تعلقت فيك ، وبالنهايه ( خذلتيني )

[مرضي البلوي]

تغيبين ويزيد الغياب الجروح جروح -
تعالي دخيلك لو دقايق ، وشوفيني
:
أنا احس في غيبتك عني بنزع الروح -
تعذبت ! ياليتك تجين ( واتضميني )
:
تعذبت والكتمان ، يفرض علي البوح -
ولولا الشعر في ذمتك وش حصل فيني
:
بنينا سوا لـ الحب ، فينا زمان صروح -
وطاحت مع أول دمعه اطيح من عيني
:
ليالي قضيناها بضحك وشعر ومزوح -
وهالحين وينك بس عني / وأنا ويني
:
تقولين كنتي دايم ( الاسمر المملوح )
وإذا قلت " أحبك " قلتي أكثر تحبيني
:
ابنساك كم مره وصدري عليك يفوح -
وذكرى حزينه دايم تروح وتجيني
:
طواري كثيره مالها أخر تجي وتروح -
طواري تفرحني / طواري تبكيني
:
مايكفي حزين وصوتي من الحزن مبحوح -
مايكفي معذب ( جيتي إنتي تزيديني )
:
خذلتيني بالحظات باب الجفا مفتوح -
مع انك بجنبي حالفه ، ماتخليني
:
قبل لاأعرفك شاعر ومتعذب ومجروح
من الضيق فيني والحزن مايكفيني
:
أعلمك وين المشكله كلها بوضوح ؟
( تعلقت فيك وبالنهايه خذلتيني )