وطـن أغراب

سطام مشهور · 09-12-2009, 06:04 AM

[poem="font="simplified arabic,5,black,bold,normal" bkcolor="white" bkimage="" border="none,4,gray" type=2 line=0 align=center use=ex num="0,black""]

على روحي حزين اسج رجلـي والمـدى كـذاب=وتاخذني الـدروب لوحدتـي وطعونـي اطعونـي

سفر ليت السفر فـي يـوم مايستجـدي الغيـاب=او انى لا وقفت ...... ابكي اطيحهم مـن عيونـي

تغافلنـا السنيـن وعمرنـا لرواحـنـا نـهـاب=ياليت انـه مـن احبابـي تعلـم كيـف ينسونـي

وطن.. كم قلت لك هذى الثرى لا يوطن الاغراب=او انـك لا تفقـد وجهـك المرتـاب بسجـونـي

امانـه ياتشـد القيـد او تفتـح لـي الابــواب=ولا تتركنـي الواقـف مابيـن الذنـب وظنونـي

ابيـك الفتنـة اللـى ماعرفنـا لسرهـا اعجـاب=ابيك العاقل اللـي يحتمـي عقلـي مـن جنونـي

ابيك لذنبي الغفـران ولا تسـال عـن الاسبـاب=لانـى لـو نمـوت اللـي يعزونـك يعـزو نـي

تخيلنـا علـى كيفـك ولكـن لا تجـى مرتـاب=لان الظـن لـو تعتـق شياطينـه .....تبلـونـي

تعبت اخايل مزونـن تمنـي هالثـرى باعشـاب=وانا من عام فـي صوتـي يتامـا لـك ينادونـي

عبرتك كانـت الدنيـا تمرجح بي علـى الاهـداب=بكيتك ...مااشكيت الحمل لو هـو اتعـب متونـي

لو اني ياوطـن مـن فقـد جيـت ادور الاحبـاب=تجـف الارض تتباعـد ....ولا مرت بـي مزونـي

هنا كنا ...وكان الليـل يشبـه هالمـدى الكـذاب=يسولف لي ...عن احلام ....الثرى ويغرب شجوني [/poem]

خالد علي اليامي · 09-12-2009, 06:47 AM

1

1

سطام

نص اقل مايقال عنه رائع

احساس صادق

لله انت

ودي

ميــرال · 09-12-2009, 06:57 AM

او انى لا وقفت ...... ابكي اطيحهم مـن عيونـي

يكفيني هذا الشطر وهذه الصوره وهذا الأحساس الغارق من بداية النص الى آخره بكل شيء يسافر بنا لكل شيئ

حزن هذا النص مكثف
كهذه الشاعريه بهذا الــ سطام

عبدالعزيز الرقابي · 09-12-2009, 11:57 AM

هطول يزدان بالروعه من أوله إلى آخر حرفٍ فيه
مميز أنت دائما ً ياسطام
فبمثل هذا العزف ترتقي الحروف..

تحيتي

نواف التركي · 09-12-2009, 07:08 PM

يا سطّام

والله أني إنتهيت من القراءة وتسائلت
كم من الوقت سيمضي وأنا أتجوّل بحثاً عن مثل هذه النصوص

أكتبوا رحمةً بنا
فـ مثل هذا الشعر يُطرب والله

لا أعلم لم تبادر إلى ذهني شطر لـ عبدالله سعيد

الصبر وين الصبر يا مشهور

كـ أني والله أفتقده , فالجميل يذكر في حضرة الجميل .

صح قلبك