نلوم الوقت ونعلق خطانا بـ مشجب الايـام
............ نبرر ضعفنا دايم بـ قول ضروف ماترحـم
ونقضي وقتنا نهرب من الواقع إلى الأحلام
........... عسا بـ الكذب لو صدفه نحب وشملنا يلتـم
وإذا شحّ اللقا نفتح شبابيك الوصال أوهام
............ يجوز لـ من فقد لـ الـما من الموجـود يـتيمـم
نعيش الكذبه البيضاء بأن اللي نبي قداااام
............ وبكـره يبتسـم وجه الزمان بـ وجهنـا مرغـم
ولا نلقا سوا خيبة تسوق بـ دربها الأقدام
............ ندوٌر لـ الفرح موعد ولـِ جروح الوفا بلسـم
خطاوي العمر تسبقنا وعامٍ يقتفي له عـام
........... مابين الحزن والفرحه ، وبين الحلو والعلقـم
نطيـح ونوقـف ونرجـع نطيـح وحظّنا ماقـام
............. أفـا ياحظّنا المايل متى من ميلتـَك نسلـم ؟
حظوظ الآدمي أرزاق ماتشـرا ،، ولاتنسـام
.......... كريم الله هو يعطي ، وهو يمنع ، وهو يعلـم
لنا آمااال نودعهـا بـ يـد اللي أبـد مانـام
............... عساه بيوم يرزقنا ونرضا باللذي يقسـم
بـ يومٍ بـه صحايفنا تجـفّ وترفـع الأقلام
........... وعن كل الذنوب اللي جناها ضعفنـا نكرم
هناك نعيش مانشكي من الفرقـا ولاننضام
............. ويجـزا كلٍ بـ صبـره ..سعيد بـجنته منعم
أحلام مؤجلة
آخر المشاركات
04-15-2022, 08:10 PM
مشجب الأيام
العرض الشجري