نطرتَك سنِه .. وي طول السنِه ! واسأل شجر الجوز

[شعور]

-

كل ليلٍ رقدته ..؟!
ما لـ: طوله حلآ . .

شعور

 

[شعور]

-

لو للحنين أصوات ياللي تنامون !
... ... ... ... قمتوا من أزعاج الـ حنين ، وندانا . .

يا حظكم في ليلكم : ما تعانون . .
... ... ... ... ولا جاكم اللي تالي الليل ؟ جانا

 

[شعور]

-

بعيوني آشوفك عن الخلق نايف !
... ... ... ... ودنياي دون رضاك؟ ماهي بتسوى

لا تحسب اني لا تلهويت عايف !
... ... ... ... انته بعقلك تحسب اني ابـ آقوى ؟!

خليت لك باب الحنايا / مسايف
... ... ... ... وايق عليها قبل الاشواق : تذوى

وحدك بعيني عن جميع الولايف
... ... ... ... لا شك غيرك معك ؟ ماهو بيسوى


شعور

 

[شعور]

-

لا أعلم ما أود كتابته لذا سأكتب وحسب :


في العزلة ألاقى شي مني فقدته !
... ... ... ... حاجات ضاعت دون ماشعر مع الوقت

اسف لكن إنسان صار وجرحته ..
... ... ... ... وان شاءالله انك بعد عيني ؟! توفقت

ما أخترت درب الهجر لكن سلكته
... ... ... ... و في وحدتي ؟! رغم استيائي تعلقت

وشلون أطالب في فهم ما جهلته
... ... ... ... و انا مثلكم في طباعي : ... توهقت !

حتى الذي من كل قلبي عشقته !
... ... ... ... ما يدري إني اشتقت واشتقت و اشتقت

لأني بعز الحب هذا : تركته ..
... ... ... ... الخوف من حبه ؟! رهني و.. فارقت

لا أظن أني سأكملها يوماً

 

[شعور]

-

يؤسفني ان الوضع من بيننا صار
... ... ... ... ألو ، هلا .. أهلين ، مع السلامة

شعور

 

[شعور]

-

تغار ..؟ من ذا اللي يساويك عندي
... ... ... ... يا جعلهم : نذرك وانا من فداياك

لك خافقي وأشواق قلبي وودي
... ... ... ... واعلم ترى محدٍ من الناس يسواك

يلا تعال وبوس قلبي وخدي . .
... ... ... ... هذا عقابك كل ما علنت : جفواك

 

[شعور]

-

أحتاج لك ولا ادري شلون أناديك !
... ... ... ... ساعدني وقرب .. وخلك معايا ،

أمسك يديني بس لاتسأل شفيك
... ... ... ... وتأكد ان قربك كفيل بشفايا

ولا تتبعد حتى لو آقول ما بيك !
... ... ... ... ما ابيك؟ نقصد عكسها يالصبايا

شعور

 

[شعور]

-

شو سهل الحكي !