اششـ/ـــخاص

[ماجد العيد]

شوهد لآخر مرّة أمام مكتب جمعية خيرية ..

[poem="font="simplified arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]هم أدلجوا هالدين=العُلّم .. البُصّر
زادوا على المسكين=و الأخ ما قصّر
عاطل ثمان سنين=و كوخه امتلى قِصّر
حورب من التوطين=لا غوث لا نُصّر
حال البَعَض تسمين=حَالَه كذا مْخَصَّر
مخّه تلف تدوين=من كثر ما عَصّر
مذكور في برلين=و الظاهر اتنصّر !![/poem]

 

[ماجد العيد]

في مصلّى أحد الدوائر الحكومية ..

[poem="font="simplified arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا هالتقى اللي مرّ في صدر عبّاس=ياكل و يشرب من فتات الرشاوي
صاير إمام و لا رفع تسجد الناس=ما ألومهم من حرّ بعض الدعاوي !![/poem]

 

[ماجد العيد]

*مع أحد الكدّادين ..

يشيل الشنطة بحضنه ..
يتشبّثها ..
كذا هو مهتري أمنه ..
على حلمه ..
و إذا للجدّ ..
ما في الشنطة إلا ثوب ..
و بطاقة بـ تعرفة اسمه ..
يتشبثّها ..
مـَ هو من خوف ..
و لكن سبّة الزحمة ..
يتشبّثها ..
و يسير المتعب فـ مركب ..
بليّا ريح !!
عكس ما قاله الشاعر ..
و غنى قوله المطرب ..
يسير بـ فكره الوادي ..
عيونه ترسم الحيرة ..
يطوف بـ فقره الأشياء ..
كأنك يا الشوارع غير !
كأنك يا المسافة غير !
كأنك يا الكسافة غير !
كأنك يا .......
و يقطع فكره السايق ..
( أخونا خير !! )
وصلنا من زمن ..
انزل ..
عسى ما لك غرض غادي ؟
يتنهّد قلبه يتمتم ..
" كأني فاقد بلادي !"


يزمّ الشنطة و يمشي ..

 

[ماجد العيد]

فكرة خشيت عليها من الضياع لمرورها سريعاً

أقبولها كما هِيَ

يمدحه ..
كم كانت الفرصة كبيرة و سانحة ..
يمدحه ..
كم بانت لـ عينه ( المطالب ) واضحة ..
يمدحه ..
ما كان قصده قول حق ..
و ما كان في قوله صدوق ..
كان الغرض ..
( كم يمنحه ؟ )
يمدحه ..
أثنى عليه فـ بادئه ..
إنّه العظيم بـ هيبته ..
و إنه الكريم بـ طيبته ..
و إنه يقينه .. ريبته ..
و إن له من النظرة دها ..
اللي الوطن من بعدها ..
أعلن دواعي خيبته ..

يمدحه ..
أحضر لـ ذكره مسبحة ..
و لولا أنه نجس و لا وضوء ..
أمداه كبّر له و قرا له الفاتحة ..
يمدحه ..
من وابل الأوصاف ..
طاف و سبّحه ..
الواثق المولى المهاب ..
الصادق الأعلى جناب ..
الخالق المحيي الأمم ..
الفالق الباذر نِعَمْ..
الرازق اللي تسكب يدينه سحاب يسبّحه ..
الأعظم اللي ما ذكر ربّي ..
بزوغه في الكتاب و وضّحه ..
يمدحه ..
يمدحه ..
يمدحه ..
حتى دنا له و صافحه ..
يشكي و هو دامع ..
هذا الزمان العَـزْق ..
يتألّه السامع ..
.
.
يفتح له باب الرزق !

 

[ماجد العيد]

لَبْس ..

خذا عمره ..
طاف بـَ البيت الـ حرام ..
سعى ..
سعى ..
سعى ..
أذّى الرخام ..
حتى حَسَم أمره ..
دعا ..
وصّى عليه بـ الحَبْس ..
.
.
.
خذا عمره !

 

[ماجد العيد]

في مدرجات أخرى .. مكتظة بي ..

ودّعوه ..
كان لاعب و اعتزل ..
ما قِدَر يِكْمِل مسيره ..
و لا قدر يحفظ عطائه ..
و إن بِدَر في الأمر حيـرة ..
ما رضى يكشف غطائه ..
إن كان زلّ ..
و ضيّعوه ..
كان لاعب و اعتزل ..
ودّعوه ..

كان لاعب ..
له من الشهرة الكثير ..
و له من القدرة الكثير ..
محترف ..
له كثير مشجّعين ..
أعلامهم بـ اسمه ترفّ ..
و له كثير مطبلين ..
و له كثير من القرف ..
و الغريبة رغم عمره ..
اللي تطاول فيه أمره ..
شجّعوه ..

ملّ مال ..
و ملّ شهرة ..
ملّ حال ..
و ملّ عمره ..
و انعزل ..
و مثل حالة أي لاعب ..
ودّعوه ..

كان لاعب ..
تشهد لـ فنّه الملاعب ..
كان قائد ..
كان في ه الفن رائد ..
بس خسارة ..
جت له اللحظة الأخيرة ..
و الحزينة ..
و ودّعوه ..
كان لاعب ..
.
.
كان لاعب في الخزينة ..
.
.
بس تدري ..
رجّعوه ! ..




قلت تدري يا ولد ..
كل لاعب ..
له مكانة بهالبلد !

 

[ماجد العيد]

يسرق ..
لأنه ما انعرف يعرق ..
لأنه ما يبي يعرق ..
لأنه لا سرق يعطي ..
و لأنه لا عطى ..

فجأة !

يصير الطاهر الأصدق !

و يغرق ..
يمطر هـ الذنوب أعوام ..
و لا يَنْبَه ..
لأنه من كثر مدحه و إعلائه ..
جهل ذنبه !
لأنه بحكم من آمن ..
أحقّ الناس بـ الجنّة ..
لأنه هَدْهَدْوْه البال ..
قبل لا ينام ..
لأنه لا سرق عادي ..
مدام إنه بنى مسجد ..
و كفل من رحمته أيتام ..
لأن الله ..
كذا غفّار ..

***

يعرق ..
لأنه ما انعرف يسرق ..
لأنه ما يبي يسرق ..
لأنه لا عرق يصرخ ..
و لأنه لا صرخ ..

فجأة !

يصير الظاهر المُنْشَق !

و يغرق ..
يَسْطِر هـ الهموم أعوام ..
على تَبَّه ..
لأنه من كثر صدحه و إملائه ..
جهل ربّه !
لأنه بحكم من آمن ..
أحق الناس في هـ النار ..
لأنه زَعْزَعُوه البال ..
قبل لا ينام ..
لأنه لا عرق عادي ..
مدام إنه انكتب عيشه ..
و جفل عن زينة الأحلام ..
لأنه لا استمر طيشه ..
و رفض من حالته عيشه ..
يكون الكافر بـ ربّه و بالأقدار ..
لأنه ..
سيدا سيدا يروح ..
على هـ النار ..
.
.
.
.

يا شيخي بعض فكرك عار !

 

[ماجد العيد]

[poem=font="simplified arabic,5,gray,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
رصيف جهل و جدار أمتار و مرجّج=بخّاخ بوية و يحلى الفكر لِـ مْصَعْلَك
إن غاب حارس لفوا من غيّهم لُجَّج=و آشدّ بغضا عداوة شخص يفتعلك
هو غاب عنهم هميرك عذب و مثجّج؟=أو غاب عنهم سنا هـ النجم لا اشتعلك؟
طافوا كأن الوطن مخذول و مدجّج=ما كن فينا حماسة حق تشفع لك
أشرفهم اللي عن الأوغاد يتحجّج=و أطرفهم اللي كأنه منشغل يعلك
إن كان أجّجت شارع صعب يتأجّج=أقولها بـ صدق يا طيبك على فعلك
إلى متى باسم رؤية دين نتهجّج=حيّاكة الكذب كل شوي تطلع لك
يا طاهرة شالتك ألواح هـ الفُجّج=يا عاهرة حالتك إيضاح من بعلك ؟!
شنّوا ورائك قلم مأجور و مدجّج=ظنّوا شرائك بـ نظرة سخف تدفع لك
عادوا بلا شيء إلاّ ... سحنة مرجّج=جمعٍ توارى و جمعٍ راجع بْ نعلك !
[/poem]