تعال واكتب حالتك/لحظتك شعراً ..!

[صالح العرجان]

نشفق لـ باكر / والمواعيد بـ الذات
اشيائنا الحلوه من الصعب تنسى .. ؟!

 

[نورة القحطاني]

من عنا صبر المواجع هجوس وتمتمه
الشتات ألوان والمعنى يكمّله الحنين !

 

[صالح العرجان]

المشاركة الأصلية كتبت بواسطة نورة القحطاني

من عنا صبر المواجع هجوس وتمتمه
الشتات ألوان والمعنى يكمّله الحنين !

الله الله

يا سلام سلم لا يموت البيت ويصير يتيم يا نورة اذا لك كمليه انا اشهد انه مشد لقصيده


رد ود

 

[نورة القحطاني]

استاذ صالح بعض الأبيات تولد يتيمة مثل مشاعرها

الله يسعدك وييلغك ماتتمنى من خير الدنيا والآخرة

 

[صالح العرجان]

المشاركة الأصلية كتبت بواسطة نورة القحطاني

استاذ صالح بعض الأبيات تولد يتيمة مثل مشاعرها

الله يسعدك وييلغك ماتتمنى من خير الدنيا والآخرة

امييين يا نورة والسامعين


يقول سعد علوش :-

الغلا بعضه تنفس وبعضه اختناق
والتنفس شرق وأنا تغرّبت وحدي

 

[كريمه السالمي]

‏يحبوني ويجوني لا بغو لـ أحزانهم ميناء
‏واذا ناديتهم ما طرّفوا منديل للدمعـه

...
‏

 

[صالح العرجان]

شرعت بيبان قلبي ولا فتح بابه !
ياكثر ما هو مزعلني بلا سبه ..

إيه اعشقه وابغضه وأموت واحيابه ؟
واشتاق له واقطعه واغليه واسبه .. ؟!

 

[سعيد الموسى]

في كل يوم يمّر .. بك طفل يكبر!
‏وبكل عام ٍ .. شاربك يكتسي شيب!
‏إحنا نحب .. وحبّنا ورد يـزهر!
‏في مجتمع مفهومه ان الهوا " عيب"