عــروق السهـــر ...!

[عبدالله فليج]

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
طوّل الليل يروي بي عروق السهر=لين أورق على قاع الخفوق الحنين

المسآ ليه ينفث بالصدور الشعر=كل ما مرت الذكرى على العابرين

بالدموع شهقت عيني وخان الصبر=واتكاثر على نفسي تطيح وتحين

هاجسي لو يمر الجرح لا تنهمر=خلها خلف بيبان الهدب لا تبين

صاحبي والليال المعبسات السمر=قلها لا تفل اللي بصدري دفين

شاعرك لو تظاهر بالفرح من كبر=آه لو تدري بقلبه كسير وحزين

كل ما حام في صدري حنين وقهر=انطوي بس مدري انطوائي لـ وين

وين ابهرب واشوفك في دروب السفر=كل ما نادت العزله على الحاضرين

كيف أبغفى وجرحك كل ما أغفى يمر=وانت طيفك مثل وجه الصباح المبين

أنت ياللي طعونك بالحنايا خضر=يآول العابرين وآخر الراحلين

جيتك أزرع من الفرحه حياة وعمر=ورحت اقطف من الفرقا حصاد السنين [/poem]

 

[علي الحسني]

رائع ياعبدالله وأكثر

هنا شعر يستحق الإشادة

دمت متألقاً

 

[بدرية البدري]

عبدالله ..
شكراً لليالي التي أهدتنا الشعر منساباً من يمينك

ود

 

[سعيد الموسى]

جميل هذا الصباح الذي يهديك لنا ...
أشكرك .

 

[محمد الخضر الزهراني]

الله الله الله ...


ادهشتني ..

صدقني هذا الجمال لا يكتبه الا الانقياء...

تحياتي لهكذا نص

ولك

 

[خالد بن منشار]

نص كايف

الله ما اجمله

صح لسانك لين ترضى

دمت بخير

 

[صبــــا الجهني]

أنت ياللي طعونك بالحنايا خضر=يآول العابرين وآخر الراحلين

رائع هذا الشعر..
صح احساسك..

 

[عبدالله فليج]

المشاركة الأصلية كتبت بواسطة علي الحسني

رائع ياعبدالله وأكثر

هنا شعر يستحق الإشادة

دمت متألقاً

اشادتك شرف يا علي

شكراً كبيره لك