مُتنفس .. شِعري !

[نورة القحطاني]

تدري كيف ..
أعجز أبرر هالشعور !
في غيابك !
لأني باحساسي معك !

 

[فيْصَل الصَقّار]

جيتي بباله وعجز ياعي من الحلم
‏وشلون ياعي يوم جيتي بباله …!

‏لاتقتلينه لااعتزل باول الفلم …...."
‏خليه عايش - مثل ماهو - بحاله...

 

[محمد بن شتير]

؛

كيبوردية اقبلوها بود


أكسب اللي غايته يحفظ مقامك
و اخسر اللي تخسره مهما يكلف..!

بعضهم ما يستحقون إهتمامك
في مجاراتك لصدتهم تخلف ..!

سولف اكثر عند من يسمع كلامك
وعند من لا يسمعونك لا تسولّف ..!

 

[سعيد الموسى]

المشاركة الأصلية كتبت بواسطة محمد بن شتير

؛

كيبوردية اقبلوها بود


أكسب اللي غايته يحفظ مقامك
و اخسر اللي تخسره مهما يكلف..!

بعضهم ما يستحقون إهتمامك
في مجاراتك لصدتهم تخلف ..!

سولف اكثر عند من يسمع كلامك
وعند من لا يسمعونك لا تسولّف ..!

بدون أن تقصد - كأنها لي
لذا أعدك أنها سترافقني الفترة القادمة يامحمد ، شعرك صديقي أيضاً يامحمد
وأحبه قبل أن احبك ..
سولف اكثر عند من يسمع كلامك
وعند من لا يسمعونك لا تسولّف ..!
[ أي والله ]

 

[سعيد الموسى]

___




ياساتر - أستر عِنقْها
‏هذا الذي يشرق بها
‏سلسالها يزهى بها بااعلى طرف من صدرها
‏حتى ارتكى في ضلعها ..
‏شف حسنها - قل مزنها - شف لونها ممنونها ، هي تحمله
‏لين السما!
‏شوف رقبتها ثابته - مافيه حسنٍ طافته !
‏كل البياض اختارته !
‏سلسالها - يرسى لها - طفلٍ غفى في جالها ، ماشالته
‏هو شالها!

 

[سعيد الموسى]

اترامى
هذي عاداتي
في كل العمر مره .. اترامى ..
وصدقيني في حياتي ..
ما هقيت اني عقاب .. ولا يمامه ..
انما لعيونك إنتي ..
طرت لاجمل إبتسامة
لين قلتي وين جناحانك..؟
وين جنحاني .. ؟! وطحت ..
طحت من أعلى غمامه..
أنا ما ادري مريت بين أصابعك رمل ..
او على خصلات شعرك .. ماء ..
كانت غبارٍ وظلما
وكنت أطيح ..
وهذا آخر مااتذكر ..
وين ظنك با تجرح .. واتكسر
فـ أي رمل .. أي صخر .. او عدامه ..
ما هقيت أني عقاب ولا يمامه
انما لعيونك إنتي ..
طرت لاجمل إبتسامه
وما ابي غير السلامه
من الجروح .. ومن التداوي
كيف أمس الأرض .. واطيح متساوي
انا صدقت الصغار .. يوم قالوا :
من يحب القمرا يرحل .. لآخر أرض
وينتظر تالي نهار ..
ولا ظهر منها شبر ..
عانق القمرا .. طمر ..
كيف ضاعت كل أحلامي هقاوي ..
يوم قلتي : وين جنحانك ..
وين جنحاني .. ؟! وطحت ..
طحت من أعلى غمامه..

-

بدر بن عبدالمحسن ❤

 

[صالح العرجان]

.




وجع حب وجع شعر وجع شوق وجع ضيقه
على كيفك وهاك اختار هذي سلة اوجاعي

غلا واسمع نزيف الجرح كلام الصمت ما اطيقه
انا محتاج اسولف لك عن اول وآخر اوضاعي

 

[صالح العرجان]

قلبي على الماء وقلب الماء على شطك
الماء وانا يا القـراح العـذب ورادك

كم شالك الحلـم باهدابـي ولاحطـك
والعين يرعى نظرها عشـب ميعـادك ،،!