(((( شــبْـــه تـهــــلـكني ))))

[ثاني الدهمشي]

رح قسم بالله عادي ما يحرّكني
.................................هالرحيل اللي بنهاياته بداياتي

كنت تتعمّد خطاك وكان يمسكني
.................................عن تناسيك الضمير الحي في ذاتي

والزعل لا اخطيت دايم منْك يدركني
.................................كنّك تدوّر عليه فبعض زلاّتي

وتستغل موقف زعلْك وفيه تربكني
.................................لجل أراضيك بكتابة أروع أبياتي

موتي مْن ايديه جبته لجل تشبكني
.................................معْه لكن قدّر الله منْه إفلاتي

طيبتي وياك كانت شبه تهلكني
.................................وتقدر تقول انها سبّة معاناتي

ما بشربكك بكلام ولاتشربكني
.................................وحبذا تنصت شوي وتسمع الآتي:

تحسب إنك أنت منهو كان يملكني ؟
.................................لا ترى منت بكفو لا تقعد تحاتي

به دليلٍ قاطعٍ مهما تشككني
.................................ودون ما اقوله ترى واضح بنظراتي

إن قريته في عيوني روح واتركني
.................................ما بشوفك عند روحاتي وجيّاتي


.


وكل عام .. وانتم بخير