بقايــا أحباب

[ناصر حطاب الدهمشي]

السلام عليكم ورحمة الله وبركاته



(( حزمــة عمــر ))


[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أهز عزوم و الفرقا تهز بداخلي رجال=وأنا فيني من الدنيا بلد هقوات منكوبة
ثمان إسنين أنا غادي أدّور للبخت مدخال=ثمان إسنين وجنون الزمان ينثِّر إذنوبه
عرفت وجيه بالدنيا لقاها ما يسر الحال=وعرفت وجيهٍ أجبرها الزمان تعيش مغصوبه
و عرفت إن مابها غير الأخوة بالحياة ظلال=وعرفت إن العمر قصة صراع بلوح مكتوبه
سنيني كانت الرحلة وأنا ياصاحبي رحَّال=عرف بـإن الرحيل أقسى من الترحال و دوربه
تخيّل كثر ما ذقت بحياتي صفعة الاهوال=كثر ما تمتمت أرضي نجاتك أعظم إعجوبة
و كثر ماشفتني اشري قناعاتي وأبيع المال=كثر ماشفتني فقري عفيف يرقِّع بثوبه
وكثر ماكنت أوهِّمني .. بأن أشياءها أطلال=كثر ماكنت أقنِّعني .. بأن وقوفي إكذوبه
بقايا أحباب .. تنضمني على صدر الوله سلسال=وتناهبني محابيل الوجود و تضحك عيوبه
أنا سيرة رجُل عاند زمان وعاش به تمثال=عبده الطيب وأشرك به شموخ ٍ مايبي توبه
أنا حزمة عمر بيضا ثوانيها من الأطفال=لجل دمعة طفل منهم يصير العمر لعبوبة
قسم بالله لو أكتب عن اللي يصطلي بالحال=تطيح الأرض في صدر الزمان وتكثر إحروبه [/poem]






وسلامتكم


ناصر حطاب الدهمشي