تعال واكتب حالتك/لحظتك شعراً ..!

[نورة القحطاني]

تجي نكتب مشاعرنا !
انا حرف وشعورك حرف
نشوف شلون بتكون القصايد لو كتبناها !

 

[صالح العرجان]

احيا على همك ولا احيا بدونك
اصلا بدونك قل لي احيا عشان ايش

ان مت جوع بحضرتك ما اخونك
السالفة اكبر من الملح والعيش ..؟!

 

[جليله ماجد]

و ظننتُ أنك قد تعود كخائب ..
و ظننتُ بأني مكتفٍ .. يا حسرتي!
و إذا بظني قد تبدل بغتةً ..
و إذا بسهم الشوق يردي نشوتي *
* لصاحبها : ناصر

 

[غاده]

‏ما عاد أبي رد الجمايل من الناس
‏إلا عسى رأسي من الناس يسلم

 

[نورة القحطاني]

أفكر !؟
أكتبك وانسى بك الماضي
واعيدك من جديد بداخلي انسان
.
وهات الصبر ماعاد للوقت ميعاد
ساعة بلا عقرب تمدد عطبها !

ان طولت حجة وغربة وميلاد !
ماتقصر الا من سبايب شغبها !

هاته على ملح المواجع ولو جاد
مايسهرك صمته وهو ماشربها

بعض القصايد عذرها عذر الاجواد
يهدون بن ارواحهم مع رطبها

.

 

[صالح العرجان]

ترحل بي عيونك لماضي سنينك
واشوف نفس اللي قبالي قبالي

 

[عبدالله صلال العساف]

اقدع من احروف القوافي ...وأقهويك
فنجال شعر من الغلا ماتهزّه

تشوف به شي يشابه معانيك
اذا اعجبك حاول بسمعك تمزّه

عبدالله العساف

 

[إيمان محمد ديب طهماز]

وَإِذَا مَا ٱلْتَامَ جُرْحٌ جَدَّ بِٱلتِّذْكَارِ جُرْحٌ
فَتَعَلَّمْ كَيْفَ تَنْسَى وَتَعَلَّمْ كَيْفَ تَمْحُو