بدون عيون .. !

[طلال بجاد]

.
.
.


مابه غريب إلا أنا
............ ولاّ أنت ماظنّي غريب
ياصاحبي هجرك جنا
............ موتي وفرقانا نصيب
البارحة :
.... جيتك سنــا
......... والورد ضلعين ورطيب
أعطيتك عيون وغنا
......... وأخذت ممنوعك وعيب!
ياعيب والواقع فنا
............. والطيب عيّا لا يطيب
خذني أبـ آعيش بهنا
.......... وأعرّي الدنيا وأجيب!
شمسٍ جديدة لي أنا
........... لا شافها نورك يغيب !

 

[طلال بجاد]

.
.

محاولة مائلة .. والإهداء لـ :
- الدكتور حسن يوسف (بحكم العيش والملح اللي بيننا).
- مقرر التفاضل والتكامل.
- خمسة أترام ماضية.
- وعدد غير معلوم من الأترام المقبلة.



منقلة .. فرجار .. مجموعة دفاتر
............... والقوانين الرياضيّة تصيح...!
إن تفاضلت المشاعر صرت واتر
........... وإن تكاملت الأماني صرت ريح
كيف أبقوى والجسد يادم فاتر
.... والدهر : كذاب .. وإحساسي صريح
والهوا : ملعون .. للتفكير باتر
................. والإقامة : كل ماقامت تطيح
"جيت لك" للبرد فيني ألف ساتر
......... رحت من عندك وأنا دفئي جريح
صرت أشوف الحزن بعيون السساتر
............. أبتسم ويشوفن البسمة نويح
تاهوا بـ دائي أطباء ودكاتر
...... كل من جيته يقول أصبر : وأطيييح
صاحبي .. شفني عن الناس متغاتر
... قال ضيقي للفرح : "روووح إستريح"
الجسد .. فيه المرض صار متواتر
.......... وأنت : لحّقته بـ"روح" ومسترييح!

 

[طلال بجاد]

.
.


الشواطي ليلة البارح حزينة
ــــــ (وين راحت.؟!) أربكتني بالسؤال
مادرت إنّي تبلّيت المدينة!
ــــ (كيف راحت.؟!) (ليه راحت.؟!) ياطلااااااال!
(وينها.؟!) عمري بدَت تذبل سنينه
ــــــ (وينها.؟!) ضيقي ترا بالجوف سال
الألم .. بانت سماتي في جبينه
ــــــ الندم .. صرت أعشقه حد الخيال
العنا .. أمسيت له حسبة ضنينه
ــــــ الأنا .. ماعدت ألاقي به ظلال
والـ (طلال) بدونها زايد ونينه
ــــــ ودّه إنه يستقلّ بأي حال
مات مدري موت مدري ياثمينه
ــــــ الأكيد إني تعدّيت الزوال
صمتك أزعجني وأبيكِ لو تبينه
ــــــ بس لحظة إهجرِ الصد بـ وصال
رجّعي للبحر نكهة ياسمينه
ــــــ وإخطفيني لليقين من الضلال
عصفريني في سماكِ والمدينة
ــــــ لجل ألاقي فيك يا (روحي) طلااااااااااال

 

[طلال بجاد]

.
.
.


ليه رحت
وليه جيت
و
وين رحت
ووين جيت

كلها اربع ثواني
ويمكن (إ)تسمى حروف
قلتها لك ثم غفيت
بعدها صديت
تبتعد ويـّـا الثواني عن عيوني لين جيت
وقلت لي :
مشتهي تاكل حروف .؟!
وتكبر أكبر !
وكل حرفٍ فيك يصبح فيني أشعر !
قلت أنا لك :
مشتهي آكلك كلك
وآكل حروفك معك
لين ما عيني تحرر من قيود الصمت وطعون السؤال
لين ما انسى كل همٍ من قلوب الناس زال
ايه زال
ومن سنييييين
ومن سنين إحتلنا ومازال
بين قلبي والحديد
الحديد اللي بكى منه الحكي
"والحكي كله قصيد
وإن سكتنا قصـ .. ايد"

قصـ .. ايد ودمع

دمع عين
ودمع أرض
ودمع شارع
ودمع معنى في جبين الحرف خاشع

شفت كيف الدمع ويّـا الهم عاني
جايلي كله حماس
ومندفع
لجل يغتال الأماني
والأماني قبل وصله ميّته
مابقى منها سِوا أربع ثواني
ويمكن (إ)تسمى حروف
وعمرها بيديك حبيبي !
بثّ فيها الروح رد
خل همي يبتعد

وخلني آكلك كلك
وآكل حروفي معك

 

[طلال بجاد]

.
.


... وإبتسمت
ومات في جوفي طفل !
وإنجبر بالكسر خاطر : لجل أهل الطفل !
وإبتسمت ... !

سيّدي الحزن المُعظّم
سيّدي مولاي :
هذا همّي
عبدك ولد عبدك
لاجئ بوجهك .. طايعك
كُل ما تأمر بـ(كُن) .. يكون
وانت تمون !
لكن جرحي .. ضايعك !
يشكي من الليمون .. وعيون أهل الشام !
وعيون أهل الشام .. كيف تمون .؟!

سيّدي الحزن المُعظّم
سيّدي مولاي :
هذا همّي
عبدك ولد عبدك
جالك ويأمل بالرضى
ـــ ولا إنتصف لرضاي !
وأنا أعرف الواقع لظى
ـــ أُنهِكت يامولاي .!

ياسيّدي :
ملّيت من دربي
ـــ دايم يضيّعني !
حتى أكلي وشربي
ـــ للجوع تدفعني !

ياسيّدي :
قبل أمس مر الصيف
ـــ بارد ولا به حرّ !
حاولت أدفيني
ـــ وأقفى مثل ما مرّ !

صوّت له : ياصيف
ياصيف لا تمشي !
باقي معي لك وقت
مشتاق لك رمشي ..!

ناظر عليّ وقال :
طلال .. حالك "حال" ... مابيني وبينك
طلال .. "حالك" حال ... مابينك وبينك !

 

[طلال بجاد]

.
.


مابين تنهيدة وله للمسك
ــــــ ومابين صدرٍ فجّر السكّين
شف معبد المسكين عاف النسك!
ــــــ شف ذي عيون المسك تنطر مين.؟!
فإن شافك المسكين لا يلمسك
ــــــ عفّ الأمل لا ينقضه مسكين!
شف صاحبك ميّت على مجلسك
ــــــ شف مجلسك عايش عليه سنين
شف عقله اللي طار به نورسك
ــــــ حتى غدا يسألك بالتخمين!
كيف الجفاف بدنيته يغرسك.؟!
ــــــ من كفّره عندك وهو به دين.؟!
ياصاحبه خمره غدا حارسك!
ــــــ قلّه جواب أو قل معاه آمين!
تبّت يدينٍ عيّت تلامسك!
ــــــ وتبّت قلوبٍ ماتصير يدين!
وتباً لشيخٍ فيه ما حسّسك
ــــــ إنه نوا يرجع فدربك طين

 

[طلال بجاد]

.
.


ملل والجو ياعاطف كئيب
ــــــ وانا ودّي أسولف لك شويّ
أبي أكتب على فرقا حبيب
ــــــ أو إني أكتب الحيرة عليّ
وقفت ولا لقيت إلّي قريب
ـــــ مشيت وشفت كل الناس زيّ
مقصٍ جار بيدين الرقيب
ــــــ دلو لكنّ ما فـ الدلو ميّ
تعبت أترحّم أنواري واجيب
ــــــ كلامٍ تعجز تخطّه يديّ
تعوّدت انهزم واسقط واغيب
ــــــ ولاكنّي أجي منصور بيّ
تخيلت الحروف أنسام طيب
ــــــ وجيت أشم طيبٍ صار غيّ
حسافة كل مافيني عطيب
ــــــ وعيني من هذاك الوقت هيّ
أبد ما جدّ ياعاطف نصيب
ــــــ ومحصولي بعد ماشاف ريّ
وصمتي صار ياعاطف غريب
ــــــ بعد ماكان لي ياخوي ضيّ
أكلني وإمتلا بالراس شيب
ــــــ وانا مانيب ناقص غير كيّ
وهو آخر دوا عند الطبيب
ــــــ إذا باقي لي من الروح حيّ
سكنت بدار من همٍ عصيب
ــــــ وشفت الدار للأحزان حيّ
صرخت ولا سمعت إلّي مُجيب
ــــــ سِوا صوتٍ صرخ ماقال شيّ
وجيت ارحل معا نفسي واغيب
ــــــ وأخذت إلّي قلم من غير فيّ
ابي أكتب على فرقا حبيب
ــــــ أو إني أكتب الحيرة عليّ

 

[طلال بجاد]

.
.


- مدخل :
الليلة شفت إن التعب وردي
ــــــ مدري ! ولكن صدق أنا شفته
والصدق .. شفت إنه عدد فردي
ــــــ والكذب "ريحة عطرها" : عفته
.
.
ياصيفها : طيفك قتل بردي
ــــــ والطيف لولا البرد .. ماخفته !




- مدخل خَفِي :
فاقدك لي ليلتين
أقصد إني فاقدٍ صَمتك وصَمتي
والحقيقة
خايف إني في الكلاااااااام آصير صْمتك!
وإنك إنتي عن تعبّدكي بذاك الليل صْمتي!




-1-
عقرب الساعة عشق ثنتين
وكنـّـا بالجلسة اثنين
يوم قرّب للثلاثة ..
صار بالجلسة معي يمكن ثلاثة !
ياحليل الهمّ .. وافي
مثل طيفك مانساني .. دايم ينوّر مكاني
ومايقاطعني أبد !
بس لا جيت أتكلّم .. قال :
"إسكت ياولد"
وأبتسم وأسكت لأنه صار لي بحساب عمّ !
ياحليل الهمّ !




-2-
بصراحة ..
حالتي صارت مُملّة
كل ماجيت أتكلّم قال : "بس"!
وأنا سااااكت
والسكوت : نصف برد .. وكُل موت !
قلت له ( لأنّي أخاف الموت ) :
"يآآخي حس .. خلني آخذ نفس
مابقى فيني كلامٍ تخنقه
مابقى فيني سِوا شهقة وليل !
ليل ودّي أعتقه !
... وووووووو بس !
يعني حس .. وخلني آخذ نفس "!
إلتفت يمّي وقال :
"بس .. إسكت ياولد"!




-3-
(مَـرّ هذا الحال مُـرّ)
طيفها جالس قبالي ..وأنا حالي ماهو (حالي) !
قلت أبسأل طيفها عنها وأقول :
"كيف حالي"!
يووووهـ أثر الحال مُـرّ
عيني تكتب بي قصيد .. وفمّي أضناهـ السهر !
والمشاعر .. ألم..شاعر .. يشتكي ضيم الفقر !
(مُـرّ هذا الحال مَـرّ)




-4-
كيف ألمحك ياطيفها .. كيف ألمحك .؟!
والمسافة : جرح .. وعيوني : كفيفة !
وحالتي .. على المحك !
كيف ألمحك .؟!




-5-
و
بيني وبين الجرح .. ثمّة مسافة !
وبيني وبيني : "آآهــ" أو "ياحسافة"
عيوني شبعانة ظنون .. والفكر طاااااااااااح بهون !
وأفكاري منشطره إلى شعبين :
"شعب قلب .. وشعب عين"
شعب ودّهـ يلتهم هالطيف .. ويتناسى الدين
وشعب ماودّهـ .. ولكنّه بدون إيدين !




-6-
ياليل .. قل : "ياعين
غضّي البصر .. ماني بناقص شر"
طاح الخصر .. والخد لي أشر
عيني تصر .. وقلبي مكشر
ياليل .. قل " ياعين
توبي عن أفكارك .. لا تبرحي دارك
لا تكسرين القلب .. بفعلة صغارك !"
وياليل .. قل : "ياعين"
ياليل .. همّي عيـــن !




- مخرج :
النور نايم .. ياسلمى لا تصحينه
ــــــ والحظ قايم .. فقط من شان يتوفّى !



- كذب خارج السرب :
صح أنا فاشل / غبي
لكنـّي "حيّ"!
على الأقل عندي طموح
وأفكار مُستقبل كبااار ...
أحيان أحس إني
طبيب
وأحيان أحس إني
حبيب
مراات أطير
بهالسماء
ومراات أطيّر
هالدماء
ومرات أحس إني عما
إذا شعرت بيأس
لكن إذا شفتك
أنسى زمانٍ نحس
وأحس بإحساسٍ ذكي
وأبادل أفكاري الحكي
وأسكنكِ في ليلي .. فرح
يرسم على بالي حياة
وووووملح مايوم .. انجرح
عجزت لا ألاقي "دواه"!

... "وقال : بس
يعني بس"!