أجرمت بي .. جديده

[مبارك أبوظهير]

بعد غياااااب طويل جدا .. أعود لكم أحباب قلبي .. وكلي أمل بقبولي بينكم .. راجيا ً عذري على ماكان من الغياب

وأتمنى أيضا قبول هذه المتواضعه .. والتي آمل أن تروووق لكم ..


*

[poem=font=",6,darkblue,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
شفني من أسباب ماسويت فيني عليل =والله من أيام ماغـمّض لعيني جفن
كم مرة تخطي بحقي واشوفك تعيل=وكم واحد ٍ من سبايب فعلتك بي صفن
أجرمت بي لين شفته صار جسمي نحيل=حتى ضلوعي من التفكير فيك إنحفن
أكرمتك وْلا يفيد أبك الكرم يابخيل=جمايلي دافنك فيها بطيبي دفن
صديت عايف ولاأدري ليه قلبك غليل=نسيت ذاك الحنان اللي يديْ اغرفن ؟؟
أسقيتك الحب مثل الشهد والسلسبيل=وعروق قلبي من الصدمات فيك إنشفن
أرخصت دمعي علشانك عيوني تسيل=لـْرضاك و أتعبت رجليني وشفهن حفن
حملتني وأنت تدري منـْـك حملي ثقيل=وأبشــّـرك شلت حملي لو يديْ إرجفن
تصد مثل الصديق اللي نكر للجميل =اللي به الطيب مايثمر لأنه عفن
وتجي عقب كل ماصار إترجـّا ذليل=تطلبني الصفح وشموعك بقلبي طفن
وينك وأنا أصيح من فرقاك وأعول عويل=يومنها هموم كل الكون يمي لفن
لاتنكر اللي فعلته في ّْ عندي دليل=يومني أهديك عمري وأنت تهدي كفن
لايمكن أرجع وأنا الحر الكريم الأصيل=تبي يقولون راسه فالتراب إندفن
لاوالله إلا على الصده عيوني تخيل=ماأسامحك والجروح بخافقي ما شفن
إلا أبنساك لو هذا علي مستحيل=وأصبّر القلب وعيون ٍ عليك ذرفن
ماوالله أذكر صبرت لضيم لكن قيل=(( غصب ٍ على البل تركب جاريات السفن ))[/poem]

*

مبارك نايف أبوظهير

 

[عبدالإله المالك]

حُييتَ مرارًا وتكرارًا يا نايف
وإنا لعلى حضورك لمتلهفون
لا يعالج مرارة الغياب سوى حلاوة الإياب

قرأنا شعرًا جملاً هنا، وكم نحن بانتظار المزيد
فتقبل التحية

 

[مبارك أبوظهير]

الله يحييك سيدي الكريم

شاكر لك تشريفي .. والقراءه


وألف شكرا للإشاده الغاليه .. الراقيه


لاخلا ولاعدم


غلاااااااااااااااي


م ن

 

[كريم العفيدلي]

المهم انك بخير ,,,

جزلة من راع جزل

عزالله قصيدة ...تسلم يمنيك

 

[رزان سالم]

مبارك ابو ظهير
أهلا بعودتك لـأبعاد
كم نحن بحاجه لمثل هذا الشعر الذي يستحق التمجيد
لاتغب شاعرنا الرائع

 

[بلقيس الرشيدي]

وإن طالَ الغِياب هَذَا المَطر شفِيعٌ وأكثَر !
أهلاً بعودتكَ يامُبارك وسَلمَ لنَا الحِس والبَنان السَاحِر .

 

[وليد الفالح]

مبارك ابو ظهير
حضور يستحق الإحتفاء
تقديري

 

[فاطمة ناصر]

[poem=font="Arial,6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

تصد مثـل الصديـق اللـي نكـر للجميـل=اللـي بـه الطيـب مايثمـر لأنـه عفـن

[/poem]

( ماتعب للجميل الا عريب الجدود )

وما اجمل واروع شعر الشموخ والعزة
لله درك يا كريم