صوت المطر
صوت الغياب
وأنا جسد من دون روح
ولاصحاب
اخرج شوي من غرفتي
وأدور حول اللي أحب
واللي أحب ماهو معي
ولاهو بعيد
جدران قلبي والسحاب
من كثر شوقي
أمطرت
واخرج شوي من وحدتي
وافتح كفوفي للسهر
يالله عسى تمطر عيوني بالنعاس
وأجلس قريب
من باب بيته وانتظر
رب كريم
يعطي لعبده ماسأل
يارب حالي تعلمه
وانت الرحيم
اغفر لعبدك زلته
وذنبه القديم
وصوت المطر
صوت الغياب
وأحباب قلبي مادروا
يانا وحيد من دونها
يانا وحيد
وأحباب قلبي مادروا
مااقدر أبوح
لو حاولوا
وطبعي الصبر
جدران قلبي سافرت قبل الخيال
وأحلام مثلي ضايعة وسط المحال
واجلس على قلبي الحزين
جمر ومطر
لاتحرقي وجه الغياب
بدفترك
يكفي عذاب
يكفي قهر
الله كريم
الله رحيم
وأرجع أنا من ألف باب
افتح عيوني
للسحاب
وبكره يجي
وأتذكرك
وأذكرك
لو ماقريتني بياض
تقرين حزني والغياب
في كلمتين
ياأنا أحبك
واعتذر
لعيوني اللي ماتنام
إلاّ على
" صوت المطر " !