! * - * ! ...!

[محمد البدراني]

[poem="font="arabic transparent,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


تمتم طفل في داخلي ولا لقى غير البكى=حاله تعرى من لباس الجوع في وسط المهد


يتعب ليا قالو غناء ويرضى ليا قالو فنى=يكفيه روحٍ من طهر يكسي بها عفن الجسد


تيمم ببيض النوايا في زمن كله شقى=خالف ولا صلى لـ غير الله تعوذ مـ الحسد


ايه اذكرو ذاك الطفل وينه تشرد وش جنى=غير الكمد في داخله يتعب كثيره للسهد


وجدي على نارٍ تجر البرد لطراف الدفى=احطب لها حدب الضلوع اللي حناها هـ الولد


هذا رمادي بالمشب قلي دخيلك وش بقى=حتى رمادي ما سلم شوفه تطاير بالمدد


هذا وطن حاله مثل حالي تألم ما شكى= يكفي ليا مني ذكرت امثالنا فاح الشهد


ايه اعرفو ذاك الطفل ياخذ كثيري للهدى=ليت الجسد في وقتنا يقصر على حد المهد


[/poem]