مع كلمة الحق

محمد عوده البلوي · 06-15-2011, 03:45 AM

اسعد الله مسائكم وسائر أوقاتكم
جميعا
بكل خير

.
.
.

[poem=font=",7,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
الضيق يا طول ليله كل ما جابه=يا دوب يمضي وأنا اخذ منه وامضّي
ومثلي إذا انتابه من الوقت ما انتابه=قال ارتقي يا حروفي فوق وانقضي
سوق الجزيل ادخلي مع أوسع أبوابه=وانا ليا من فتلتك صعب تنقضي
من فضل ربي لو اكتب حزني كتابه=عن الذهب كني ارفع صمتي الفضي
مدرك من الشعر غاية من تعنّا به=لو كنت ما غير متسلي ومتمضي
والوضع لا صار مثل الليل متشابه=في كلمة الحق لي جرأة شعاع الضي
وان ثرثرت نفس مشتكه ومرتابه=اسكت ولا ني لكثر الهرج متفضي
ما كل شيٍ يصير تبيّن أسبابه=ولا كل من خش باب السوق متقضي
بغموضي أعيّش الشامت على أعصابه=والعز ما هو مع الأيام متشضي
انا الذي ما ذرف حزنه على أهدابه=مع شدة الضيق قلت اشتد يا غضي
ما قلت لهمومي اللي كنها ذيابه=تعشي بفضفضة شكواي وانفضي !!
قاسي على أقوى ضروس الوقت وأنيابه=وش تمضغي يا سنون الليل وتعضي
سبابتي لأشرت من جد .. سبابه=تكشف خفايا الرواسب في عبث خضي
ولأمطرت عذبي .. عروق الود تحيابه=تعذّبي يا عيون الكره وابيّضي
فوّرت دم الحسود وبرّد إعجابه=وشرحت صدر الحبيب وصار من حضي
الصادق اقنع بعذره واقبل عتابه=ولا زل أقول لعيوني مشي وغضي
وأقول للي علي مقهور من مابه=ذنبك صدَق .. لا تجي بالكذب مترضي
ما يطهر اللي يكن الحقد لأصحابه=لو في دموع الندم والحسره يوضي[/poem]

.

.

.

اعتذر على قلّة التواجد في ما سبق

تحياتي للجميع وتقديري

فايز بن جبيل · 06-15-2011, 04:10 AM

اتيت للترحيب والحجز

اما النص فهو في معتقل المفضله

حتى العوده

فايز بن جبيل · 06-15-2011, 04:21 AM

ومـثـلـي إذا انـتـابـه مـــن الـوقــت مـــا انـتـابـه
قـــال ارتــقــي يــــا حــروفــي فــــوق وانـقـضــي
ســـوق الـجـزيـل ادخـلــي مـــع أوســـع أبـوابــه
وانــــا لــيـــا مـــــن فـتـلـتــك صــعـــب تـنـقـضــي
مــن فـضـل ربــي لــو اكـتــب حـزنــي كـتـابـه
عــن الـذهـب كـنــي ارفـــع صـمـتـي الـفـضـي

محمد عوده / لا يكتب الا ذهب لا يصداء ..

هنا وقفه ولي عودااات

فـــــــــــشكرا يابو عوده على هذه العوده