أنا العاري !

[محمد آل ابراهيم]

.





أشدّ رحال شعري بالقوافي ..
...............على دربٍ يودي للمنافي ..

رجاي ارجع ولكن مستحيلٍ ..
............ألاقي موطنٍ يشرب جفافي ..

جفافي عذب ما يجرح ضعيفٍ ..
............ولا يشعل صباحٍ كان طافي ..

صباحٍ : [ قد تعرّى للمساء و
.........لبسْه الليل وصلٍ ما يجافي ] ..!!

***

وتمطر دنيتي غيّاب ،
انا العاري جسد فكري بدون ثياب
قدامك ،
انا بلادي مجرد صفحتين كتاب
انا الضيف ، وأنا اللي لو تكرمتي :
تعالي واشبعيني عتاب
انا اللي لو تقهويتك :
بتنبت للفرح أعشااااب
انا اللي لو تخضبتي :
بكفوفي صرت كلي خضاب
خذيني داخل اوطانك
بأحضانك ،
انا للجغرفة منّك : سهَل ، وانتي
جبل وهضاب
من شانك بصير البحْر ، بس انتي
تعالي والعبي دور الحزين اللي بلا أصحاب
أو انك عابدٍ زاهد ، وانا المعبد
وحضني للتصوف باب

انا لك سالفة شيّاب
بالغربة اسولفني : قصيدة "مخلبين وناب"
او اني اغنية حزنٍ
ترنّم لك ،
"صحيح ان الهوى غلاب"، يتركني
على جال الضمى ، واشرب
من عيون الغضب : فتنة !
تغنّيني على بعدك ،
حنين اللفتة اللي بقرب
انا لو يبسن أرياقي ،
ومرغت العطش بشفاهك العذبة
بعد باقي ؟
ابتمنى العطش : يعطش
وازيده شرب !

امد الصبح ، وامزجْه فْ سواد الليل
اداعب فيك تفاحك
انا بفمّي ،واضممممممك حييييييييييل
اضيّع بعضي فْ كلك
ابووس عيوونك النعّاس
احس بلفحة الانفااااس
اشم العطر ،
اشمممممه حييييييييييل : برتاحك !
ابجتاحك ،
ترا قفل الذهب أنتي
وانا الألماااااس : مفتاحك !

اخمن بالـ[متى حنا نكون قراب ؟ ]
اخمن لا واطيّر من حمام البال لك أسراب
تستلّك ،
من افلاك الخيال / الاحتمال اللي يحطك لغْز
احاول فيك ، انا احاول :
اثاري الصعب هو حلك !

صعَب حل الـ"متى" والـ"وين"
انا بليّاك اروح لـ وين ؟
والتيه يتشظى من عيوني لييين ...
اضيييييع ومااعرف بعد البطا ادلّك
وانا ادلّ الطريق اللي يوديني لـ...
اناديلك : انا أعشق بقايا عطر منديلك
انا ادلّ السحاب اللي يدرّ العشق في سيلك
انا اعرفك : قبل لااعرفني حتى و...
قبل ما تمطر الدنيا علي غيّاب !

***

رمى بحر البعاد التيه فينا ..
............. ألا ليته [ رمى فينا / مرافي ] ..

تخيلتي لو انه صار ؟! يالله ،
................... تعالي بالخيال ولا تخافي ..

تخيلتك : معي نهرٍ ، وصوته ..
........... يقول : اشرب حبيبي من ضفافي ..

تخيلتك : معي ف الليل صبحٍ ..
.............. بياضه يلتحف جسمي و دافي
...... بياضه يلتحف جسمي و دافي
.............. بياضه يلتحف جسمي و دافي ...











.

 

[الموج]

هُنا كُلُّ الكَلِماتِ خَجْلا . . !

* زهَرٌ ورَيحَان لِرُقيّ هَذا الحِسّ

 

[أنثى جموح]

الله عليك أخوي محمد

كلمات رقيقه , تتلظى شوقاً
يسلم صباحك اللباس وليل وصلك

!

 

[محمد آل ابراهيم]

المشاركة الأصلية كتبت بواسطة الموج

هُنا كُلُّ الكَلِماتِ خَجْلا . . !

* زهَرٌ ورَيحَان لِرُقيّ هَذا الحِسّ

الموج : تواجدكِ زاد الكلمات خجلاً فـ انحنت !


شكراً بحجم كلّ الأشياء


.

 

[أمجاد محمد]

كلمات رائعة وإحساس جميل
شكراً لك

 

[محمد آل ابراهيم]

المشاركة الأصلية كتبت بواسطة أنثى جموح

الله عليك أخوي محمد

كلمات رقيقه , تتلظى شوقاً
يسلم صباحك اللباس وليل وصلك

!

يسلم حضورك أستاذة

لا عدمنا هالطلة



.

 

[وديع الأحمدي]

محمد آل ابراهيم

تعود إلينا دائما بـما يترك أثره يانعا في صدورنا ,
وإن احتجنا قطف بعضه كي لا يكون فاكهة محرمة ,
دمت أجملا ,



تحاياي

 

[محمد آل ابراهيم]

المشاركة الأصلية كتبت بواسطة أمجاد محمد

كلمات رائعة وإحساس جميل
شكراً لك

أمجاد محمد : العفو يا وارفة


كوني بالقرب