حزين ومنكسر قلبك ولالك صاحب يضمّك
…………. يطبطب لك على جروحك يواسيك ويداويهم
بحضنه يجمع أشتاتك عن الأشواق ويلمّك
……………. يوجه خطوة دروبك ….. ورا آثار رجليهم
يسولف لك عن الـ بكرة هناك بينتهي همّك
…………. هناك بتزهر أحلامك وصبح الخير يسقيهم
حزين ودمعك بعينك تداريه بطرف كمّك
……………. حرام اللي جرالك من حبايب كنت تغليهم
حبايب كانوا الاقرب من عروقك الى دمّك
……………. نسوك وخلوا الذكرى تعيد أوجاع ماضيهم
حزين وتقهر الدمعه ببسمة لو تمر فمّك
……………. تلومك ع الفرح عينك وغصبٍ عنك تبكيهم
لوين تنوح ع الراحوا وذكراهم سبب غمّك
……………. عشان تعيش لاتذكر … ولا تحلم تلاقيهم
تراه اكبر فقد صدق يصيبك لو فقدت امّك
……………. وباقي الناس تتعوض نصيحة لاتحاتيهم
نصيحة لملم جروحك وكن الفقد ماهمّك
……..………. يجي بكرة وتنساهم وتبقا لك اساميهم
لو ان الله كاتب لك بهم خير/ن بقوا يمّك
……………. كفاك الشر ياقلبي من الفرقا … وطاريهم
أحلام مؤجلة
آخر المشاركات
05-01-2023, 08:13 AM
حزين
العرض الشجري