عـنـك خـلـه.. عـنـك خله .. عـنـك خـلـه ؟

صالح الضويحي · 07-24-2008, 06:34 PM

مع أزكى تحيه لكم ولـ مـن طـلـب هذه هذه القصيده ..

[poem="font="simplified arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]جـلّ شـأن اللي سجدنا تحت ظـلّـه=خالق المخلوق علاّم الســراير
بين كاف ونون كان الكون كـلّـه=الحقايق.. والنقايض.. والنظايـر
بأسمه أبدأ والمسافة مسـفـهلّـه= للمعاطيش الصعيبات ..الحراير
وابتدي معنى كلامي واستـهـلّـه=يوم لاح لبارق الوسـمي بشاير
القصيد اليا احتشد بالجاش جـلّـه=منهلٍ ماقيل صافي ماه غــاير
مايصافح غير صدرٍ مـخلصن لّـه= احتوى جـمرة جحيمه والسعاير
لايقن في طيب من طيبه اجـبـلّـه= وبالمواقف مارفع مقدار..باير
ومن حـداه اللال بالأرض المـزلّــه= وأقتدى بأفكار غادين البصاير
أن سمعته قال: قلت: الفرض صـلّـه= وأستمع لأحكام صافين الضماير
غيرها ما اصغيت سمعي منصتن لّـه=مثل هذا كلمته تصبح جراير
والكلام الياحضر في وقت حـلّـه= لا امجامل فيه حـي..ولا امساير
من حصد من زرع غيره وأستغـلّـه= عن مقابيل الخوافي له نذاير
ما صفى الماء.. وأن صفى الماء قلت: عـلّـه= أرتشف لابد ياقع كل طاير
ياخفوقي تـلّ حبل القاف تـلّـه= القريحة جت روافدها..غزاير
عنك خلّـه..عنك خلّه..عنك خلّه= لايجي لأسمه خطوط.. ولا دواير
ذكرك أسمه وألتفاتك له مـذلّـه=أختصر واضرب مثل بأم العباير
والوفاء ماجود والطيب بمحـلّـه=تاج رؤسٍ ماتـلـفّـت للصــغايـر
من وقف وأهل المواقف مسندلّـه=ماتزعزع لو كتام العج ثاير
في سماه الرحب للنفس المـغـلّـه=كسر بأس..وكف ترهيب..وعزاير
ينتهي شـرح الكلام الياوصـلّـه=كان قالوا من لــهـا؟ والدم فاير
والردي لابد يوريـك الممـلّـه= صحبته من جمـلـة السـبع الكباير[/poem]

سعد مسهوج · 07-24-2008, 07:02 PM

1

صالح الضويحي

رجل : بما تعنيه الكلمة من رجولة ومراجل

شاعر : صافي ووافي

________

صح لسانك مدد بلا عدد يالغالي

ما يختلف على جزالتك احد

شكرا لروعتك

وشكرا لمن طالبك بالروعه

اخوك

الصغير

سعد مسهوج

جُمان · 07-24-2008, 08:37 PM

صالح الضويحي ..

قَادرٌ على نسجِ الحِكمة لِتَكونَ صِدقاً يتدلّى كعناقيد كَرم
عذبٌ وشَهدٌ هذا النّص ..

شُكراً كثيراً

.

.

صالح الضويحي · 07-26-2008, 06:15 PM

اقتباس:

المشاركة الأصلية كتبت بواسطة جُمان

صالح الضويحي ..

قَادرٌ على نسجِ الحِكمة لِتَكونَ صِدقاً يتدلّى كعناقيد كَرم
عذبٌ وشَهدٌ هذا النّص ..

شُكراً كثيراً

.

.

جُمان

اشكرك اختي الكريمه على تواجدك المبهج
سعدت كثيرا بماخطه قلمك هنا

تحياتي لك

صالح الضويحي · 07-26-2008, 06:13 PM

اقتباس:

المشاركة الأصلية كتبت بواسطة سعد مسهوج

1

صالح الضويحي

رجل : بما تعنيه الكلمة من رجولة ومراجل

شاعر : صافي ووافي

________

صح لسانك مدد بلا عدد يالغالي

ما يختلف على جزالتك احد

شكرا لروعتك

وشكرا لمن طالبك بالروعه

اخوك

الصغير

سعد مسهوج

سعد مسهوج

أنت الوفأ لاهنت

شكرا لك ولسمو حضورك

ولاعدمتك

تحياتي لك