التّصويت على : [ الغَيمة الثّانية ]

[جُمان]

أبْعَادِيُّونَا الكِرام ..

نَضعُ بينَ أيدِيكُم غمامات شُعرائنا الهاطِلة / المَاطِرة والّتي أثّثُوا بِها سماواتِنا ../ لـِ نبدأ التّصويت
ونَعتذر مِمّن استَبعَدنا نصّهُ إمّا لارتِباكِ الوَزن ../ أو عدم مُوافَقةِ النّص للشّروط

ولـِ نتّفق عَلى :
1. يُمنع السُّؤال عن صاحِب الأبيات ../ فقط ضع ذائقتك بـ [ رقم ] الأبيات
2. لِكُل عُضو صَوت وَاحِد فقط ..
3. التّصويت سيكون باختيار رقم الشّاعر _ كما هُو موضّح _
4. سيَستَمرّ التَّصويت لِمُدّة ثلاثة أيام
5. سَيَتِم إغلاق المَوضوع يَوم الاثنين السّاعة [ الثالثة ] صباحاً



صدر البيت المَطلوب إكماله :

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من تَرَفْ هَالحزْن يُولَد بِيْن كفِّيَنه قَلَم= ......................................[/POEM]


[ غَيثُ شُعرائِنا ]



[ 1 ]
[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من ترف هالحزن يولد بين كفينه قلم =ما رضع حبره سوى صبر و أنين الأمهات
من ( ألف ) ذاك الصياح و حتى ( ياءات ) الألم =حي في عالم هجاؤه كل ما قد عاش مات
يبكي و الدمع و سواده ما رضى له ينظلم =واعلن الثورة قصايد في بياض الأمنيات
و انبرى ذاك الضعيف يطارد أسراب الوهم=لين عوّد و انثني عوده بكفين الشتات[/poem]




[ 2 ]
[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]العمر دفتر ، وسطره ماحوى غير الألم=واسمي : الحزن المبجل ،كان بك ياخي وعي
من ترف هالحزن يولد بين كفينه قلم=ولاكتب في دفتري غير المآسي والنعي
ميّت الايام ، نعشه :خافق ٍ كنّه علم=يسأل التايه من احزان البشر :تجلس معي؟
ليت لي قدره على الظالم ،واطول اللي ظلم=تقصر يديني ، ولااملك غير قومة إصبعي![/poem]




[ 3 ]
[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من تَرَف هالحزن يولد بين كفينه قلم=افرحوا يا أيُّها الآسونَ هيّا : إفْرحُوا !!
فلنغنّي " سِيدي يامظلوم مين اللي ظلم "=ولتجيب أوراقنا لكن على هذا النحُو :
من بداية أبجد لـ هوّز إلى لفظة كلم=بعد مدفن سيبويه وقبل تكفين النحُو .
الكتابة : ما هي إلا ترجمة نصف الألم=نصفه الثاني لو نفكّر مؤدّي للمحُو !![/poem]




[ 4 ]
[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من ترَف هـ الحزن يولدْ بين كفّينه قلَم=في ورَقْ هـ العين .. كلمه .. لاح وجهي .. ودمعت !
وين .. ياقتل اختياري هـ الصدى مايستلم ؟= كلّ مانادي : "يُبَه " .. خارت قواي / استجمعت !
الحزنْ , درب الفقير , يضيع في زحمة قَدَم=لاطواه الياس .. خطوه .. سافر لحاجه .. دعَت
ماظلم من شابه .. احزاني .. ولو حزني ظلَم=كلّ دمعه .. تنقتل .. / من مغرب الشمس .. طلعت [/poem]




[ 5 ]
[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من ترف هالحزن يولـد بيـن كفينـه قلـم=لو تنفس صمت روحه يحرق أطراف الجليد
كل مامره شحوب الحـظ لبـى لـه نعـم=فز واطرافه تمجّـد عثـرة الحـب التليـد
سم/ ياعم المشاعر وش بقى لك من وهم؟!=تنتظر رجعة مسافر/ كل ماانده لـه بعيـد
ماسمعـك الا المسافـه و المسافـه تتهـم=رجفة آه ٍ لوحت له في ليـال العيـد بيـد [/poem]




[ 6 ]
[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من ترف هالحزن ينبت بين كفينه قلم=ومن قَرف هالفقر ذابن بين غصاته سنين
من ذَرف هالدمع أعرف أن هذا منظلم=ومن صَرف عينه عن الحق فيه رب العالمين
ومن وقف عند المصايب والكوارث والألم=والأجر وشلون ياصاروا عباده صايمين
من عرف هالحزن دمه حبر وأصّبعه القلم=وأن جفاه الطرس صارن صفحتينه غيمتين[/poem]




[ 7 ]
[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من ترف هالحزن يولد بين كفينه قلم=مايكل من الكتابه يوم فارق راحة أمه
طفل لكن ..ماتعلم كيف ينصر من ظلم=ولاتلملم بالمهاد ولاخضع لرضاء عمه
طفل كان اليا تعبث بالحروف وقال الم=يكتب التاريخ عني من براثينه وهمه
رغم إني طفل لاكن بي تعلم ..من علم=إن الامة ..ماهي أمه الا لامن قلت يمه[/poem]




[ 8 ]
[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]وإن حكى ليل المعنى بـْـ. فمّ جرحه ما سلَم =باقيٍ وقته مرام ٍ لارتباكاتْ الحروفْ
أطّت أنفاس التوجُّس في وريده وإحتدَم=بين ذكرى ما تجيبْ؛ وْ بينٍ ذِكرٍ ما يشوفْ
من ترف هــ. الحزن يولد بين كفينه قلَم=ما كتب حريّته واذعن لما تُبدي الظروف
سلْ -عز الذل- من سيفٍ طعنْ راس الألَم=وإستباحْ بـ جُلّ مكروه الأماني كل خوف.. ![/poem]




[ 9 ]
[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا كبير الضـيق ما تعـفو عن أصحاب اللمم ؟=من حـنـين الذاكـره لين آخـر أحـزاني بلد
من ترف هالـحـزن يـولد بـين كـفينه قلم~=والشـوارع ظـل فـارع والـحـنايا من مسد
مر عـُمر ولا رجعت أشري على أحبابي وهم=كـلـمـا أفـتـح هـنا شـباك يمطرني سهد
يا حزن وأولـك فيني عضة ابـهـام الـنـدم=وش ترى آخرك والضـيقه وسط صدري بلد ؟[/poem]




[ 10 ]
[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من ترف هالحزن يولد بين كفينـه قلـم=فتّحت عينه على حزن ٍٍ إلى حدّ السماء
انتمى لاكبَر قبيلة هـمّ وجْـروح وألـم=واحتمى بالصبر لكنْ من بعَد هالانتمـاء
ارتمى في حضن وقته من عذابه وانظلم=لين حَرّم من بعَدها كلّ معنـى إرتمـاء
كمّ مرة حاول انه يرسم احلامـه و لَـمْ=يبتسم له غير حظ ٍ كـالسراب بْدون ماء[/poem]




[ 11 ]
[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من تَرف هَالحزن يُولـد بِيـن كَفّينَـه قَلـم=يصرخٍ بونّة مشاعر لوّنـت وجـه السطـور
غارقه ذيك المدينـه ونكسـوا فيهـا العلـم=وهبهبت فيها رياح الذل مـن بيـن القبـور
جيت من أقصى المشاعر صحت في قومي ولم=يستمع لي غير جدران الضمايـر والقصـور
ياقيود الضيم غنّي من شـرى موتـه سلـم=ومن يبيع الآخـره سيـف المنايـا مايبـور [/poem]




[ 12 ]
[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من ترف هالحزن يولد بين كفينه قلم =بلل أوراقه جفاف أيام عمره ووجعه
من يشابه ظل حزنه والله انه ماظَلم =ومن مشى والحزن ظله..وش بقى منه معه ؟
مابقى غير الشحوب وآه زفرات الألم = مابقى له غير حلمٍ انكسر ماضيعه
من عرف هالحزن يكسر بين كفيه القلم =لاجل يمسح في كفوفه ماسقط من مدمعه[/poem]




مأدُبة شُعرائنا بين أيدِيكُم ..

تَفَضَّلُوا



.

.