عـابر سبيـل .....م/1

[لفى الهفتاء]

[COLOR="Red"]بسم الله الذي لا يحمد على مكروهٍ سواه

أخواني إدارة ومشرفي وأعضاءأبعاد أدبية

أسعد الله اوقاتكم بكل خير

اتشرف بوضع اول قصيده لي في هذا الصرح الشامخ

.

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]يا فريد الحسن ما بالحسن غـــيرك فـــريد=بس معـــكم شــربة الماء مثــل علة نحـر


النـــوايا مجهـــمه !! والمـــنايا بالــــوريد=حكمة الرجّــــال في ساعة الشـــدة ظـــفر


يوم لي ضـــاقت مداهـــيل ربعي بالشــديد=عـــدّني عـــابر سبـــيلً ليـــا صلى قــصر


من رضى في عــايل العــانية يصبح عميد=مثل من دوّر على غـــزوة اربوعه عــذر


القضـــية بين عـــبدٍ وهـــارون الرشــــيد=والسفـــر موجـــوب لو والي الدولة نهر


ليه مرحـــل يوم سيـــفي ثلم سنه جــــريد=والزمـن ذا خفرةٍ تفهــــق الوجــــه بدبر


القهر ما هــــو ليا ســـادت الدنيا عــــــبيد=القــــهر لا استــــعبد الحـــر ذا والله قهر


عزي لمن حــــط لهله مثل ســـــيف الوليد=عقـــب ما كانوا ليا ضــــاقت الدنيا ظـهر


كيف بستعجب عقــــب لان جلـــهام الحديد=والثمـــان اللي معي كانت البـارح عشر


الخطر وســــط الكتاب أو بســـاعين البريد=الوكـــاد ليـــا وصـــلنا حـــدا ذولي خطر


صرت أدوّر للستر من طـــرف بشت العقيد=عقب ما السلـــطان مبــطي يدوّر بي ستر


واعـــذابي عــقب ما قـــومي الذخر الجويد=صرت أدوّر عـند قاص العرب عنهم ذخر


نار الأقصى لوّ من حنـــوة أضــــلاعي تقيد = تهـــضم ولا نار الأدنين لو عـــــودٍ خضر


يالفـــريد أدري ليا غــــبت عنهــــم يوم عيد=وعيد من لا يدهلـــه موطـــنه يوم السـفر


إيه أريــــدك بس ربي يســــوّي ما يـــــــريد = والهـــدف من دونه الموت والوجه الودر


حافــــظٍ ماء وجـــه قــــومً يبــــدّون الجحيد=وأطـــيب المعـــروف منهم ليا اُمّن غـــدر


شرهة الله في حياتي على شـــــرهة فــــريد=كيـــف بالله يرتجي لي عــن الطرقة صبر


ماش صـــــبر وداعي الموت لي مدلوع جيد=والقضاء في سيف حمزه وفي حنكة عمر


عـــزتي لي من وأنا أورع أهيــــم بكـــل بيد=هايمــــت بي نـــار قـــومً بجــوفي ما تذر


عشت بغــــرب وقتٍ وما ربيت إلا وحــــــيد=السفــــر والعــــالم الله على مثلي قـــــدر


ما لرجلي بشـــهب الدو ليا من ضقــــت قيد=والوطــــن فيه المنايا مجـــاهيم وعـــــفر


بس مثلي عــــزه اللي رفع قـــــــدر الشهيد=رازق الداب العـــمى في حجر خبتٍ وعـر


ساق لي عـــابر سبيــــلً مع الطـرقة ضهيد=عابرً من حضر مـــوتٍ يبي ســاحل مصر


قــــلت يا عابر من أنته وأجب عابر بعــــيد=قال وأنت وقـــلت من لا ذكــــر مثله بشر


قلت من لا غاب بسمه عن حضوره ســـديد=وإن حضــر يكفي ولو كل خلق الله حضر


آيةٍ للبــــاس والحلــــم في قـــــلب الشـــديد=وآية السلــــوان قــــدام عين المحــتضر


من مع الصفـــرة يجاوب هجــاريس المريد=لين تجذب عنــدل الجان من صوته شقر


لي عقـــــل عثمانً وفعــــل خـالد بــــن وليد=للربع هـــــدّاجً وللعــــدو مــــوتٍ حمـــر


قال تاخذ قـــــلت إي بالله على قــــدر الزهيد=قال تعـــطي قلت أفا وأبــك أنا وافي شبر


قال وش لك بالشعــــر كبن كلــــثوم ولبــــيد=قلت وأكفي (بعض) شعّار جيلي في شطر


وأسمي الطـــوفان جارف من بحـور القصيد=وأمتثــــــل قــــومً كـما عامرً مثــّـل مضر


قال عـــابر قلت من شـــين ما شفـــته شريد=لي عن أهل الخيـــزرانة مثـــل دربٍ قطر


لعنبوا الجمـــهور وأهــــل السيادة سيد سيد=قال لي ما من مفـــر قــــلت كــــلا لا وزر


دام رجلي تضــــرب القاع يا عـــــــابر بحيد=قال بالعــــزلة فقر لك يا طـــوفان الشـــعر


قلت أنا واحــــسبي الله وش الأمــــة تفــــيد=ما بعـــد هذي فقر صـــدق لا قــــــالوا فقر


كيف أشيّــــد بيت في قـــــوم عيّــــلهم تسيد=والرجل فيهم عليّ الحــــرام احســاب غـر


قلت أنا مثــــلي يعــــيش العمر هـــايم سعيد=قال توفي ؟ قـــلت خذها على ارقبــتي نذر


مثل ما خلــــيت عنـــد العرب حســـــنً فريد=يوم معــــهم شربة المـــاء مثــل علة نحر[/POEM]

(ملاحظه)
برنامج تنسيق الشعر لا يعمل فقد حاولت اكثر من مره بإن أنسق القصيده ولكن دون جدوى
.
ولكم تحياتي