(( غـربـة أمـاكـن ))

[متعب آل حشيان]

ياابعد من البعد وأقرب من نظر عيني

وش حيلة اللي تضيع النظره بعينه

***

لاقلت ابنساك يعني انك تناسيني

حتى لو الصعب في شي(ن) تناسينه

***

ماامداك فيني وانا ماعاد يمديني

بعض المواجع تدك القلب وتدينه

***

غربة اماكن لها نبت بعناويني

يالوعة اللي ضماه اصبح عناوينه

***

في صفحة اللي مضى لاعاد تقريني

وقصيدي اللي انكتب ماابيك تقرينه

***

تلبس شوارع زماني ظلمة اسنيني

والعمر تمضي به الحسره مع اسنينه

***

يامتعــبتنــي طلبتــك لاتحبيـــني

والطيف مني طلبتك لاتحبينه

***

ماودي اللقى العذاب ولاتلاقيني

ولاودي اني عذاب(ن) لك تلاقينه

***

خلاص أبشطب كلام(ن) تكتب ايديني

والماضي بكل مااعني بربط ايدينه

***

تعبت أشيل الآلم وأقابلك فيني

وأنتي السراب احتضنتيه وتفيينه

***

هي كلمه وبعدها للبعد تقصيني

والامس تكفين بااللي فيه تقصينه

***

كررتها لك واكرر لاتحديني

على الزعل من صمل لالاتحدينه

***

دورت عني رفعت الصوت انا ويني

والمهجر اللي دعاني ويني ووينه

***

مع كل الحب لمن مر من هنا ..

محبكم / متعب الحشيان

 

[متعب المضعان]

ياسلااااااااااااااااااااااااام


متعب الحشيان


دائما ً ما تأتينا بديم ابداعك الراقي

بهطول ٍ يرضي الذائقة


ويجبرنا الا نغادر الا ونضع لك صادق الرد

البعيد عن المجاملة


رائعة بكل ماتحمله من ترف وجمال


لله درك من شاعر


اعجابي ومتابعتي الدائمة

ودمت ودام ابداعك

 

[صالح الثبيتي]

ماامداك فيني وانا ماعاد يمديني

بعض المواجع تدك القلب وتدينه

***

غربة اماكن لها نبت بعناويني

يالوعة اللي ضماه اصبح عناوينه

***

في صفحة اللي مضى لاعاد تقريني

وقصيدي اللي انكتب ماابيك تقرينه



متعب

اجد التميز رفيق حرفك الدائم

سرني ان اكون من من حضرو هنا لتسجيل اعجابهم

صح لسانك اخوي

لك خالص مودتي

صالح الثبيتي

 

[اورنس الهذال]

تلبس شوارع زماني ظلمة اسنيني

والعمر تمضي به الحسره مع اسنينه

***

يامتعــبتنــي طلبتــك لاتحبيـــني

والطيف مني طلبتك لاتحبينه


الله الله الله

صح لسااااانك يامتعب ولاهنت

قصيده جزله من راس جزل

بإنتظار جديدك بشوق

دمت بود

 

[متعب آل حشيان]

متعب المضعان ..

حضورك كسا متصفحي لون النقاء ..

مودتي ..

 

[عبدالله ثويني المانع]

..

العزيز / متعب الحشيان ..أهلا بك
( غربة أماكن ) هي امتداد لجمال ورقي فكرك
دام تواصلك الممتع .. لك الشكر والتقدير

أرق التحايا لقلبك

..

 

[نواف التركي]

تلبس شوارع زماني ظلمة اسنيني

والعمر تمضي به الحسره مع اسنينه



متعب

شاعر راقي

احاول ان لا اغيب عن متصفحاته

دمت بخير

 

[مشاري الفضلي]

في صفحة اللي مضى لاعاد تقريني
وقصيدي اللي انكتب ماابيك تقرينه

سلمت يمينك على هالابداع
صح السانك وسلم بنانك