|..روحـ الطـفـولـه ..|

[لوعة الشوق]

السلام عليكم ورحمة الله وبركاته

مساؤكم رضا من الرحمن
من القصائد القريبة الى قلبي جداً أنثرها هنا ويملؤني الأمل بإن تنال استحسانكمـ ..

كبرياء أنثى تحول من جمود لإنصهار
في بقايا طفل يتمتم فـالزوايا وين وين ؟؟
.
.
إنفطر قلبه صغير وإحترق بالجوف نار
لا هو قادر منها يبكي ولا هو متحمل أنين
.
.
إنفرد بالشوق وحده في بدايات إختبار
لين أعلنها بصوته في تجمع حـــاضرين
.
.
صرت أحبه .. لأ عفواً .. حبه فيني هو قرار
وبين يوم وبين ليله صرت ضمن العاشقين
.
.
ما دريت العشق دربٍ ياخذك نحو الدمار
والدليل اللي حصل لي ثم حصل له يامعين
.
.
تسعه وتسعين منّا فالهوى عاش احتضار
ثم يبقى نص حياته إيـــتـكـلم عن حنين
.
.
كثر حبات الرمال اللي تعدت هالحصار
وكثر تغريد الطيور وكثر أحجار وطين
.
.
وكثر دمعات اليتيم اللي تعذب بيد جار
وكثر دعوات العقيم اللي تمنى هالجنين
.
.
اني أشتاقه وربي شوق يحمله انتظار
دوم أفكر وش شعوري لاصدفت بخطوتين
.
.
وش بسوي وش بقول .. وش بقول بإختصار !؟
(آنا والقلب الحزين ... محنا بعدك طيبين ؟)
.
.
والله ماتشرح شعوري وآنا صوب الأنحدار
آآه ليتي ماعرفته... ذقت طعم الدمع زين
.
.
كلما غضيت طرفي جابته روحي مسار
ثم تذكرت الليالي والوصيه ودمعتين ..!
.
.
آآه لامني ذكرتــــه ثم تخيــــلـــت الحوار
وإنسجمت وقمت أبكي وإنرسمت بكل عين
.
.
قلت ياخلي أمانه هو حصل مني شجار
تكفى رد الصوت تكفى قول لي انك يقين
.
.
وأنصدم اني لساعه كنت أحاكي لي جدار
الخيال اللي لعب بي والمحبه يافطين
.
.
أدري حاله يمكن أردى وكان بيده الأختيار
لايمنّيني بوصله و ثم يســحـبهـا يدين..!
.
.
يكفي اللي منه شفته صرت أحس بإنكسار
في زوايا روحي اللي سلمت قلبي رهين
.
.
وإعشقت همسات صوته اذني في وضح النهار
كان شمس في حياتي وفي المساء قمرا تبين
.
.
كان هو اللي أحبه حب سبب إنـــهــيـــار
حب قصّر لي فعمري ... حب كبّرني سنين ..!
.
.
شفت كيف القوه فيني أبتسم داخل شرار ..!!
والشكل أنثى ولكن ... هالطفولة كل حين
.
.
كبريائي قد منعني أنحني لأسباب ثار
والله يحرمني شبابي لانويت بفعل شين .!!
.
.
بآخذ أشيائي وبرحل وأنتظر داخل مطار
رحلتي يمه بتبقى ... فالسنة له مرتين
.
.
مرةٍ أنثى تجي له تخفي شوق بـإقتدار
ومرة روح الطفولة تبكي تسأل أنت وين ؟؟

لوعة الشوق

٨/٢/١٤٢٨

 

[فاطمة ناصر]

لوعة الشوق
ماكان قريبا لقلبك تقرب لقلوبنا حتى التصق
نثرتِ اريج الوله في اعيننا فلا تظلمين شوقنا لتوهج ابداعك
لاعدمناكِ يالغلا
دمتِ بسعادة

 

[فهد الغبين]

لوعة الشوق


الله عليك ..وكفى

 

[ظافر الهرمسي الهاجري]

صح ألسانك

لوعة الشوق

قصيدة قمة في الروعة

لا هنت ِ

 

[لوعة الشوق]

المشاركة الأصلية كتبت بواسطة فتاة تهامة

لوعة الشوق

ماكان قريبا لقلبك تقرب لقلوبنا حتى التصق
نثرتِ اريج الوله في اعيننا فلا تظلمين شوقنا لتوهج ابداعك
لاعدمناكِ يالغلا
دمتِ بسعادة

فتاة تهامه
وماكان قريبا لقلوبكم محبب إلي اكثر ..!
استمتعت بتواجدك الأول هنا عزيزتي
لاتحرميني روعة اطلالاتك ..

لك كل الاحترامـ
لوعة الشوق

 

[خالد العزاب]

بآخذ أشيائي وبرحل وأنتظر داخل مطار
رحلتي يمه بتبقى ... فالسنة له مرتين


رائعه كثيراً احساسك مترف ماتع!!

روح النص جميله وانتي صاحبة نفس طويل
وهذا يحسب لك !!

تعيشين يارب

 

[لوعة الشوق]

المشاركة الأصلية كتبت بواسطة فهد الغبين

لوعة الشوق


الله عليك ..وكفى

فهد الغبين ..

تواجدك هنا يكفي ..
لاتحرمني تواجدك ...
لك كل الاحترام
لوعة الشوق

 

[أمجد الدبيسي]

.
آآه لامني ذكرتــــه ثم تخيــــلـــت الحوار
وإنسجمت وقمت أبكي وإنرسمت بكل عين


نص يجبر على الاسترسال بالقرائه
ويجعلنا نطمع بالمزيد يا غرق

لله انتِ