وبدل جفاف الجرح طري أخضر
لكن طيبتي وياك
وقلبي اللي سكنته هم
واللي كان من ليل الصبر أصبر

من أول يوم عرفتك فيه
اكتشفت اني
أعيش كذبه
وقلت للروح ... يا روحي
صبرنا سنين خلينا بعد نصبر

انكشف زيفك
قناعك وانحسر عنك
والكذبه اللي عيشتني فيها
بانت كل ملامحها على وجهك
اشياءك ... عفوا )سخافاتك )
اللي حاولت عن روحي تداريها
صارت واضحه... بعيني بدت تظهر

تصنعت العمى وياك
داريتك
دفنت اخطاءك بروحي
وكنت ابلع مسافات الحذر والخوف
وقلت الشمس مهما تختفي ترجع
وشحوب الليل
يصير نهار ويتغير

دفنت الحزن بعروقي
كتمت الغيض
شكيتك للذي سواك
وقلت يااااااااا رب
عطني من الصبر أكثر

اقول لك يا.......
ليش اليوم متغير
تقول لي .. يا بعد روحي
ظروفي ما تقدريها؟
تراني مبعدن عنك غصب عني
مو بيدي انا مجبر

ابتسم...
تسخر روحي من روحي
واغرق في بحور الشك
أموت... أحيا
أقوم... أطيح.. أتكسر

صوت بداخلي يصرخ
يلون حلمي الوردي.. رماد ونار
ويزرع في مدى عيوني
ضباب وغبار
يصحي نومي السهران
يفز الحلم... رجفه وخوف.. يتحسر

حسافه.. جفاني النوم
وانا والسهد واحزاني تصادقنا
وصرت ادور في دوامة الذكرى
حروف اسمك..
سهام توقف وسط صدري
احس بلوعة الفرقا
وعبراتي اغص بيها لا تنزل ولا ترقا
تمرمرني عذاباتي... تصير أكبر ... تصير أكثر

خلاص يكفي
كفاني غدرك وهجرك
كفى عشتك أنا كذبه
خلاص دنياك في عيني بدت تصغر

خلاص علقت انا حبك
جسد مصلوب.. على بوابة الذكرى
على حبك ترى قلبي مهو مجبر
ولا عاد العمر يكفي
يعيش اللي بقى منه
عذاب وخوف
ولا ليل الصبر يقدر
يشيل الهم واحزاني
وعلى فرقاك يتصبر

لا ترجع .. تقول اخطيت وتتعذر
عذرك قبحه ذنبك
وانا ذنبي... اني في يوم صدقتك
يا ليت قلبي
على حبك ..
لو لحظه يسامحني
لضل ليلي مع نهاري
ابكي له واشكي له
ندم ودموع
واقضي ما بقى بعمري
أتعذر... واتعذر .. واتعذر.

" الرائعة : منتهى القريش "

 

[نور]

قسيس يحاول تنصير طفلين مسلمين...انظروا كيف ردوا عليه

.

.

.

.

.

.

للمشاهدة

.

هنا

 

[نور]

كان من بد البشـر للعيـن قـره

شوفته يا مـا اتشفقهـا شفاقـه


بينـي وبيـنـه غــلا لله دره

مخترق قلبي و يا حلو اختراقـه


ومن غيابه تشتعل بالجوف حـره

أنكوي من نار قلبـي واحتراقـه


التمس عذر الجفاء سبعين مـره

هذا من باب المـوده والرفاقـه


و لا أحب ابحث وراه ولا أتشره

ما يدب الشك في أطيب علاقـه


و أتساءل من على الفرقا يجـره

كن ما بيني ولا بينـه صداقـه !


واى ظروف بطقة إصبعها تفـره

من اخذ قلبه وأنا وسطه و باقه ؟


الغياب اللى اخذ خيـره وشـره

بسبته اطلقت من روحي وثاقـه


من يصد اصد عنّـه مـا أمـره
من يبي فرقاي ... يسعدني فراقه





" أخوي : محسن الدويخ "

 

[نور]

لولاك تسوى ما عطيتك خفوقي !!

 

[نور]

أبشرك ! وجه احزاني ضحك لي // ,,// وانقفل بابك // !!

" الصانع "