بُعد ثاني.؟!!

[عبدالله العتيبي]

رغم الألم واحوال دنياي والوقت
لازلت صامد في متاهة زماني
|"|
صحيح قاسي حاضري بس ماشبت
في داخلي لازال طفل الأماني.؟!!
|"|
ولازلت في سُكر إنتظاري ولا فقت
حالم وأعرف إن البحر له مواني.؟!!
|"|
من عادتي اكتب شعوري ليا ضقت
وارتاح من شيءٍ بصدري كواني.؟!!
|"|
شيءٍ خذا روحي وانا منه ما خذت
وشيءٍ بذاتي من حياتي خذاني.؟!!
|"|
وأشياء كثيرة في حياتي لو أسهبت
تملىء حروفه من غثاها مكاني.؟!!
|"|
انا الأحد والفجر في عيني السبت
والليل موحش والفجر يوم ثاني.؟!!
|"|
هي فلسفة لكن نطق بعدها الصمت
وحرف العناء في دفتر الكون فاني.؟!!
|"|
طابت وانا من جرح الأحلام ماطبت
مشروع حلمي جرح عاش بكياني.؟!!
|"|
ما أخطيت في حق الأمل بس ما صبت
يوم الشجر يخضر غصنه عشاني.؟!!
|"|
داني ثمر عمري على غرسة النبت
يوم السواقي طلع والعمر داني.؟!!
|"|
وفي سرمدية خاطري ينكسر كبت
وتبوح في غفوة زمانه ثواني.؟!!
|"|
تحكي مع إحساس الندم ليه انا غبت
لاطاحت بدرب الدموع المعاني.؟!!