ّ ،،، مـــيــــانــة ،،، !

[حسين الحوّاس الجباري]

بلا مقدمات



،

،

،

،

،

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تمون بعض الناس لكن بعض نـاس=مـا ودك اطيـح معاهـا الميـانـه

وش لك بهرج الناس وابليس خنـاس=واسمع قوافي قلـب ماهـو بمكانـة

لي صاحبن لاهو ذهب لاهو المـاس=فوق المعـادن معتلـي فـي زمانـه

لو يسمـح بخدينـة السمـر ينبـاس=لنزل وسط شفتـه واشـرب ثمانـه

كل ما نظرته يرشف الشاهي احتاس=واقول في نفسـي يبخـت الستكانـه

ما غيروا به لا عواذل ولا انجـاس=حاس الجميـع بحبنـا فـي رزانـه

يدري بي راعي قلب مرهف وحساس=وادري به راعي قلب ياسع حظانـه

حورا عيونه والبـلا فيهـن انعـاس=هن لا وقف هالقلب طـب وصيانـه

لا صرت بعيونه تقل شاربن كـاس=يضيع وصـف الشاعـر وترجمانـه

مره ايتغلى ومـره ينتابنـي بيـاس=ومره ايغدي بين العقـل والشطانـه

لكني اشهد له علـى كـل قرطـاس=كريم وصل ولا بخـل فـي حنانـه

يسمعني بقبه وهـو فاهـم وحـاس=ماهو مثل من يسمعـن بـس بذانـه

لو يخطي ويبدي علي كل الاجنـاس=مسموح له حتـى الغـدر والخيانـه

و لو يذبح الحساس وايدوس الاحساس=له في وزارة قلبي حصن وحصانـه

تمون بعض الناس لكن بعض نـاس=بسرع زمن ودك ،، تطيـح الميانـه
[/poem]

،

،

،

،

،

 

[حسين الحوّاس الجباري]

مــــبــــارك عـــــلـــــيــــكـــم الـــــــــشــــهــــــــر

 

[ميــرال]

يحق للشعر يعتب

كل عام وانت بألف خير

يارائع الحرف والحضور

 

[نجلاء حسن]

**
قَصَيَدَهْ رَآئِعَهْ , وَالَإحَسَآسُ هُنَآ فَآقَ كُلَ شَيءِ ...
أ . حَسَيَنْ شُكَرًا لَ هَكَذآ إرَتوَآءْ !

**

 

[محمد السالم]

مرحبا بك يا حسين

مرحبا بك وبالشعر

وكل عام وأنت بألف خير

 

[حسين الحوّاس الجباري]

الاخت ميرال اسعدني تواجدك

لاهنتي

 

[حسين الحوّاس الجباري]

المشاركة الأصلية كتبت بواسطة أنثى النقآء

**
قَصَيَدَهْ رَآئِعَهْ , وَالَإحَسَآسُ هُنَآ فَآقَ كُلَ شَيءِ ...
أ . حَسَيَنْ شُكَرًا لَ هَكَذآ إرَتوَآءْ !

**

شكرا للمرور

 

[حسين الحوّاس الجباري]

المشاركة الأصلية كتبت بواسطة محمد السالم

مرحبا بك يا حسين

مرحبا بك وبالشعر

وكل عام وأنت بألف خير

شرفني حضورك