السلام عليكم ورحمة الله وبركاته
مجرّد ,, مسافة
.
.
.
.
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
أدْريّ إنْ انْت الحقيقة , والمسافات الخيال = مدّ لي الأشواق لين ألقى على قربك سبيل
كلّ ما فيني من اللهفة ينادي لك تعال = ضاميٍ ,, ضامتنيّ الدنيّا واشوفك سلسبيل
ماعلى عيني ملامة أو على حسنك جدال = من وطَت أيّامك أحلامي غدى حظي جميل
بك من الشمّس الضيا , والنّور , ورْموشك ظلال = والفجَر ماشافت عْيونه على وصفك مثيل
شدّني ليل الغوايه في نواعسْك الثقال = عن كلام النّاس في همْسك سواليف وبديل
عطرك الفتان يا "فتنه" ذعاذيع الشمال = والعطر يلقى وسَط صدرك مداهيل ومقيل
شوف حتى الورْد مانالك تعلّا واستطال = والقمر من فوق يتهادى يبي يقْرب قليل
كلّما زوّيت خصركْ,, الهوى المسكين مال = والمكان اللي يفارق خطْوتك يبكي ويميل
الشعر يعجز عن اوصافك ولافاد المقال = والكلام أخْرس ولا يملك براهين ودليل
من يلوم الكون لو ضيّع إجابات السؤال = هو صحيح إنْت الحقيقه أو مجرّد مستحيل[/poem]