أسطورة الحسن

[خلف الكريّع]

بسم الله الرحمن الرحيم


السلام عليكم ورحمة الله وبركاته



[POEM="font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]حبيبتي حسنها متمرّد وصابي=يتكلم الحسن فيها كنـّها لسانه !
لو اختصر وصفها واحيّد اعجابي:=هي الجمال انخلق في صورة انسانه !
.=.
في حسنها يلتقون ( اعداي واحبابي ) =اخاف غدره .. وماني قد نسيانه !
تعبان في قربي ! وتعبان بغيابي ! =من يهجر احبابه ؟ او يامن لعدوانه ؟
.=.
ياعم .. لا شفتها ما ترمش اهدابي=كأن من شافها تتخاصم اجفانه !
في وجهها كل ما يطري على نابي=من خوخه .. لتوته .. لحبات رمانه
مزيونة ٍ كل ما لاحت لي القى بي=قصايد ٍ في بحور العشق غرقانه
.=.
ياعم .. لمّا تسولف تحرق اعصابي != مخارج حروفها : ثملى ونعسانه !
تحكي - وانا من غنجها سايل لعابي ! - =وبصوتها ( رعشه ) ولا هيب بردانه !
في طيّب انفاسها / ضاع أنفس اطيابي=وبشفاهها / ضاع طعم التوت والوانه
.=.
يا عم .. بعيونها ( غي ) يْتسلابي=بعيونها ( طهر طفل ) و ( كيد شيطانه )
فيها ( صباح الحمام ) و ( ليل الارهابي ) =براءةٍ تشتكي من ظلم وخيانه
ليل يْتربّص بي / وصبح يْتعزوا بي=وبدر ٍ طعنه الظلام وحاصر اركانه !
.=.
كأنني مع شعرها ( شيخ : متصابي ) =وكن الهوى معه ( طفل ٍ : عز سلطانه )
له : رغبة السادي / ولي : نية السابي=وان فرّعت كل منـّا جنت جنانه !
نسيمه يصيح بي : لا تلمس العابي=وانا اتعمد مغابشته وعصيانه
اللي - نوى ياخذه - باقـنـّه ثيابي=وانا مع ثايبي اتهاوش على شانه
.=.
ياعم .. لو شفت منظر صدرها النابي=( نونين كوفيتين ) وبينهن ( خانه )
او هن ( صدفتين ) لبسن ( تاج عنابي )=( ومحارة ٍ - كل فلقه - وسطها دانه )
متزاعلاتٍ وهن جيران واقرابي !=واليا مشت .. كل ٍ يدافع عن اوطانه
لهفي على / سَحْرها لو كان : مشرابي=ولهفي على / حجرها لو : نمت باحضانه
في جسمها لبعضها عن بعضها تحابي=أجزاء جوعا بها .. وأجزاء شبعانه !
خصر ٍ ( مسيكين ) تحته عجز ٍ( مرابي ) ! =وساقين عطشانه .. وفخذين ريّانه !
من وين ما شفتها يبلغني مصابي=ما فيه شبر ٍ بها ما طحت بادمانه
نقص ٍ - مهو زود فيها - عـنـّها هابي=وزودٍ - يُرى نقص - ما تتقبّل احسانه
.=.
يا عم .. شف حسنها وشلون سوّابي ؟!=شف كيف صدع الجبل لا ثار بركانه ؟!
شفني - ليا من طرت - كيف اترك اصحابي ؟!=شف كم لها عيني من الشوق سهرانه ؟!
ياليتني - يومها دقت على ابوابي-=عيّيت لا افتح لها قلبي وبيبانه
ولا اعطيتها واجب اسلامي وترحابي=وسكّرت حتى قبل ما اقول غلطانه
وصديت عنها وهي ما تعرف اسبابي=صدة كريم ٍ حشم عورات جيرانه
ما عاد تنفعني امجادي .. ولا القابي=غادرت عز القصور / لذل زنزانه !
جتني وانا .. شيخ قوم بعين شيابي=وراحت وانا .. طفل بعيون اصغر اخوانه ![/POEM]




مع ودّي "


خلف

 

[وليد الفالح]

خلف الكريع
كان لي شرف الحضور الأول
وصف رائع ومقدره وحرفنه
لايجيدهاإلا شاعرمتمكن
مودتي ياخلف

 

[عبدالحميد بن ناحي]

خلف الكريّع

هبّ في هذا النص النسيم

وحل بطرفه الوسن

شكراً خلف

 

[محمد السالم]

هلا بك يا خلف وهلا بهذه الدرة

التي سبق لي مصافحتها في مكان ما

ولكن لن يغنيني ذلك من مصافحتها أين ما اجدها

لعلق تغفر لي تطفلي ومطاردتي لهذه الدرة

وكل ما يتحفنا به خلف الكريّع

لك الود والورد

 

[م.عبدالله الملحم]

تحية
باقة ورد
سلام كبير

و باقة ورد
ـــــــــــــــــ ترحيباً بعودة هذا الــ أنيق
و لي عودة أخرى


تقديري

 

[خالد العنزي]

الرائع خلف الكريع


بصدق اسم كعلامه الجوده لا يأتي الا بما هو رائع

ومميز

تقبل ودي واحترامي

واعطر التحايا لقلبك

 

[حنان محمد]

خلف الكريع

مبارك لنا هذه العودة ..

وإن طال انتظارنا لها ..

ولكن .. عذرنا ( بـ أنك كريم وأحنا نستاهل ) ..

فلا تكرار هذا الغياب ثانية ..

تحياتي..

 

[عبدالمجيد العِزّه]

وعليكم السلام ورحمة الله وبركاته ..


خلف الكريّع ..
وحضور من نور ..
لشاعر .. لطالما تابعته وابهرني كثيراً
باحساسه الطاغي بما يكتب ..
تملك بناصية الذائقه بأناقه ..

كنت متألقاً كالعاده ..
بنص لذيذ لآخر حرف ..
فختامه اسطوري .. !
كُن قريباً ..
فوجودك .. مطلب ..


دمت بتألق ..

وألف شكر لك ..