ظمأ ..

[نوف مطير]

تعال نوّر عتمة الليل الطويل
‏القلب لك ظميان واسقه من حكاك

‏يكفي كثير ظْروفنا وانته بخيل
‏مدّ وعطا ، هذا وكله ماكفاك

‏حتى وجودي صار لك عابر سبيل
‏قلّي وش اللي غيّرك واللي خذاك

وابشر بقلبٍ للرضا يصبح دليل
يسمع عتابك لين توصل منتهاك

من قبل اعرفك ما يحركني رحيل
ياللي قصيدي ضاع فيك وفي هواك

ومن صرت اعرفك مابقى صبرٍ جميل
الوذ في وجه الشعر عذري غلاك

بكتب شعوري واشعل بْصمتي فتيل
الشوق ودّع خافقي واضوى سماك

وانا ليا هبت طيوفك قمت اميل
واطيح في ذكرى تجسّد لي لقاك

شفني على خبرك وما غيرك بديل
لو بحر حبك راح فيني للهلاك

 

[محمد المغضي]

بسمة الشعر
توقد الشعر باحساسها المرهف ليصبح ضوءً مختلف ..
مودتي

 

[نوف مطير]

المشاركة الأصلية كتبت بواسطة محمد المغضي

بسمة الشعر
توقد الشعر باحساسها المرهف ليصبح ضوءً مختلف ..
مودتي

الله يرفع قدرك اكرمتني ياكريم
شكراً محمد🙏🏻

 

[شذرة السيف]

.
.

من قبل اعرفك ما يحركني رحيل

الله ..

صح قلبج

.
.

 

[نوف مطير]

على حضورك ياشدرة السيف❤❤

 

[عبدالله سماح المجلاد]

المشاركة الأصلية كتبت بواسطة بسمة

تعال نوّر عتمة الليل الطويل
‏القلب لك ظميان واسقه من حكاك

‏يكفي كثير ظْروفنا وانته بخيل
‏مدّ وعطا ، هذا وكله ماكفاك

‏حتى وجودي صار لك عابر سبيل
‏قلّي وش اللي غيّرك واللي خذاك

وابشر بقلبٍ للرضا يصبح دليل
يسمع عتابك لين توصل منتهاك

من قبل اعرفك ما يحركني رحيل
ياللي قصيدي ضاع فيك وفي هواك

ومن صرت اعرفك مابقى صبرٍ جميل
الوذ في وجه الشعر عذري غلاك

بكتب شعوري واشعل بْصمتي فتيل
الشوق ودّع خافقي واضوى سماك

وانا ليا هبت طيوفك قمت اميل
واطيح في ذكرى تجسّد لي لقاك

شفني على خبرك وما غيرك بديل
لو بحر حبك راح فيني للهلاك

هذا ارتواء لا وجود للظمأ فيه
هذا النص ماء وروضه يابسمه
شكراً لأنك تدفقتي هنا شعرا

 

[نوف مطير]

المشاركة الأصلية كتبت بواسطة عبدالله سماح المجلاد

هذا ارتواء لا وجود للظمأ فيه
هذا النص ماء وروضه يابسمه
شكراً لأنك تدفقتي هنا شعرا

يا اهلاً بالشاعر بن مجلاد
الله يرفع قدرك ويسعدك🙏🏻

 

[سالم العامري]

ليس من ظمأٍ في ظلال الغيم يا مطر
شاعرة ترتوي على ضفافِها الذائقة
لله درك يا بسمة
جميلة فوق الوصف
تقديري