الشمس والغصن والعصافير لـ عادل الحوشان
ــــــــ
قالوا :
( الواحدة ) بِـنْتْ
قلت :
ابتدي - قبل لاتجي – بالكتابة
(12) وخمس :
الزمن رجال ..
واقف خلف باب الروح ينفض معطفه
قال لي ( لاأحد ) :
أوصفه
قلت :
رجال يلبس ثوبٍ اثقل من كلام
تاركٍ وجهه يطير من الحمــام
صمته اوسع من ثيابه
كفّه اكبر من يدين الناس بشويّـة ظلام
فيه شيّ من حلال
وفيه شيّ من حرام
مسبلٍ شعره على اكتافٍ تشابه
كل كتف يضج فيه الطلح ..
وتعووووووووي الذيــــــابه .
(12) وثلث :
الثواني – قبل لاتاصل – تبلل شعرها
تجرّ غيابـها
الثواني – قبل لاتاصل – تنام
عارية ..
وانا الوحيد اللي جمعت ثيابها .
( الواحدة ) الاّ ثلث :
العصافير من السهر صارت تطـــيـر
تفرش بدمّـي غمـــــــــام
وتنسج احلامي حريــــــــر .
( الواحدة ) :
لحظةٍ ساجدة .