( هدوء مُتناثر ) ..!

[مرضي البلوي]

شكراً جزيلاً لجميع الاخوان والاخوات
أتحفتموني بجمال ترحيبكم وشرّفتموني بذلك اجل تشريف
أرجو ان اكون جميلاً بالحضور بقدر جمالكم هذا


لكم التحيـّة جميعاً

 

[مرضي البلوي]

لا تطفي النور قالت بوقد الشمعه
أخاف تطفيه قالت واحرق أيديني

قلت: أن حصل لطفي النيران بدمعه
تنزل علي شانك الدمعات من عيني

قالت: و إذا ماحصل واحلوت الجمعه
قلت: أستحي منك ثم أقول ضميني

قالت: أفا من بداية حبنا طمعه
قلت: أمزح أمزح ، سواليفك تكفيني

أنا لو الليل يرخي لي كذا سمعه
يسمع وش أقول لا قلتي تحبيني

أجزم يجيه النهار ويشتهي رمعه
وش ذنبه الليل ماوده يخليني

قالت: حبيبي وشوف بعينها لمعه
أدري ترا فيك و إحساس الهوى فيني

هليت ( عبره ) وراحت تطفي الشمعه
وهلت هي دموعها واحترقت أيديني

 

[مرضي البلوي]

عاطفي جداً وأنا كلي خجل
كيف لو ماللخجل فيني ظهور

أدري إني ذوق واخلاقي عسل
وأدري إني مرهف وكلي شعور

وأدري إني لو ابكتب لك غزل
تستحقين ( التكبر ) و ( الغرور )

يكفي إن اسمك بمعناه .. الأمل
ويكفي .. إنك بينهم بدر البدور

عاجبتني لو تحبين ( الزعل ) ..!
تاج راسي في غيابك والحظور

 

[مرضي البلوي]

هُنـا

علميني فيك عيني وش تقول
لاتقولين أوصف احساسك غزل

كيف أعبر لك عن احساسي خجول
أه لو تدرين فيني وش حصل

صرت أعاني والمشاعر في ذبول
و الصبي مايذبحه غير الخجل

دوري لي حل شوفي لي حلول
لا تخليني كذا ميت ملل

الحقيقه صدق أنا مالي قبول
بس أبترجاك تعطيني أمل

والله إني غير وعيوبي زعول
عاطفي ، جذاب ، و اخلاقي عسل

وش بغيتي و المحبه ماتزول
فوق هذا لاتجيبين الزعل

كلمتين أقولها غني ( يحول )
وتعرفين الشوق في قلبي نزل

تعرفين الليل رحمه لو يطول
و المأسي كونت شاعر فحل

 

[مرضي البلوي]

أُغنيات الليل وطيور الصباح
والشبابيك الحزينه والقصور ،،

والنوارس والشواطي والرياح
والمدينة والشوارع والزهور ،،

كلها تسأل حنيني وين راح
الغياب اليوم يستنى حضور ،،

 

[مرضي البلوي]

سامحيني ..
بعدها قولي كلامك ..
قولي إني ما أحترمتك .. قولي إني ما أصونك ..
قولي إني ما أحبك ..

عاتبيني ..
عاتبيني ..

ياحقيقه ..
يا خيال .. يا صحآري .. ياشموس .. وياظلال ..
عاتبيني ..

بعدها قولي كلامك ..


نادي وقولي ( تعال ) !
وامسح دموعي .. وسامح !

والتفت يمك وناظر ..
واقترب منك وأقول ..

(سامحيني لو سمحتي .. سامحيني ) ....!

 

[مرضي البلوي]

قربي مني واحس إني قريب
من عرفتك والمشاعر خايبه
..
إنتي اتقولين مُرضي لاتغيب
والحقيقه ( إنتي اللي غايبه )

 

[مرضي البلوي]

من يقول إني أحبك يستريح
والله إني ما أحبك اعشقك
..
علميهم كيف لارحتي أصيح
وكيف لاجيتيني أقوم اخنقك