مـجـنـونـهـم

محمد السالم · 09-19-2007, 12:40 AM

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]البارحة يا ثقلها قطعة سديمٍ من عذاب = اول ليال الغايبين اللي حملت اشطونهم

تنعا الأماكن فقدهم ينعق على الحايط غراب = ماعاد لي شونٍ طليق إلا ان شوني شونهم

سديم ليل البارحة مدعاة وجه الاكتئاب = أنا الوحيد اللي طرق ببواب شُهب احزونهم

ناسٍ لهم في خافقي ارفه لأرايك والشراب = أعصر لهم خمر الغلا قبل جفاف اغصونهم

الله يجازي هجرهم اصبح شرابي والزهاب = يسقيني العقلم عنت يافي معي ويخونهم

عيني على ذاك الطريق اللي غدا مصدر سراب = وأنا تأمل في السراب اللي زما من دونهم

ياريح هبي وجرفي مني شجوني والعتاب = اسطور شوقي والحزن ياربهم يقرونهم

يارب يقرون العتب ويهونوا من ذالغياب = يوفون لوّ ساعة زمن يطببون اطعونهم

لا صرت أنا طين المحل ومطارهم غيث التراب = من حقي استبرق خيال في رفيف مزونهم

بالله ياشمس الأصيل اللي ذوت باخر حقاب = مالاح لك دمعة ندم في رمش نجل عيونهم ؟

قولي لهم في العرف شيء ينعرف بإسم الأياب = مايعرفوا كسب الجميل بحق من يغلونهم ؟

بعض الغياب من الجنون ياثم بها راع الثواب = الله يسامح فعلهم يجفونني واصونهم !

أنكان لوّ عَرفوا جنوني ؛ نكسوا روس الركاب؟ = هاذي الدلايل كُلها تثبت علي مجنونهم [/POEM]

شــمــ نـجـد ــس · 09-19-2007, 01:15 AM

:

قصيدة مترفة بالشجن

أخي الشاعر محمد السالم

مطر الشعر أنت

:

**خالد صالح الحربي** · 09-19-2007, 01:51 AM

:
نَصّ أكثر من رائع يامحمّد ..
قادرٌ على لَيّ عُنُق أي ذائقة تعرف الفرق بين الشعر واللا شعر ..
وتعرف الفرق بين الكلام الأيّ كلام ، و الكلام الكلام ..
تعرف الفرق بين الوجبة الدسمة وَ الوجبة السريعة ..
كُلّ الشكر لكَ على نَصٍّ مُتقن بمعنى مُتقن .